Вера Албрехт

Вера Албрехт

Вера Албрехт (12 февруари 1895 – 25 мај 1971) била словенечка поетеса, писателка, публицист и преведувач.

Вера Кеслер била родена во Кршко во добро ситуирано семејство. Нејзината мајка, Марија Кеслер, била етничка германска социјалистка, додека нејзиниот татко, Рудолф Кеслер, бил Словенец. Домот на нејзините родители во Љубљана бил познато собиралиште за словенечката книжевна сцена, каде што доаѓале истакнати писатели како Иван Цанкар и Отон Жупанчич. Нејзината сестра, Ана Кеслер, се омажила за Жупанчич.

Вера студирала на Универзитетот во Виена, но не ги завршила студиите поради избувнувањето на Првата светска војна. Во 1919 година, се омажила за поетот и критичар Фран Албрехт.

За време на Втората светска војна, таа и нејзиниот сопруг активно учествуваа во Ослободителниот фронт на словенечкиот народ . И двајцата биле затворени од италијанските фашистички власти во неколку наврати помеѓу 1941 и 1943 година. Во 1944 година, Германците ја испратиле во концентрациониот логор Равенсбрик. По војната со сопругот се преселила во Љубљана каде работела како публицист и во словенечкиот центар на Меѓународниот ПЕН Центар. Таа починала во Љубљана.

Поврзано

• Список на словенечки поети