Варници (Демир Капија)

Варници или Манастир — археолошко наоѓалиште во градот Демир Капија. Претставува населба и некропола од римското време, базилика и некропола од доцноантичкото време и средновековна црква со некропола. На 2 км источно од центарот на Демир Капија, во Клисурско Маало, над десниот брег на Вардар на стариот магистрален пат се издига стрмен рид. На него се наоѓа месноста Манастир на која се откриени најстарите траги од живеење, од почетокот на антиката. Во периодот 1948/54 Aрхеолошкиот музеј вршел ископувања и притоа открил остатоци од профана архитектура од римското време, ѕидани гробници од V до VI век, како и 30 гроба од средниот век. Откопан е и поголем дел од старохристијанска базилика, чиј централен дел бил во употреба и во средниот век. Најдени се и римски монети од XII до XIII век и камена икона со претстава на светителот Јован Претеча. Во северозападното подножје на ридот се наоѓа месноста Варници во која се откриени гробови од римското време.

Поврзано

• Автопат — храм од раноантичкото и римското време;
• Бандера - Бошавица — храм и некропола од римското време;
• Бандерица — некропола и ѕидан водовод од римското време;
• Болница — некропола од раноантичкото време и депо на средновековни монети;
• Будур Чифлик — населба и некропола од доцноантичкото време;
• Градина — населба од бронзеното и некропола од римското време;
• Просек — средновековна тврдина;
• Клисура — населба од раноантичкото време;
• Кула на Пострелец — утврдување од хеленистичкото и доцноантичкото време;
• Манастир — населба од праисториското до доцноантичкото време, старохристијанска и средновековна некропола;
• Некропола 1 — некропола од железното време;
• Некропола 2 - Будур Чифлик — некропола од железното време;
• Рамниште — утврдена населба од железното и хеленистичкото време;
• Римски Пат — Остатоци од пат од римското време;
• Црквиште — старохристијанска базилика со некропола и средновековна црква со некропола;
• Демир Капија;
• Список на археолошки наоѓалишта во Демиркаписко;
• Список на средновековни некрополи во Македонија.