Валандовски земјотрес (1931)

Од Википедија — слободната енциклопедија
Прејди на прегледникот Прејди на пребарувањето
Валандовски земјотрес (1931)
Весникот „Политика“ од 10 март 1931 г. со известување за пристигнувањето на кралот Александар во областа на земјотресот
Епицентарот на земјотресот
Датум 8 март 1931
Време 01:50:00 CET
Траење 3 минути
Магнитуда 6,7 ML
Длабочина 16 км
Епицентар Марвинци (41°16′54″ N; 22°28′59″ E / 41.28175° СГШ; 22.483° ИГД / 41.28175; 22.483)
Зафатени земји/подрачја Кралство Југославија
Жртви 31 загинат, 82 повредени

Валандовски земјотрес од 1931 година — природна катастрофа која го погодила градот Валандово. Земјотресот се случил на 8 март 1931 година во 01:50 часот.[1]

Сеизмичност на областа[уреди | уреди извор]

Валандовското епицентрално подрачје има голема сеизмичност, што може да се забележи од големиот број на случени земјотреси во периодот 1900-2016 година. На ова подрачје често се случуваат слаби земјотреси со магнитуда ML <3 и ретка појава на умерени до силни, како што бил случајот во 1931 година. На 7 и 8 март 1931 година се случиле девет земјотреси со магнитуда од 4,0 до 6,7, од кои двата поголеми од 6,0. Едниот од нив, воедно е и најсилниот досега познат земјотрес во ова подрачје, со магнитуда од 6,7 степени и длабочина на хипоцентарот од околу 16 километри. Силината на овој земјотрес имала разурнувачка моќ на релативно голема површина. Интензитет од VIII степени бил почувствуван дури на 50 километри од епицентарот, а во потесното епицентрално подрачје земјотресот бил почувствуван со интензитет од IX и X степени според Европската макросеизмичка скала.[1]

Карактеристично за ова подрачје е појавата на афтершокови во релативно долг период по секој силен земјотрес. Така, по земјотресите во 1931 година, неколку години имало голем број на слаби и умерени земјотреси.[1]

Последици[уреди | уреди извор]

За време на земјотресот од 1931 година биле оштетени околу 45 населени места, од кои 29 во најтесното епицентрално подрачје, околу градот Валандово, и 16 во неговата непосредна околина, главно областа околу Струмица.[1]

Во самото епицентрално подрачје скоро целосно биле уништени 89% од севкупниот градежен фонд, додека во непосредната валандовска околина се уништени 39%.[1]

Села настрадани во земјотресот
Срамнети со земја Тешко оштетени
Пирава Богородица
Караѓорѓево Стојаково
Валандово Богданци
Балинци Негорци
Брајковци Моин
Грнчиште Кованци
Удово Коњско
Градец Терменин
Миронче Хома
Милетково
Ѓавато
Демир Капија
Давидово
Благуш
Смоквица

Исто така, голем број села од тогашните срезови: Неготински, Дојрански, Струмички и Гевгелиски биле тешко оштетени.[1]

Наводи[уреди | уреди извор]

  1. 1,0 1,1 1,2 1,3 1,4 1,5 Порта3 (2017-12-21). „Разурнувачкиот земјотрес во Валандово од 1931 година“. Порта3 - градежништво, архитектура и екологија. Посетено на 2021-10-08.

Поврзано[уреди | уреди извор]