Буденовка

Буденовка (руски: будёновка) ― вид на шапка, дел од комунистичката воена униформа на Руската граѓанска војна, по руската револуција од 1917 до 1922 година. Капата била именувана по Семјон Будјони, а позната била и како „фрунзенка“, по Михаил Фрунзе. Шапката е мека, волнена и покрива врат и уши. Капата има врв и свиткани капаци за уши кои се закопчуваат под брадата.

Историја

Шапката е создадена како дел од новата униформа за руската армија од Виктор Васнецов, познат руски сликар, кој бил инспириран од витешкиот шлем од 12 век, кој пак бил направен од широка ткаенина со зашилен врв и преклопи што можеле да се врзат на брадата за топлина. ^[1] ^[2] Оригиналното име било богатирка (богатырка), богатирски шлем, и требало да ги инспирира руските војници така што ги асоцирало на легендарните херои од рускиот фолклор .

Како што било воспоставено во јануари 1919 година, буденовката била зададена како зимска наметка за глава. Изработена била од ткаенина како, таа имала преклопки што можеле да се спуштат надолу и да се закопчаат под брадата. Карактеристичниот шилец бил создаден од зацврстена спирала зашиена во темето и покриена со каки ткаенина. ^[3] Првичниот модел со висок врв бил заменет со попрактичен модел со низок врв во 1927 година. Летната верзија постоела кратко време и направена била од полесна ткаенина и била без преклопки.

Шапката долго време не била дел од униформата на Црвената армија, и од политички и од практични причини. Иако била релативно лесна за производство, барала скапа волна, не обезбедувала добра заштита од студено време и не можела да се носи под шлем. Престанала да се користи за време на воените реформи од средината на 1930-тите, а постепеното укинување започнало во 1935 година. Буденовките сè уште биле во употреба за време на Зимската војна од 1939 година, а дефектот на советската опрема довело до воведување на разни подобрени зимски униформи. Советската армија требало да ја добие гарнизонската капа (наречена „пилотка“), која би ги направила шлемовите поудобни, и надворешната ушанка. Во Црвената армија, буденовките биле претежно заменети со почетокот на Големата патриотска војна во 1941 година, но некои сè уште ги користеле советските резервни трупи, милицијата и партизаните.

Буденовката станала дел од историјата бидејќи коњаниците на Црвената армија кои носеа буденовки станале иконска културна слика од Руската граѓанска војна, заедно со тачанките, револверот Нагант или Маузер Ц96, топот Максим и бунтовните морнари со ремени со муниција префрлени преку градите. Стилизираните буденовки биле сè уште популарни детски капи до крајот на 60-тите години.