Прејди на содржината

Вестон Мекени

Од Википедија — слободната енциклопедија
Вестон Мекени
Лични податоци
Полно име Вестон Џејмс Ерл Мекени[1]
Роден на 28 август 1998(1998-08-28) (27 г.)
Роден во Литл Елм, САД[2]
Држава САД САД
Висина &100000000000001850000001,85 м
Позиција среден ред
Клупски податоци
Сегашен клуб Јувентус Јувентус
Број 22
Младинска кариера
Феникс Отербах
Далас Далас
Шалке 04 Шалке 04
Кариера*
Години Клуб Наст. (Гол.)
2017-2020 Шалке 04 Шалке 04 75 (4)
2020- Јувентус Јувентус 172 (16)
2023 →Лидс Јунајтед Лидс Јунајтед 19 (0)
Репрезентација
2013-2014 САД САД 17 6 (0)
2016 САД САД 19 9 (2)
2016 САД САД 20 2 (0)
2017- САД САД 71 (12)

Вестон Мекени (роден на 28 август 1998 година, во Литл Елм) — американски фудбалер, играч од средниот ред на Јувентус и на американската репрезентација.

Биографија

[уреди | уреди извор]

Вестон Мекени е роден и израснал во Тексас, САД, но како дете поминал три години во Кајзерслаутерн, Германија, додека неговиот татко служел во блиската воздушна база Рамштајн.[3]

Клупска кариера

[уреди | уреди извор]

Почетоци

[уреди | уреди извор]

Мекени започнал да игра фудбал во локалниот германски клуб Феникс Отербах во 2004 година, пред да се врати со семејството назад во САД.[4] Потоа, играл во младинските категории на ФК Далас - клуб од МЛС лигата - седум години од 2009 до 2016 година, пред да се пресели во Шалке во 2016 година.[5]

Шалке 04

[уреди | уреди извор]

Во јули 2016 година, Мекени ја отфрлил можноста да потпише договор за домашен играч со ФК Далас. Наместо тоа, тој се одлучил за трансфер во Бундеслигата, каде му се приклучил на Шалке 04.[6]

Во неговата прва сезона во Шалке, тој играл за екипата под 19 години во Јуниорската Бундеслига Запад, за која одиграл 21 натпревар (во некој од нив и како капитен) и постигнал 4 гола.[7] По завршувањето на сезоната со екипата под 19 години, Мекени бил промовиран во првиот тим во мај 2017 и бил повикан во составот за последниот натпревар од сезоната во Бундеслигата против Инголштат;[8] во 77-мата минута од овој натпревар што завршил 1-1, тој го направил своето деби за Шалке влегувајќи од клупата за резерви на местото на Донис Авдијај.[9] Тоа бил неговиот единствен настап за првиот тим на сините во сезоната 2016-2017.[10] Набргу потоа тој потпишал нов петгодишен договор со клубот од Гелзенкирхен.[11]

Следната сезона, Мекени ја започнал играјќи како стартер во победата со 2-0 над Динамо Берлин во Купот на Германија. Пет дена подоцна, во првото коло од Бундеслигата, тој влегол од клупата во последните десеттина минути од победата со 2-0 над РБ Лајпциг. На 29 септември 2017, против Бајер Леверкузен го имал својот прв старт за Шалке во еден натпревар од првенството, играјќи ги сите 90 минути во ремито 1-1 на Фелтинс Арена. Од тој момент Мекени станал стандарден првотимец на Шалке и ја завршил сезоната со 22 настапи во првенството и 3 во Купот на Германија.

Мекени со Шалке 04 во 2018

Својот прв гол во дресот на Шалке, Мекени го постигнал на 3 октомври 2018 против Локомотив Москва во Лигата на шампионите, носејќи му минимална победа на својот тим со 1-0 на гостувањето во Русија. Само три дена подоцна, тој го постигнал и својот прв гол во Бундеслигата во победата со 2-0 на гостувањето кај Фортуна Диселдорф. Во текот на сезоната 2018-2019, тој одиграл вкупно 33 натпревари и бил користен на многу различни позиции; покрај неговата омилена како дефанзивен играч од средниот ред, играл и како централен дефанзивец, десен бек, десно крило, офанзивен играч од средниот ред, па дури и како напаѓач.

Во сезоната 2019-2020, Мекени постигнал 3 гола на 28 натпревари во Бундеслигата. Вкупно за Шалке одиграл 91 натпревар и постигнал 5 гола.

