Вештерот (видеоигра)

Од Википедија — слободната енциклопедија
Прејди на прегледникот Прејди на пребарувањето

Вештерот (објавена под меѓународното име The Witcher, во Полска под оригиналното име Wiedźmin, во Чешка како Zaklínač, во Русија како Wied´mak) е фабуларна видеоигра во фантастична конвенција, развиена од страна на полското студио CD projekt RED и објавена од страна на Атари. Нејзината премиера била на 26 октомври 2007 година на платформата Microsoft Windows и во април 2012 била објавена верзијата за компјутери со OS X систем.

Дејството на Вештерот се одвива во универзумот наречен светот на вештерот, напишана од Анджеј Сапковски. Главниот херој во играта, со кој се оживотворува играчот е Гералт од Ривија - еден од вештерите, односно ликови со натчовечки сили, кои обично убиваат чудовишта што ги напаѓаат населените места. По настаните од Сагата за вештерот Гералт, лишен од сеќавањето, повторно се обидува да се пронајде во мрачната реалност во светот на играта, лишен од изразената поделба на доброто и злото. Токму развитокот на играта го приморува Гералт да направи бројни морални одлуки, кои влијаат врз понатамошните судбини на споредните независни херои. И покрај обидот на Сапковски за прикажување на атмосферата на универзумот, Вештерот од видео играта не добил официјална потпора од страна на писателот.

Првите обиди за да се преточи светот на вештерот во јазикот на играта било планирано уште во деведесеттите години на XX век од страна на Metropolis Software, сепак на студиот CD Projekt RED му успеало да завршат работата за овој проект, кој траел пет години. За проектот на Вештерот биле одговорни Михал Мадеј и Јацек Бжежињски. Буџетот на играта изнесувал околу 19 милиони слоти, а самото нејзино издание било придружено со голема промотивна кампања. По појавата на Вештерот добиле пофалби од страна на критичарите за фабулата, аудиовизуелното оформување и системот на борба. Како негативни забелешки за продукцијата на полското студио биле веднаш признаени прекумерната сексуализација на жените како и бројните технички грешки, при што повеќето од нив ги поправила Проширената Едиција, издадена во септември 2008 година, која освен тоа содржела нови авантури за играчот.

Значајниот комерцијален успех на Вештерот - до јуни 2011 година биле продадени не помалку од 2 милиони примероци - предизвикало нагло внимание од страна на полскиот печат. Во 2011 година CD Projekt RED произвеле продолжение на делото под името Вештерот 2: Убијци на кралови (Wiedźmin 2: Zabójcy królów), веднаш потоа во 2015 година се појавила третата, која става крај на трилогијата на сцените од серијата, насловена како Вештерот 3: Див Лов (Wiedźmin 3: Dziki Gon).

Фабула[уреди | уреди извор]

Дејството на играта се случува во слични фантастични реалии на средновековието. Тие се основаат на светот на вештерот од романот на Анджеј Сапковски. Писателот се води по фантастичната формула, но исто така искористил многу алегорија и референци кон другите видови, традицијата и историјата. Судбината меѓу неговите херои ја истрива еднозначната поделба на доброто и злото, поставувајќи ги пред дилеми и последици полни со противречност и несигурност.

Во Вештерот играчот се оживотворува во ликот на главниот херој од светот на Сапковски, Гералт од Ривија. Тој е еден од вештерите - ликови со натчовечки сили кои обично убиваат чудовишта што ги напаѓаат населените места. Крајот на Сагата за вештерот потклава неколку различни завршетоци на судбините на Гералт (меѓу кои и неговото убиство), но дејството на играта се одвива по настаните во Сагата, каде што му успева да преживее. Оттаму фабулата на Вештерот не добила официјална потпора од Сапковски.

Заплет[уреди | уреди извор]

Играчот се движи во фантастичен свет набљудуван низ перспективата на трето лице или во изометричен поглед. Светот на играта не е отворен, но е поделен на раздели, во кои на играчот му се дадени определени локации.

Предводениот херој е опишан со четири карактеристики: сила, подвижност, истрајност и интелигенција кои имаат пет нивоа на напредување. Убивајќи ги непријателските ликови и извршувајќи ги мисиите, играчот добива поени на искуство, кои можат да се пренасочат за развој на одредени атрибути или за купување на специјални вештини. Се делат на два вида: пасивни, кои ги додаваат модфикаторите до карактеристиките на херојот, како и активни, кои ги активира играчот. Дел од нив се поврзани директно со борбата и магичните вештини, затоа дел се однесува на пример на алхемијата и друштвените вештини на играчот.

Играчот по добивањето на вештините од алхемијата може да спрема еликсири, кои се создаваат со помош на мешање на состојките придобиени од растенијата или убиените чудовишта со специјални напитоци, на пример со високопроцентен алкохол. Создадените мешавини можат да послужат во разна корист во зависност од состојките - на пример лечење на ранет херој, можност за гледање во темнина или помош за точност во борба. Сепак еликсирите имаат споредни ефекти - го трујат ликот на играчот. Освен еликсирите, играчот може да спрема масла за мечовите или петарди фрлани против непријателите.

Освен борбата и извршувањето на мисијата играчот може да навлезе во посебни интеракции со ликовите кои се појавуваат во играта. На пример можно е коцкање во крчма, заедничко пиење алкохол со цел да се добијата специјални предмети или информација од соговорникот и заведување на жени, со што играчот добива карти со еротска содржина.

Играчот е приморан да направи морални избори, кои ќе имаат значајно влијание во светот на играта и нејзиниот завршеток. Ефектите од направениот избор се активираат по неколку саати во играта, што го прави безцелно применувањето на методата за запишување на заплетот пред извршената одлука. Секоја од одлуките има определени негативни ефекти.

Борба[уреди | уреди извор]

На почеток играчот располага со челичен меч кој се користи во борба со луѓе и немагични чудовишта, затоа за време на играта исто така се здобива со сребрен меч кој служи исклучително за судири со суштества со магично потекло. За време на борбата со непријателските ликови играчот мора да фиксира стил, со кој ќе се послужи. Достапни се три видови: силен - назначен за судири со исклучително отпорни противници, брз - за борба со спретни ликови како и групен - кој служи за одбрана од група на непријатели и кој им задава најмалку штети.

Борбата со непријателскиот лик се содржи во тоа што играчот го насочува курсурот на него и притиснува на левиот клик на глувчето, при што херојот извршува определена секвенца удари. Потоа курсурот го променува обликот и играчот повторно притиснува, за неговиот лик да го зададе следниот удар, посилен удар. Секвенцата е прекината, кога играчот ќе притисне во несоодветен момент.

За време на борбата играчот губи поени на истрајност, што влијае на неговата кондиција во понатамошните битки. Возможна е негова регенерација на истрајност со помош на одмор во гостилница или покрај огниште.

Токму со успесите во играта играчот добива можност да се послужи со пет магични секвенци, наречени Знаци. Ард (Aard) овозможува телекинетички удар против непријателскиот лик, Квен (Quen) создава одбранбено поле кое ги задржува нападите на противникот, Ирден (Yrden) поставува магична стапица за чудовишта, Игни (Igni) предизвикува огнен напад, затоа пак Акси (Axii) дозволува да се преземе контрола над противникот. Знаците можат да бидат развивани, што значи поефективни.