Брежице

Од Википедија — слободната енциклопедија
Прејди на прегледникот Прејди на пребарувањето
Брежице
Brežice
Rann
Skyline of Брежице
Грб на Брежице
Брежице is located in Slovenia
Брежице
Брежице
Местоположба во Словенија.
Координати: 45°54′17.2″N 15°35′32″E / 45.904778° СГШ; 15.59222° ИГД / 45.904778; 15.59222
Држава Словенија
Традиционален регионШтаерска
Статистички регионПосавски
ОпштинаБрежице
Површина
 • Вкупна8,89 км2 (3,43 ми2)
Надм. вис.&10000000000000162000000162 м
Население (2020)
 • Вкупно6.843
 • Густина770/км2 (2,000/ми2)
Часовен појасUTC+1
Пошт. бр.8250
Рег. таб.KK

Брежице (словенечки: Brežice; германски: Rann[1]) — град во Општина Брежице во источна Словенија, во близина на хрватската граница. Градот е центар на општината Брежице. Областа историски била поделена помеѓу регионите Долна Штаерска (територија на левиот брег на реката Сава) и Долењска (територија на десниот брег на реката Сава). Градот и целата општина сега се вклучени во Посавскиот статистички регион.

Брежице поседува богатото историско и културно наследство. Музејот на Посавската долина (словенечки: Posavski muzej Brežice), сместен во замокот Брежице, содржи археолошки и етнолошки експонати, експонати за востанието на Матија Губец и колекција на модерна историја. Тој е еден од најголемите регионални музеи во земјата.

Историја[уреди | уреди извор]

Замок Брежице

Околу областа на градот Брежице се откриени келтски гробови од 2 век пр.н.е. На локалитетот веднаш по доаѓањето на Словенците во областа била основана словенска населба наречена Градишче. Замокот во Брежице првпат се споменува во 1249 година. Сегашната структура датира од 1529 година.[2]

Брежице во текот на 15 и 16 век неколку пати било погодено од османлиските напади. Во 1515 година револтирани селани го нападнале замокот во Брежице, го запалиле и го убиле благородништвото што се засолнило во него.[3]

За време на Втората светска војна, Брежице и соседните села на север и запад биле познати како триаголник Ран (германски: Ranner Dreieck), област наменета за преселување на Германците кои биле иселени од регионот Готче на територијата која била припоена од Италија.[4][5]

Цркви[уреди | уреди извор]

Црквата Свети Лоренс во Брежице првпат била спомната во историски документи од 12 век. Се наоѓала на брегот на Сава. Таа и соседните гробишта биле тешко оштетени од поплавите во 1781 година, кои исто така го смениле текот на реката, а сегашната црква била изградена во центарот на градот во 1782 година. Брежице е седиште на парохија од 1641 година. Втората црква во градот, изграденa во втората половина на 17 век, е посветенa на Сен Рох.[6]

Знаменитости[уреди | уреди извор]

Водена кула Брежице

Замок Брежице[уреди | уреди извор]

Crystal Clear app xmag.svg Главна статија: „Брежице (замок).

Замокот Брежице е главна туристичка атракција на градот, изграден е во текот на 16 век, а се наоѓа на левиот брег на реката Сава. Сега е музеј во кој се сместени неколку збирки и изложби. Во капелата на замокот има олтар од Лука Мислеј.

Водена кула[уреди | уреди извор]

Crystal Clear app xmag.svg Главна статија: „Водена кула Брежице.

Водената кула во Брежице, висока 46 метри, е најистакнатата градба во градот и се смета за нејзин симбол. Изградена во 1914 година, таа била клучен дел од водоводниот систем на градот, сè додека не била заменета со нов резервоар во 1972 година, по што имала помошна улога до 1983 година. Денес во водената кула има паб.[7]

Наводи[уреди | уреди извор]

  1. Leksikon občin kraljestev in dežel zastopanih v državnem zboru, vol. 6: Kranjsko. Vienna: C. Kr. Dvorna in Državna Tiskarna. 1906. pp. 6, 10.
  2. Savnik, Roman (1976). Krajevni leksikon Slovenije, vol. 3. Ljubljana: Državna založba Slovenije. pp. 24–27.
  3. Savnik, Roman (1976). Krajevni leksikon Slovenije, vol. 3. Ljubljana: Državna založba Slovenije. pp. 24–27.
  4. Stieber, Gabriela. 2005. Consolidated Intelligence Reports: Psychological Warfare Branch, Military Government Kärnten, Mai 1945 Bis April 1946: Eine Quellenedition Zur Geschichte Der Britischen Besatzungszeit in Kärnten. Klagenfurt: Verlag des Kärntner Landesarchivs, p. 209.
  5. Petschauer, Erich. 1980. Das Jahrhundertbuch der Gottscheer. Klagenfurt: Leustik.
  6. Savnik, Roman (1976). Krajevni leksikon Slovenije, vol. 3. Ljubljana: Državna založba Slovenije. pp. 24–27.
  7. „Brežiški vodovodni stolp je bil zgrajen pred 100 leti“. RTVSLO.si (словенечки). Посетено на 2021-11-25.