Бразилиска катедрала

Cathedral of Brasília
Бразилиска катедрала; Metropolitan Cathedral of Our Lady of Aparecida; Catedral Metropolitana Nossa Senhora Aparecida
	Влезот во катедралата со статуите на четворицата Евангелисти
Религија
Припадност	Римокатоличка
Округ	Архитектура на Бразилија
Еклизиастичен или организациски статус	Катедрала
Локација
Локација	Бразилија, Бразил
Географски координати	15°47′54″S 47°52′32″W / 15.79833°S 47.87556°W
Архитектура
Архитект(и)	Оскар Нимаер
Тип	Црква
Стил	Модернизам
Почеток на градба	12 септември, 1958
Завршена во	31 мај, 1970
Капацитет	4000

Бразилиска катедрала (португалски: Catedral Metropolitana de Brasília, "Metropolitan Cathedral of Brasília") е римокатоличка катедрала во Бразилија, Бразил, денес е седиште на Архиепископијата во Бразилија. проектирана е од бразилскиот архитект Оскар Нимаер. Катедралата е хиперболоидна конструкција изградена од 16 бетонски столбови, со тежина од по 90 тони. изградена е од 1958 до 1970 година^[1].

Опис

Катедралата е запишана на списокот на УНЕСКО како светски културни наследства во 1987 година, заедно со целиот град Бразилија, кој е наведен како „уникатен пример за град создаден ex nihilo во 1956 година, и е место што суштински влијаеше на историјата на урбанизмот.

Катедралата има хиперболичната конструкција, изградена е од армиран бетон, а стаклен покрив создава илузија заотвореност кон небото.

Оскар Нимаер катедралата ја конструирал со спојување на шеснаесет идентични бетонски столба високи 40 м. Секој столб има хиперболичен облик и тежи 90 тони, заедно симболизираат раце, подигнати кон кон небото.

Внатрешниот, просторот е целосно отворен со стакло помеѓу столбовите и со сини витражи што се протегаат хоризонтално низ стаклени прегради, како и „лебдечки“ статуи.

Катедралата има четири ѕвона, подарок од Шпанија во 1968 година. Надвор од катедралата има скулптури на евангелистите, а во внатрешноста скулптури на ангели изработени од вајарот Алфредо Чештијатијо^[2].

Стилски одлики

Оскар Нимаер е еден од најзначајните аритекти на дваесеттиот век. Катедралата во Бразилија е негово врвно дело. Во својот уметнички израз Нимаер реализира дела во бетон, односно во употребата на пренапрегната - натур бетон. Тоа е израз кој ќе биде суштинска визура во модернистичката архитектура со планетрана распространетост. Како еден од главните творци на овој архитектонски израз со смелоста, фантазијата, концизноста, органичноста и синтезата на разновидните материјали, Нимаер го развива до совршенство меѓународниот архитектонски модернистички стил, внесувајќи и одредени асоцијации кои се потпираат на традицијата во градителството не само на Бразил туку воопшто во развојот и традицијата на архитектурата од целиот свет. Неговиот архитектонски израз не само што ќе изврши големо влијание на генерации светски архитекти туку и во голема мера ќе придонесе за новата архитектонска визура во светски рамки^[3].

Литература

Wolf Dorner, Eka Donner: Raumstation Brasília. Erinnerungen an eine Stadt der Zukunft. Pro Business, Berlin 2004, ISBN 3-937343-91-1
Oscar Niemeyer, un architecte engagé dans le siècle (dir. Marc-Henri Wajnberg, 2001, 60 minutes)
A Vida É Um Sopro ("Life Is a Breath Of Air") (dir. Fabiano Maciel, 2007)