Јувентус

[уреди | уреди извор]

На 29 август 2020, Мекени му се приклучил на италијанскиот Јувентус како позајмен фудбалер за 4.5 милиони евра, со опција за откуп на играчот за 18.5 милиони евра на крајот од сезоната.[12][13] Тој станал првиот американец кој потпишал за Јувентус во историјата на клубот,[14] а своето деби со бјанконерите го направил на 20 септември, во победата со 3-0 на домашен терен над Сампдорија во Серија А.[15] На 5 декември 2020, Мекени го постигнал својот прв гол во дресот на Јувентус против градскиот соперник Торино во Дерби дела Моле; тој со својот гол го израмнил резултатот во 77-мата минута, кога по центаршутот на Хуан Квадрадо со глава ја сместил топката во мрежата изедначувајќи на 1-1, а до крајот од натпреварот Јувентус успеале да направат целосен пресврт и да победат со 2-1.[16] Само три дена подоцна, тој се запишал во списокот на стрелците и во Лигата на шампионите со прекрасен гол од волеј повторно на додавање на Квадрадо во победата со 3-0 на гостувањето кај Барселона на Камп Ноу:[17] оваа победа им овозможила на бјанконерите да завршат на првото место во групата пред шпанскиот тим.[18]

Мекени со Јувентус во 2021

На 6 јануари 2021, Мекени го постигнал својот трет гол за Јувентус погодувајќи од блиско растојание за победата со 3-1 во дербито против Милан по одличниот пробив од десната страна на Дејан Кулушевски.[19][20] Тој станал првиот американец во историјата кој постигнал гол на Сан Сиро како противнички играч.[21] На 20 јануари 2021, го освоил својот прв трофеј во кариерата, откако Јувентус го победил Наполи со 2-0 во Суперкупот на Италија;[22] тој го одиграл целиот натпревар и направил пенал во завршницата фаулирајќи го Дрис Мертенс, кој противниците не го искористиле. На 19 мај, го освоил вториот трофеј со Јувентус, со победата од 2-1 над Аталанта во финалето на Купот на Италија; Мекени го одиграл целиот натпревар и забележил асистенција за првиот гол на Јувентус кој го постигнал Кулушевски. Својата прва сезона во Италија ја завршил со вкупно 46 настапи и 6 гола во сите натпреварувања.

Уште пред крајот на сезоната, на 3 март 2021 година, Јувентус го искористил своето право на откуп и потпишал траен четиригодишен договор со Мекени.[23]

По долгите летни шпекулации дека ќе го напушти Јувентус после само една сезона во клубот и ќе се пресели во Англија од каде неколку клубови пројавиле интерес за него,[24][25] Мекени сепак останал во гигантот од Торино за својата втора сезона.[26] Својот прв гол за сезоната го постигнал на 27 октомври против Сасуоло, а само три дена подоцна ја затресол и мрежата на Верона; сепак, и двата натпревари завршиле со пораз на неговиот тим од 2-1.[27][28] На 13 јануари 2022, тој постигнал гол со кој го довел Јувентус во водство во натпреварот од Суперкупот на Италија против Интер, завршен со уште еден пораз од 2-1 за бјанконерите, но по продолженија. Неговата втора сезона во Торино не завршила добро, бидејќи на 22 февруари, за време на натпреварот од нокаут фазата од Лигата на шампионите против Виљареал, по судир со противничкиот играч Первис Еступињан, тој доживеал фрактура на втората и третата метатарзална коска:[29] повреда која го принудила предвреме да ја заврши сезоната.[30]

Лидс Јунајтед, враќање во Јувентус

[уреди | уреди извор]

На 30 јануари 2023 година, тој заминал на позајмица до крајот на сезоната, со право на откуп, во англискиот Лидс Јунајтед.[31][32] Своето деби за Лидс го направил на 5 февруари 2023 година, влегувајќи како замена во второто полувреме од поразот со 1-0 од Нотингем Форест во Премиер лигата.[33] Тој забележал 20 настапи без постигнат гол за време на своето искуство на Еланд Роуд, кое не му останало во добро сеќавање, бидејќи бил често критикуван поради неговата форма.[34]

