Броштица

Од Википедија — слободната енциклопедија
Прејди на прегледникот Прејди на пребарувањето
Броштица
Броштица is located in Македонија
Броштица
Местоположба на Броштица во Македонија
Координати 41°29′30″N 20°35′4″E / 41.49167° N; 20.58444° E / 41.49167; 20.58444Координати: 41°29′30″N 20°35′4″E / 41.49167° N; 20.58444° E / 41.49167; 20.58444
Општина Coat of arms of Centar Župa Municipality.svg Центар Жупа
Население 748 жит.
(поп. 2002)
Надм. вис. 1328 м
Броштица на општинската карта
Броштица во Општина Центар Жупа.svg

Атарот на Броштица во рамките на општината

Броштица — село во Општина Центар Жупа, во околината на градот Дебар. Најголем дел од населението се Македонци-муслимани, од кои дел се изјасниле како Турци поради политичко-религиски причини.

Географиja и местоположба[уреди | уреди извор]

Селото Броштица се наоѓа во областа Жупа, на северозападните падини на планината Стогово.

Историja[уреди | уреди извор]

Во XIX век селото е дел од Дебарската каза во Отоманското Царство.

Демографија[уреди | уреди извор]

Според податоците од 1873 година, селото имало 60 домаќинства со 65 жители муслимани (Македонци) и 106 христијани (Македонци).[1]

Според статистиката на Васил К'нчов („Македониja, Етнографиja и статистика“) од 1900 година, во Броштица живееле 800 жители, од кои 200 Македонци христијани и 600 Македонци муслимани.[2]

Според егзархискиот секретар Димитар Мишев, („La Macédoine et sa Population Chrétienne“) во 1905 година во Брошица имало 240 Македонци, под врховенството на Бугарската егзархија.[3]

Според последниот попис на населението на Македонија од 2002 година, селото има 748 жители. Следува табела на националната структура на населението[4]

Националност Вкупно
Македонци 622
Турци 124
останати 2

Мајчин јазик според пописот од 2002 година:[4]

Мајчин јазик Вкупно
македонски 663
турски 84
останати 1

На табелата е прикажан бројот на населението во сите пописни години:[5]

Година 1900 1905 1948 1953 1961 1971 1981 1991 1994 2002
Население 800[2] 240[3] 497 459 533 559 627 766 718 748

Родови[уреди | уреди извор]

Брошица е македонско село. Но населението поделено на муслимани и православни.

Според истражувањата од 1954 година родови во селото:

Македонци православни

  • Староседелци: Трипуновци (1 к.) од нив има иселеници во Софија (две семејства) и во Скопје (три семејства).

Македонски муслимани

  • Староседелци: Р'ковци (89 к.) живеат во месноста Р'ковци. И се делат на Ризвановци (6 к.), Демовци (1 к.), Лазимовци (3 к.), Амдаовци (3 к.), Етемовци (3 к.), Суловци (1 к.), Изеировци (1 к.), Љушковци (1 к.), Абдијовци (2 к.), Салијовци (1 к.), Рустемовци или Алијовци (4 к.), Насувовци и Зендовци (5 к.), Абазовци (8 к.), Дилевци (7 к.), Билаловци (6 к.), Ајдиновци (3 к.), Османовци (2 к.), Адемовци (7 к.), Емровци (7 к.), Јонузовци (4 к.), Мемедовци (1 к.), Елмазовци (2 к.), Даутовци (1 к.), Маловци (1 к.), Лимановци (2 к.), Шурдовци (3 к.) и Бавтовци (3 к.)
  • Доселеници: Селимовци (2 к.) доселени се околу 1882 година од Макелари во Горен Дебар, денес Албанија; Муратовци (1 к.) доселени се околу 1904 година од селото Праленик.[6]

Самоуправа и политика[уреди | уреди извор]

Изборно место[уреди | уреди извор]

Во селото постои изборното место бр. 558 според Државната изборна комисија, сместени во просториите на основното училиште.[7]

На претседателските избори во 2019 година, на ова изборно место биле запишани вкупно 806 гласачи.[8]

Културни и природни знаменитости[уреди | уреди извор]

Археолошки наоѓалишта[9]
Цркви[10]
  • Црква „Св. Димитриј“ - единствена преостаната црква од трите историски во селото. Потекнува од 1868 година. Во мај 2013 година, трагачи по закопано богаство ја осквернавиле црквата[11]

Личности[уреди | уреди извор]

  • Андoн Maнчевски (1929-2004) - македонски невропсихијатар, доајeн на мaкeдoнската пcихијaтрија. Oснoвoпoлoжник нa eкстрaхoспитaлнaтa дејност во Македонија.
  • Вељо Манчевски (1905-1962) - партизан и деец на НОВМ;
  • Кирил Манчевски (1935 - 1974) - познат македонски интерпретатор на народни песни;


Иселеништво[уреди | уреди извор]

Од Броштица има огромен број на иселено население, пред се Македонци православни, целосно се иселени голем број на македонски православни родови, и тоа: Атанасовци, Костовци или Ристевци, Веловци, Гагановци, Дојчиновци, Стојановци, Аврамовци, Петковци, Калевци или Куновци, Танчевци, Тримовци, Манчевци, Силковци, Поповци, Гавриловци и Јовковци или Василовци. Потомци на постарите иселеници од Броштица има на многу места, но највеќе се иселени во Скопје (населбата Ѓорче Петров), каде има преку 50 семејства. Други иселеници од Броштица има во Бугарија, највеќе во Софија. Нешто иселеници има и во Дебар и Битола.[6]

Од торбешите иселеници има во Штип, Скопје, Иванковци кај Велес. А од таму во Турција. Потоа од денешните родови во Турција.[6]

Поврзано[уреди | уреди извор]

Наводи[уреди | уреди извор]

  1. „Македония и Одринско. Статистика на населението от 1873 г.“ Македонски научен институт, София, 1995, стр.176-177.
  2. 2,0 2,1 Кънчов, В. Македония. Етнография и статистика, София, 1900, с.261
  3. 3,0 3,1 Brancoff, D.M. "La Macedoine et sa Population Chretienne". Paris, 1905, р.184-185.
  4. 4,0 4,1 Попис на населението, домаќинствата и становите во Република Македонија, 2002 - Книга X
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  6. 6,0 6,1 6,2 Русиќ, Бранислав (1957). Жупа Дебарска. Скопје: Филозофски факултет.
  7. „Описи на ИМ“. Посетено на 3 ноември 2019.
  8. „Претседателски избори 2019“. Посетено на 3 ноември 2019.
  9. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
  10. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  11. „Осквернавена црквата во дебарското село Броштица“. Нова Македонија. 4 мај 2013. Посетено на 2013-05-04.

Надворешни врски[уреди | уреди извор]