Вангел Ајановски - Оче

Од Википедија — слободната енциклопедија
Прејди на прегледникот Прејди на пребарувањето
Вангел Ајановски - Оче
VangelAjanovskiOce.jpg
Роден 5 февруари 1909
Воден, Османлиско Царство
Починал 19 мај 1996(1996-05-19) (возр. 87)
Скопје, Македонија
Познат основач и раководител на МАО и ТОМО

Вангел Ајановски - Оче (5 февруари 190919 мај 1996) — деец на македонското национално движење (НОД) од Егејска Македонија, основач и раководител на Македонската антифашистичка организација (МАО) Тајната ослободителна македонска организација (ТОМО).

Во работничкото движење на Грција учествувал од 1928 година, како член на ОКНЕ. Во периодот меѓу двете светски војни бил член на Комунистичката партија на Грција (КПГ) и секретар на реонскиот комитет за Воден во 1941 година.[1] Во 1942 година во Воден ја основал МАО. Во 1944 година бил заменик на политичкиот секретар на Прва егејска ударна бригада, а во наредната 1945 година, на 20 јануари ја формирал и раководел организацијата ТОМО. Во пролетта (месец април), истата година станал секретар на Окружниот комитет на НОФ за Воденско, а потоа од мај 1947, бил член на Извршниот одбор и организационен секретар на Централниот совет на НОФ на Македонците од Егејска Македонија. Во периодот од летото 1942 до октомври 1943 го уредувал весникот „Црвена Ѕвезда“.[2]

Вангел Ајановски, пред повеќе од триесетина години, го подарил оригиналниот примерок од прочуениот Абецедар, на Државниот архив на Македонија.[3]

Творештво[уреди | уреди извор]

Наводи[уреди | уреди извор]

  1. Македонски историски речник. Скопје: ИНИ. 2000. стр. 16. ISBN 9989-624-46-1. На |first= му недостасува |last= (help)
  2. Христо Андоновски, Македонците под Грција во борбата против фашизмот 1940–1944, Скопје, 1968.
  3. „Вангел Ајановски-Оче, познат македонски револуционер, му го подарил Оригиналниот „Абецедар" на Архивот на Македонија пред триесетина години“. Македонска нација.

Литература[уреди | уреди извор]

  • Егејска Македонија во НОБ 1948, Том V, Скопје 1981
  • Егејска Македонија во НОБ 1949, Том VI, Скопје 1983.

Надворешни врски[уреди | уреди извор]