На крајот на сезоната 2022-2023, по испаѓањето на Лидс во Чемпионшип, клубот не го откупил Мекени и така тој се вратил во Јувентус.[35] Иако првично бил на списокот вишок играчи во Јувентус,[36] сепак, за време на претсезоната, исто така поради недостапноста на некои играчи во средниот ред,[37] тој успеал да ја предомисли средината и повторно да најде место во тимот.[38] На 16 септември 2023 година, во победата со 3-1 на домашен терен над Лацио во Серија А, тој го одиграл својот 100-ти натпревар за клубот од Торино, одбележувајќи го со асистенција за третиот гол кој го постигнал Душан Влаховиќ.[39] На 15 мај 2024, Мекени го започнал финалето на Купот на Италија и ги одиграл сите 90 минути, во победата на Јувентус над Аталанта со 1–0, со што тој го освоил својот втор трофеј во Купот на Италија во кариерата.[40] На 22 август 2024, Мекени го продолжил договорот со Јувентус до 2026 година.[41]

На 17 септември 2024, тој постигнал гол во првиот натпревар на клубот за сезоната 2024-2025 во Лигата на шампионите, придонесувајќи за победата од 3–1 над ПСВ.[42] На 27 октомври, тој забележал две асистенции во ремито 4–4 во Дербито на Италија против Интер.[43] Во следниот натпревар, на 30 октомври, тој постигнал гол во домашниот натпревар против Парма што завршил нерешено 2-2.[44] На 11 декември, тој го постигнал вториот гол за Јувентус со волеј-удар по центаршутот на неговиот сонародник Тимоти Веа во победата со 2-0 над Манчестер Сити во Лигата на шампионите.[45]

Репрезентативна кариера

[уреди | уреди извор]

Мекени ја претставувал својата земја во неколку младински селекции вклучувајќи ги репрезентациите под 17, под 19 и под 20 години.

Мекени со репрезентацијата на САД на КОНКАКАФ Голд куп 2019

Својот прв повик во сениорската репрезентација го добил за пријателскиот натпревар против Португалија на 14 ноември 2017, постигнувајќи гол на своето деби за јеникте во ремито 1-1.[46][47]

Мекени бил повикан во американската репрезентација за КОНКАКАФ Голд купот 2019, кој се одржал во три земји САД, Костарика и Јамајка. Во првиот натпревар на американците на турнирот, тој забележал асистенција во победата со 4-0 над Гвајана. Првиот свој гол на Голд купот го постигнал во четвртфиналето во победата со 1-0 над Курасао. Потоа, тој постигнал гол и во полуфиналето во победата со 3-1 над Јамајка и како капитен го одиграл целиот натпревар во финалето, во кое јенките биле поразени од Мексико со 1-0.

на 12 октомври 2019, Мекени го постигнал најбрзиот хет-трик во историјата на американската репрезентација, постигнувајќи три гола за 13 минути во победата со 7-0 над Куба во КОНКАКАФ Лигата на нации.[48]

