Браунерит
| Браунерит | |
|---|---|
| Општо | |
| Категорија | Карбонатен минерал |
| Формула | K2Ca(UO2)(CO3)3·6H2O |
| Распознавање | |
| Боја | Жолта |
| Кристален систем | Моноклиничко |
| Други особености |  Радиоактивен |
| Наводи | [1] |
Браунерит — воден уранил карбонатен минерал откриен од Јакуб Плашил од Институтот за физика при Академијата на науките на Чешка и неговите колеги во рудникот Сворност во рудната област Јачимов, Западна Бохемија, Чешка.
Кристалите на браунерит се жолти и имаат стаклен сјај. Минералот е хемиски сличен на линекитот. Типскиот материјал е депониран во збирките на Одделот за минералогија и петрологија, Националниот музеј, Прага, Чешка, и минералошките збирки на Природонаучниот музеј на округот Лос Анџелес.[2]
Карактеристики
[уреди | уреди извор]Браунерит е карбонат со хемиска формула K₂Ca(UO₂)(CO₃)₃·6H₂O. Одобрен е како валиден вид од страна на Меѓународната минералошка асоцијација во 2016 година. Кристализира во моноклиничниот систем. Овој минерал претставува нов тип на структура. Хемиски е сличен на линекитот.
Локалитети
[уреди | уреди извор]Откриен е во рудникот Сворност, во Јачимов во Рудните Планини (Бохемија, Чешка). Ова е единственото место каде што е пронајден овој вид. Сворност е напуштен подземен рудник во кој се експлоатирале сребрени минерали, подоцна арсен и кобалт, а на крај и ураниум. Околу петнаесет минерали се откриени во овој рудник.
Наводи
[уреди | уреди извор]- ↑ „Braunerite: Braunerite mineral information and data“. www.mindat.org. Посетено на 2017-08-25.
- ↑ „New Mineral Listing | Carbon Mineral Challenge“. mineralchallenge.net (англиски). Архивирано од изворникот на 2017-09-05. Посетено на 2017-08-25.