Вексилолошка терминологија

Вексилолошката терминологија вклучува поими со кои се објаснува дизајнот и описот на едно знаме. Голем дел од вексилолошките поими се проследени и со графички симбол што го олеснува описот на дизајнот.

Делови на знамето[уреди | уреди извор]

Едно знаме може да ги има следните делови:

амблем - приказ на одреден грб или останат хералдички симбол
позадина - основната боја на знамето на која се наредени останатите елементи
прицврстен дел - двата кантона кои се наоѓаат до јарболот, односно половина знаме
слободен дел - двата кантона кои се наоѓаат од спротива на јарболот, односно половина знаме
кантон - која била четвртина од знамето, но сепак најчесто за кантон се смета горниот лев кантон.
беџ - кој било хералдички симбол прикажан на знамето
гранична лента - тесни ленти кои се наоѓаат помеѓу две големи ленти за да се означи разграничување.
долен и горен раб - рабовите на знамето
агли - четирите агли на знамето

Симболи[уреди | уреди извор]

Некои држави имаат едно национално знаме кое се користи во неколку контексти, за разлика од останатите држави кои имаат неколки знамиња за различни контексти. Честопати, пловното знаме и знамето од истиот контекст се со ист дизајн, како што е случај со Република Македонија. Постојат шест основни контексти кои со комбинирање се добиваат повеќе. Комбинирањето е во зависност од намената на знамето. Шесте основни контексти се^[1]:

граѓанско знаме – се вее од страна на народот
државно знаме – се вее од страна од владините институции
воено знаме – се вее од воените институции
пловно знаме – се вее на приватни објекти, како на пример приватни бродови
управно пловно знаме – се вее на владини објекти, како на пример владини бродови
морнаричко знаме – се вее на воени бродови

Останати симболи[уреди | уреди извор]

Постојат и останати симболи кои појаснуваат како знамето изгледа, како што е дизајнот, истакнувањето и слично. Симболите за општа уботреба се:

Нормална или де јуре верзија на знамето или предна страна
Дизајн предложен во минатото, но не се користел официјално
Дизајнот е реконструкција заснован на минат опис
Задна страна на знаме
Дизајнот е прифатлива верзија на знамето
Алтернативна верзија на знамето
Де факто верзија на знамето
Знамето има различен дизајн на предната и задната страна на знамето
Предната страна е замислена да биде исправена каде јарболот е на десна страна на набљудувачот
Дизајнот е официјално одобрен да претставува нација
Дизајн кој се користел во минатото, но денес е напуштен (овој симбол не е во сетот на Смит)
Задната страна е копија од предната
Задната страна е во согласност со предната страна
Информација за задната страна не е достапна
Знамето може да биде поставено вертикално на нормален јарбол, а потоа да се сврти јарболот за 90 степени
Знамето може да биде поставено вертикално со претходно ротирање на дизајнот
Методот за вертикално поставување на знамето не е познат
Дизајнот нема елемент кој можe да се ротира
Знамето може да се постави само вертикално