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― САД
Дата Град Домашни Резултат Гости Натпреварување Голови Инфо Детали
14-11-2017ЛеиријаПортугалија Португалија1 – 1САД САДПријателска1заменет 84'
29-5-2018ФиладелфијаСАД САД3 – 0Боливија БоливијаПријателска-добил жолт картон во 65-тата минута 65'
2-6-2018ДаблинИрска Ирска2 – 1САД САДПријателска-заменет 81'
9-6-2018ЛионФранција Франција1 – 1САД САДПријателска-добил жолт картон во 79-тата минута 79'
7-9-2018Ист РатерофрдСАД САД0 – 2Бразил БразилПријателска-заменет 83'
12-9-2018НешвилСАД САД1 – 0Мексико МексикоПријателска-заменет 40'
15-11-2018ЛондонАнглија Англија3 – 0САД САДПријателска-заменет 76'
22-3-2019ОрландоСАД САД1 – 0Еквадор ЕквадорПријателска-заменет 68'
9-6-2019СинсинатиСАД САД0 – 3Венецуела ВенецуелаПријателска-заменет 62'
19-6-2019Сент ПолСАД САД4 – 0Гвајана ГвајанаГолд куп 2019 - Прва фаза-заменет 74'
23-6-2019КливлендСАД САД6 – 0Тринидад и Тобаго Тринидад и ТобагоГолд куп 2019 - Прва фаза-добил жолт картон во 58-мата минута 58'
30-6-2019ФиладелфијаСАД САД1 – 0Курасао КурасаоГолд куп 2019 - Четвртфинале1
3-7-2019НешвилЈамајка Јамајка1 – 3САД САДГолд куп 2019 - Полуфинале1добил жолт картон во 31-вата минута 31'
7-7-2019ЧикагоМексико Мексико1 – 0САД САДГолд куп 2019 - Финале-
6-9-2019Ист РатерфордСАД САД0 – 3Мексико МексикоПријателска-
12-10-2019ВашингтонСАД САД7 – 0Куба КубаКОНКАКАФ Лига на нации 2019-2020 - Втора фаза3заменет 46'
16-10-2019ТоронтоКанада Канада2 – 0САД САДКОНКАКАФ Лига на нации 2019-2020 - Втора фаза-добил жолт картон во 33-тата минута 33'
15-11-2019ОрландоСАД САД4 – 1Канада КанадаКОНКАКАФ Лига на нации 2019-2020 - Втора фаза-
19-11-2019Џорџ ТаунКуба Куба0 – 4САД САДКОНКАКАФ Лига на нации 2019-2020 - Втора фаза-заменет 69'
12-11-2020КардифВелс Велс0 – 0САД САДПријателска-
16-11-2020АвстријаСАД САД6 – 2Панама ПанамаПријателска-добил жолт картон во 50-тата минута 50'
30-5-2021Санкт ГаленШвајцарија Швајцарија2 – 1САД САДПријателска-
4-6-2021ДенверСАД САД1 – 0Хондурас ХондурасКОНКАКАФ Лига на нации 2019-2020 - полуфинале-
7-6-2021ДенверСАД САД3 – 2 прод.Мексико МексикоКОНКАКАФ Лига на нации 2019-2020 - Финале1
2-9-2021Сан СалвадорЕл Салвадор Ел Салвадор0 – 0САД САДКвал. за СП 2022-добил жолт картон во 67-мата минута 67'
7-10-2021ОстинСАД САД2 – 0Јамајка ЈамајкаКвал. за СП 2022-
13-10-2021КолумбусСАД САД2 – 1Костарика КостарикаКвал. за СП 2022-
13-11-2021СинсинатиСАД САД2 – 0Мексико МексикоКвал. за СП 20221добил жолт картон во 68-мата минута 68'
27-1-2022КолумбусСАД САД1 – 0Ел Салвадор Ел СалвадорКвал. за СП 2022-
30-1-2022ХамилтонКанада Канада2 – 0САД САДКвал. за СП 2022-
2-2-2022МинесотаСАД САД3 – 0Хондурас ХондурасКвал. за СП 20221заменет 84'
2-6-2022СинсинатиСАД САД3 – 0Мароко МарокоПријателска-влегол во игра 72'
5-6-2022Канзас СитиСАД САД0 – 0Уругвај УругвајПријателска-заменет 46'
11-6-2022ОстинСАД САД5 – 0Гренада ГренадаКОНКАКАФ Лига на нации 2022-2023 - Прва фаза-заменет 46'
14-6-2022Сан СалвадорЕл Салвадор Ел Салвадор1 – 1САД САДКОНКАКАФ Лига на нации 2022-2023 - Прва фаза-влегол во игра 46'
23-9-2022ДиселдорфЈапонија Јапонија2 – 0САД САДПријателска-заменет 67'
