Велика Чука (Ораовица)

Велика Чука - Тумба — археолошко наоѓалиште во радовишкото село Ораовица. Претставува населба од бронзено време и од доцната антика. На 500 м од излезот на селото, од левата страна на патот за Радовиш се издига голема височинка, со пречник во основата од околу 150 м и висина од околу 10 м. Има зарамнето плато на кое се наоѓаат урнатини од црква и неколку гробови од поново време. Со исклучок на западната страна, која е блага и пристапна, другите се стрмни и се спуштаат кон коритото на селската река. На источното подножје лежат денешните гробишта, а на самиот врв има урнатини од старата гробишна црква. Според обликот и димензиите Велика Чука личи на праисториските населби од Пелагонија, така што, покрај остатоците од бронзеното време, треба да се очекуваат и остатоци од постари населби.

Поврзано

• Велика Чука — тумба — населба од бронзеното и доцноантичкото време;
• Градиште — градиште од римското време;
• Дива Топола - Крива Врба — населба од неолитското време ;
• Манастир Св. Ѓорѓи — средновековен сакрален објект;
• Троло — неолитска населба;
• Црвен Брег — населба од бронзеното и доцноантичкото време;
• Ораовица;
• Список на археолошки наоѓалишта во Радовишко;
• Список на средновековни некрополи во Македонија.