Прејди на содржината

Бранови (филм од 2024 година)

Од Википедија — слободната енциклопедија

Бранови (чешки: Vlny) — историски трилер - драма од 2024 година, режиран од Јиржи Мадл, а дејството се случува за време на Прашката пролет и последователната инвазија на Чехословачка од страна на Варшавскиот пакт.[1][2] Својата премиера во светски рамки филмот ја имал на 58-от Меѓународен филмски фестивал во Карлови Вари[3][4] освојувајќи ја наградата на публиката.[5] Овој филм бил избран како чешки кандидат за најдобар меѓународен филм на 97-то доделување на наградите Оскар.[6][7]

Бранови се емитувал во кината на 15 август 2024 година и станал чешки филм со најголема заработка во 2024 година и втор чешки филм со најголема заработка на сите времиња.[8][9]

Приказната се врти околу Редакцијата на Меѓународниот живот на Чехословачкото Радио. Оваа редакција работи под раководство на Милан Вајнер, новинарска икона. Меѓу другите кои се истакнуваат како новинари се и Вера Штовичкова-Хералдова, Јиржи Динстбир, Лубош Добровски и Јан Петранек. Младиот Томаш влегува меѓу нив по грешка, бидејќи работата во редакција била всушност сон на неговиот помлад брат Павел, а главната грижа на Томаш е само да го заштити својот брат. Томаш не знае дека локалните уредници се набљудувани од Државната безбедност. Тој е принуден да потпише соработка со нив со цел да го заштити својот брат, кој заедно со своите соученици учествува во нелегални активности. По одредено време Томаш се зближува со колегите во канцеларијата, особено со Вера, а тоа го става во конфликт помеѓу грижата за безбедноста на својот брат и сопствената совест. Кога Варшавскиот пакт ја напаѓа Чехословачка, тој одбива да соработува со окупаторите помагајќи им на новинарите да емитуваат нецензурирани информации за инвазијата на трупите на Варшавскиот пакт и да повикуваа на пасивен отпор кон окупаторите. Тој одлучува да го ризикува сопствениот живот за да го одржи емитувањето што е можно подолго.

Продукција

[уреди | уреди извор]
Делегација за филмот „Бранови“ на црвениот тепих на 58-от Меѓународен филмски фестивал во Карлови Вари

Филмот е во режија на Јиржи Мадл, кој исто така е и сценарист.[10] Буџетот на филмот бил приближно 80 милиони чешки круни.[11] Мадл за да го создаде филмот користел историски филмски материјал за Бранови и го комбинирал со сцени снимени за филмот.[12] За овој пристап бил инспириран од постмонтажниот документарен филм на Питер ЏексонТие нема да остарат.[13] Режисерот бил фасциниран од радиото уште од детството. Бранови бил создаден за да се оддаде почит кон работата на уредниците во Чехословачкото радио. Мадл создавајќи го филмот користел сеќавања на современи сведоци, вклучувајќи го новинарот Јан Петранек и особено Вера Штовичкова, од која научил работи што не можат да се најдат во учебниците.[12] На крајот на 1960-тите, двајцата работеле во уредничкиот тим на „Меѓународниот живот“, за кој во тоа време работеле и Карел Јездински, Добровски и Динстбир.[14]

Музиката за филмот била компонирана од Сајмон Гоф. Добитничката на Греми наградата соработувала во минатото со Исланѓанката Хилдур Гуднадотир, а претходно работела на филмови како Џокер и Никогаш не сме биле модерни и на телевизиски серии како Чернобил.[15]

Првиот трејлер за филмот бил претставен кон крајот на јуни 2024 година.[16] Премиерата на филмот била на 1 јули 2024 година на Меѓународниот филмски фестивал во Карлови Вари [17] Кино-премиерата во Чешка била планирана за 15 август 2024 година [12] Премиерно филмот бил прикажан на 1 август 2024 година во Словачка.[18] Филмот премиерно бил прикажан во Прага на 6 август 2024 година[19] и влезе во кино-дистрибуција на 15 август во Чешка.[20]

Рецепција

[уреди | уреди извор]

Објавениот филм добил позитивни критики од критичарите според агрегаторот Кинобокс.[21]

Премиерното прикажување на филмот било на Меѓународниот филмски фестивал во Карлови Вари, каде што овој филм добил 10 минути стоечки овации од публиката[20][22] и победил во анкетите на публиката со просечна оценка од 1,05.[23] Филмот, исто така, добил стоечки овации по премиерата во Братислава.[24]

Филмот ја освоил наградата „Сателит“ за најдобар филм од неанглиско говорно подрачје за 2024 година.[25]