27-9-2022РијадСаудиска Арабија Саудиска Арабија0 – 0САД САДПријателска-заменет 76'
21-11-2022Ал РајанСАД САД1 – 1Велс ВелсСП 2022 - Групна фаза-добил жолт картон во 13-тата минута 13' заменет 66'
25-11-2022Ал ХорАнглија Англија0 – 0САД САДСП 2022 - Групна фаза-заменет 77'
29-11-2022ДохаИран Иран0 – 1САД САДСП 2022 - Групна фаза-заменет 65'
3-12-2022Ал РајанХоландија Холандија3 – 1САД САДСП 2022 - Осминафинале-заменет 67'
24-3-2023Сент ЏорџесГренада Гренада1 – 7САД САДКОНКАКАФ Лига на нации 2022-2023 - Прва фаза2заменет 57'
27-3-2023ОрландоСАД САД1 – 0Ел Салвадор Ел СалвадорКОНКАКАФ Лига на нации 2022-2023 - Прва фаза-заменет 90+2'
15-6-2023ПарадајсСАД САД3 – 0Мексико МексикоКОНКАКАФ Лига на нации 2022-2023 - Полуфинале-Red card 71'
9-9-2023Сент ЛуисСАД САД3 – 0Узбекистан УзбекистанПријателска-заменет 81'
12-9-2023Сент ПолСАД САД4 – 0Оман ОманПријателска-
14-10-2023Ист ХартфордСАД САД1 – 3Германија ГерманијаПријателска-заменет 75'
17-10-2023НешвилСАД САД4 – 0Гана ГанаПријателска-влегол во игра 46'
16-11-2023ОстинСАД САД3 – 0Тринидад и Тобаго Тринидад и ТобагоКОНКАКАФ Лига на нации 2023-2024 - Четвртфинале-
21-3-2024АрлингтонСАД САД3 – 1 прод.Јамајка ЈамајкаКОНКАКАФ Лига на нации 2023-2024 - Полуфинале-
24-3-2024АрлингтонСАД САД2 – 0Мексико МексикоКОНКАКАФ Лига на нации 2023-2024 - Финале-добил жолт картон во 27-мата минута 27'
8-6-2024ЛандоверСАД САД1 – 5Колумбија КолумбијаПријателска-заменет 71'
12-6-2024ОрландоСАД САД1 – 1Бразил БразилПријателска-
23-6-2024АрлингтонСАД САД2 – 0Боливија БоливијаКопа Америка 2024 - Прва фаза-добил жолт картон во 49-тата минута 49' заменет 78'
27-6-2024АтлантаПанама Панама2 – 1САД САДКопа Америка 2024 - Прва фаза-
1-7-2024Канзас СитиСАД САД0 – 1Уругвај УругвајКопа Америка 2024 - Прва фаза-
14-11-2024КингстонЈамајка Јамајка0 – 1САД САДКОНКАКАФ Лига на нации 2024-2025 - Четвртфинале-добил жолт картон во 50-тата минута 50' заменет 72'
18-11-2024Сент ЛуисСАД САД4 – 2Јамајка ЈамајкаКОНКАКАФ Лига на нации 2024-2025 - Четвртфинале-заменет 69'
20-3-2025ИнглвудСАД САД0 – 1Панама ПанамаКОНКАКАФ Лига на нации 2024-2025 - Полуфинале-
23-3-2025ИнглвудКанада Канада2 – 1САД САДКОНКАКАФ Лига на нации 2024-2025 - натп. за 3. место-заменет 69'
10-10-2025ОстинСАД САД1 – 1Еквадор ЕквадорПријателска-заменет 63'
14-10-2025Комерс СитиСАД САД2 – 1Австралија АвстралијаПријателска-заменет 76'
28-3-2026АтлантаСАД САД2 – 5Белгија БелгијаПријателска1добил жолт картон во 19-тата минута 19' заменет 70'
31-3-2026АтлантаСАД САД0 – 2Португалија ПортугалијаПријателска-заменет 46'
31-5-2026ШарлотСАД САД3 – 2Сенегал СенегалПријателска-влегол во игра 46'
6-6-2026ЧикагоСАД САД1 – 2Германија ГерманијаПријателска-заменет 62'
12-6-2026ИнглвудСАД САД4 – 1Парагвај ПарагвајСП 2026 - Прва фаза-
19-6-2026СиетлСАД САД2 – 0Австралија АвстралијаСП 2026 - Прва фаза-заменет 90+6'
25-6-2026ИнглвудТурција Турција3 – 2САД САДСП 2026 - Прва фаза- заменет 86'
1-7-2026Санта КлараСАД САД2 – 0Босна и Херцеговина Босна и ХерцеговинаСП 2026 - Шеснаесттинафинале-заменет 90+5'
6-7-2026СиетлСАД САД1 – 4Белгија БелгијаСП 2026 - Осминафинале-добил жолт картон во 35-тата минута 35'
Вкупно Настапи 71 Голови 12

