Братоубиство

Од Википедија — слободната енциклопедија
Прејди на прегледникот Прејди на пребарувањето
„Каин го убива Авел“, илустрација на Гистав Доре.

Братоубиство или фратрицид (од латински: frater „брат“ и cida „убиец“ или cidum „убиство“, двете изведени од caedere „да убиеш, да пресечеш“) е чин на убиство на сопствениот брат.

Религија и митологија[уреди | уреди извор]

Во абрахамските религии најпозната е библиската приказна за убиството на Авел од страна на брат му Каин. Во римската митологија, градот Рим е основан како резултат на братоубиство, при што близнаците Ромул и Рем се скарале околу тоа кој е миленик на боговите и околу плановите за изградба на Рим, по што Ромул го убил Рем и се прогласил за прв крал на Рим.[1]

Римско Царство[уреди | уреди извор]

Најпознатото братоубиство во Римското Царство е убиството на Публиј Септимиј Гета по наредба на неговиот брат Каракала во 211 година. По смртта на нивниот татко Септимиј Север во февруари 211 година, браќата го наследиле како коимператори. Нивното заедничко владеење се покажало како неуспешно, а секој од нив ковал заговор да го убие другиот. Во декември истата година, Каракала се преправал дека ќе одржи помирување во домот на нивната мајка Јулија Домна, а Гета бил намамен да дојде невооружен и без стража. По пристигнувањето на Гета, група центуриони лојални на Каракала го убиле, при што тој умрел во рацете на својата мајка.[2]

Персиско Царство[уреди | уреди извор]

Најпознатото братоубиство во Персиското Царство е убиството на Бардија, синот на Кир Велики, од страна на неговиот брат Камбиз Втори.

Отоманско Царство[уреди | уреди извор]

Во Отоманското Царство постоела политика на судско, кралско братоубиство, воведена од султанот Мехмед Втори, чиј дедо Мехмед Први морал да води макотрпна и тешка граѓанска војна против своите браќа (што ја довело империјата близу до пропаст) за да го преземе престолот. Кога нов султан доаѓал на престолот, и откако ќе му се родел првиот машки престолонаследник, тој ги затворал сите свои браќа и наредувал да се задават со свилена марама. Најголемото братоубиство се случило кога султанот Мехмед III дошол на престолот, при што тој го наредил убиството на 19 негови браќа, кои потоа биле погребани заедно со нивниот татко. Целта на овој масакр била да се спречи граѓанска војна. Поради јавното несогласување, неговиот наследник Ахмед Први ја прекинал оваа практика, заменувајќи ја со доживотна затворска казна во Kафез, кој бил дел од Отоманската палата.

Могулско Царство[уреди | уреди извор]

Во Могулското Царство, братоубиствата честопати се случувале како резултат на војните за наследување. Во 1622 година, шахот Јахан го убил својот најстар брат Кусрау Мизра.[3] Во 1628 година, тој го убил и својот брат Шахријар. Синот на шахот Јахан, Дара Шикох, бил убиен од страна на својот брат Аурангзеб на 30 август 1659, а убиството го сведочел неговиот преплашен син.

Поврзано[уреди | уреди извор]

Наводи[уреди | уреди извор]

  1. The political significance of the founding fratricide is discussed at length by T.P. Wiseman, Remus: A Roman Myth (Cambridge University Press, 1995) passim.
  2. Wikipedia, "Caracalla"
  3. Mahajan, V.D. (2007). History of Medieval India. New Delhi. стр. 126–7. ISBN 978-81-219-0364-6. 

Надворешни врски[уреди | уреди извор]