  1. ↑ Barvíř, Jan (4 June 2024). „Pokud to odvysílají, změní svět. Mádlův thriller o sovětské invazi představil strhující trailer“. NaFilmu.cz (чешки). Посетено на 4 June 2024.
  2. ↑ „Mádlův film Vlny vzbudí na Slovensku zřejmě velmi silné reakce. Víc než u nás, myslí si producentka Kristl“. Czech Radio (чешки). 17 April 2024. Посетено на 4 June 2024.
  3. ↑ Kalinová, Ivana (29 May 2024). „Letošní MFF nabídne mix filmů, v porotě bude australský herec Geoffrey Rush“. Karlovarský deník (чешки). Vltava Labe Media. Посетено на 6 June 2024.
  4. ↑ „Na Mezinárodním filmovém festivalu Karlovy Vary měl světovou premiéru film Jiřího Mádla Vlny“. Deník N (чешки). 1 July 2024. Посетено на 2 July 2024.
  5. ↑ Spáčilová, Mirka; Šťástka, Tomáš (6 July 2024). „Vary vyhrál Náhlý záblesk hlubších věcí. Trojan a Owen převzali čestné ceny“. iDNES.cz (чешки). Mafra. Посетено на 6 July 2024.
  6. ↑ Spáčilová, Mirka (10 September 2024). „Do bitvy o Oscara jdou Mádlovy Vlny, podzimní hit kin“. iDNES.cz. Mafra. Посетено на 10 September 2024.
  7. ↑ Hloušková, Lenka (10 September 2024). „Česko vysílá Vlny do boje o Oscara“. Novinky.cz (чешки). Borgis. Посетено на 10 September 2024.
  8. ↑ „Nejnavštěvovanější filmy v Česku 2024“. KINOMANIAK (чешки). Посетено на 1 October 2024.
  9. ↑ „Nejúspěšnější české filmy“. KINOMANIAK (чешки). Посетено на 21 January 2025.
  10. ↑ Kudláč, Martin (3 July 2024). „Review: Waves“. Cineuropa. Посетено на 1 August 2024.
  11. ↑ Borovan, Aleš. „Režisér Jiří Mádl začal točit nový celovečerní film Vlny“. Borovan.cz. Посетено на 4 June 2024.
  12. 1 2 3 „Dojetí v Thermalu: Vlny okouzlily diváky, na premiéře se tleskalo dlouhé minuty“. Totalfilm.cz (чешки). Посетено на 1 August 2024.
  13. ↑ Szalai, Georg (6 July 2024). „How Peter Jackson Inspired the Style of 'Waves' and Why Its Czech Director Compares It to a Christmas Tree“. The Hollywood Reporter. Посетено на 1 August 2024.
  14. ↑ „PÁR VĚCÍ SE PODAŘILO: ROZHOVOR S POLITIKEM A NOVINÁŘEM LUBOŠEM DOBROVSKÝM“. Holocaust.cz. Посетено на 1 August 2024.
  15. ↑ Fila, Kamil (2 July 2024). „Temný Mádl povstal: Srpen 1968 je ve Vlnách hollywoodským akčňákem“. Seznam Zprávy (чешки). Посетено на 1 August 2024.
  16. ↑ „EXCLUSIVE: Trailer for Karlovy Vary entry Waves“. Cineuropa. 25 June 2024. Посетено на 1 August 2024.
  17. ↑ „Vlny“. Karlovy Vary International Film Festival (чешки). Посетено на 1 August 2024.
  18. ↑ „FOTO: Takto to vyzeralo na slávnostnej premiére filmu Vlny. Pozrite na tie outfity“. rtvs.sk (словачки). Посетено на 20 August 2024.
  19. ↑ Maleček, Tomáš (7 August 2024). „Film Vlny má za sebou pražskou premiéru. ‚Dokonalý snímek, který je třeba nechat doznít,' hodnotili diváci“. Czech Radio (чешки). Посетено на 20 August 2024.
  20. 1 2 „Do kin jdou Vlny. Základ pro příběh mohl dát Mádlovi i trest na vysoké škole“. Czech Radio (чешки). 14 August 2024. Посетено на 20 August 2024.
  21. ↑ „Vlny (2024): Komentáře a recenze“. Kinobox.cz (чешки). Посетено на 20 August 2024.
  22. ↑ „Reakce karlovarských diváků na film Vlny dohnala Vodochodského k slzám“. Novinky.cz (чешки). Borgis. 4 July 2024. Посетено на 20 August 2024.
  23. ↑ Rynda, Vojtěch. „Karlovarské filmové vlnobití: Potlesk vestoje, zahraniční hvězdy a plné kinosály“. Reflex.cz (чешки). Посетено на 20 August 2024.
  24. ↑ „Veľkolepá PREMIÉRA filmu Vlny: Nádherná Pauhofová, Maštalír so ženou a aha, S ČÍM prišla táto herečka!“. Topky.sk (словачки). 31 July 2024. Посетено на 20 August 2024.
  25. ↑ Spáčilová, Mirka (26 January 2025). „Mádl v Americe přece jen uspěl, jeho Vlny vyhrály Satellite Award“. iDNES.cz (чешки). Mafra. Посетено на 26 January 2025.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Бранови_(филм_од_2024_година)&oldid=5408995“