Статистика

[уреди | уреди извор]

Клупска статистика

[уреди | уреди извор]

Статистикате е ажурирана на 17 септември 2023.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2016-2017Германија Шалке 04БЛ10КГ--ЛЕ-----10
2017-2018БЛ220КГ30------250
2018-2019БЛ241КГ30ЛШ61---332
2019-2020БЛ283КГ40------323
Вкупно Шалке 0475410061--915
2020-2021Италија ЈувентусА345КИ40ЛШ71СИ10466
2021-2022А213КИ10ЛШ60СИ11294
2022-јан. 2023А151КИ10ЛШ52---213
јан.-јун. 2023Англија Лидс ЈунајтедПЛ190ФАКуп+ЛК1+00------200
2023-2024Италија ЈувентусА340КИ40------380
2024-2025А322КИ20ЛШ93СИ+Скп1+40485
2025-2026A365КИ20ЛШ104---489
Вкупно Јувентус1721614037107123027
Вкупно во кариерата2662025043117134132

Титули

[уреди | уреди извор]

Клупски

[уреди | уреди извор]

Италија Јувентус

[уреди | уреди извор]
2020-2021, 2023-2024
2020

Репрезентативни

[уреди | уреди извор]
САД САД
2019-2020, 2022-2023

Поединечни

[уреди | уреди извор]
2020

Наводи

[уреди | уреди извор]
  1. ↑ „40-Player National Team Roster: 2019 Concacaf Gold Cup: United States“ (PDF). CONCACAF. стр. 16. Посетено на May 21, 2019 – преку Bernews.
  2. ↑ „U.S. prospect Weston McKennie is living his dream in Germany“. ESPN FC / Howler Magazine.
  3. ↑ „Weston McKennie: 10 things you might not know about Schalke's USA starlet“ (англиски). Архивирано од изворникот на 2020-09-24. Посетено на 28 agosto 2020. Проверете ги датумските вредности во: |accessdate= (help)
  4. ↑ Uerfsfeld, Stephan (April 4, 2017). „Schalke's Weston McKennie dreaming of following Christian Pulisic's path“. ESPN FC. Посетено на May 30, 2020.
  5. ↑ Sidway, Scott (September 23, 2016). „How FC Dallas became home to the best academy in the United States“. MLS. Посетено на August 19, 2020.
  6. ↑ Joseph, Brendan. „Weston McKennie signs with FC Schalke“. Stars and Stripes. Посетено на May 20, 2017.
  7. ↑ „Weston McKennie season 2016-2017“. transfermarkt.
  8. ↑ „Schalke promote American duo McKennie and Wright to senior squad“ (англиски). 18 мај 2017. Архивирано од изворникот на 2022-03-29. Посетено на 28 август 2020.
  9. ↑ „Ingolstadt-Schalke 04 1-1“. 20 мај 2017. Посетено на 28 август 2020.
  10. ↑ „Weston McKennie“. kicker.de. kicker. Посетено на September 18, 2018.
  11. ↑ „Schalke tie U.S. youngster Weston McKennie to new five-year deal“.
  12. ↑ „Weston McKennie wechselt zu Juventus Turin“ (германски). 29 август 2020. Посетено на 29 август 2020.
  13. ↑ Juventus.com. „Welcome Weston!“. Juventus.com (англиски). Посетено на 2020-08-29.
  14. ↑ Domenico Marchese (26 август 2020). „Juventus, arriva McKennie: è il primo americano bianconero“. Посетено на 31 август 2020.
  15. ↑ Federico Sala (20 септември 2020). „Juventus-Sampdoria 3-0: Kulusevski, Bonucci e Ronaldo. Pirlo parte bene“.
  16. ↑ „USMNT's McKennie leads Juventus comeback in Derby della Mole (video)“. ProSoccerTalk | NBC Sports (англиски). 2020-12-05. Посетено на 2020-12-05.
  17. ↑ Randhawa, Jaikuran (8 December 2020). „Video: McKennie scores scissor kick for Juventus vs Barcelona“. CaughtOffside (англиски). Посетено на 8 December 2020.
  18. ↑ Timothy Ormezzano (9 декември 2020). „La Juve di Pirlo vola grazie a McKennie e Cuadrado“. Посетено на 9 декември 2020.
  19. ↑ „МИЛАН – ЈУВЕНТУС 1:3 Киеза и МекКени му го нанесоа првиот пораз на Милан во одличното дерби“. mk.tv21.tv. 2021-01-06. Посетено на 2021-01-08.
  20. ↑ „Pirlo ha già stravinto la scommessa McKennie. E i tifosi lo paragonano a un certo Vidal...“.
  21. ↑ „McKennie nella storia: è il primo americano a segnare a San Siro da avversario“. milannews24.com (италијански). 2021-01-07. Посетено на 2021-01-08.
  22. ↑ „CELEBRATING LIKE A WES“. Juventus on Instagram. 20 јануари 2021. Посетено на 21 јануари 2021.
  23. ↑ „Ufficiale il riscatto di Weston McKennie“. Juventus (италијански). March 3, 2021. Посетено на March 3, 2021.
  24. ↑ „Tottenham interested in Juventus midfielder Weston McKennie“. sportlens. 26 август 2021. Посетено на 10 април 2022.[мртва врска]
  25. ↑ „Report: Burnley in talks for Spurs and Aston Villa-linked Weston McKennie“. tbr. 31 август 2021. Посетено на 10 април 2022.
  26. ↑ „McKennie resta alla Juve: tentativo in extremis fallito da un club“. juventus news 24. 31 август 2021. Посетено на 10 април 2022.
  27. ↑ „Juventus fall to injury-time defeat“. BBC Sport (англиски). Посетено на 2021-11-03.
  28. ↑ „Juventus drop to ninth after fourth loss“. BBC Sport (англиски). Посетено на 2021-11-03.
  29. ↑ „Training Center | Rientro a Torino e scarico per i bianconeri“. 2022-02-23.
  30. ↑ Luca Stamerra (2022-03-06). „Serie A, Tegola Juventus - Allegri conferma: "Stagione finita per McKennie"“.
  31. ↑ „Leeds United complete Weston McKennie deal“ (англиски). 30 јануари 2023. Посетено на 30 јануари 2023.
  32. ↑ „Grazie, Weston, e buona fortuna!“. 30 јануари 2023. Посетено на 30 јануари 2023.
  33. ↑ mcKennie Leeds debut
  34. ↑ „McKennie, l'esordio con il Leeds è da horror. I tifosi: "Sembra sovrappeso"“. 2023-02-06.
  35. ↑ „McKennie torna alla Juventus: il Leeds retrocede e non lo riscatta“. 2023-05-28.
  36. ↑ Giovanni Albanese (2023-07-14). „Quei quattro esuberi "sistemati" in un giorno: Bonucci & co., chi paga la linea dura Juve“.
  37. ↑ Giuseppe Nigro (2023-08-25). „Da esubero a polizza per Pogba e ora esterno a tutta fascia: così McKennie si gioca il futuro Juve“.
  38. ↑ Stefano Silvestri (2023-09-16). „La riscoperta di McKennie: da esubero a titolare in poche settimane“.
  39. ↑ Juventus FC [@@juventusfc] (2023-09-16). „100 presenze in ⚪️⚫️ per Weston!“ (Tweet) – преку Twitter.
  40. ↑ „LA JUVENTUS VINCE LA COPPA ITALIA FRECCIAROSSA“ [JUVENTUS WINS THE FRECCIAROSSA ITALIAN CUP] (италијански). Lega Serie A. May 16, 2024. Архивирано од изворникот на May 16, 2024. Посетено на May 16, 2024.
  41. ↑ Says, Bianconero (August 22, 2024). „McKennie agrees new Juventus contract until 2026“. football-italia.net (англиски). Посетено на August 22, 2024.
  42. ↑ „Juventus 3-1 PSV (17 Sep, 2024) Game Analysis“. ESPN (англиски). Посетено на September 17, 2024.
  43. ↑ „Weston McKennie records two assists, Tim Weah scores as USMNT duo play roles in eight-goal thriller as Juventus and Inter share point in Derby d'Italia | Goal.com US“. www.goal.com (англиски). October 27, 2024. Посетено на October 27, 2024.
  44. ↑ „Juventus 2-2 Parma (Oct 30, 2024) Game Analysis“. ESPN (англиски). Посетено на October 31, 2024.
  45. ↑ „Weston McKennie scores stunning side volley for Juventus vs Man City off Weah assist (video)“. NBC Sports (англиски). December 11, 2024. Посетено на December 11, 2024.
  46. ↑ „USA's new era starts with draw against European champions Portugal“. theguardian.com. Посетено на November 16, 2017.
  47. ↑ „Weston McKennie man of the match as U.S. earn draw in Portugal“. espnfc.com. Посетено на November 16, 2017.
  48. ↑ sport, Guardian; agencies (October 12, 2019). „Weston McKennie scores record hat-trick as USA hammer seven past Cuba“. The Guardian (англиски). ISSN 0261-3077. Посетено на October 12, 2019.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Вестон_Мекени&oldid=5589704“