Бојан Богдановиќ

Од Википедија — слободната енциклопедија
Бојан Богдановиќ

Богдановиќ со Визардс во 2017
Богдановиќ со Визардс во 2017

Лични информации
Роден на 18 април 1989(1989-04-18)(34 г.)
Роден во Сплит, Хрватска
Националност Хрватска Хрватска
Висина 2,01 м
Тежина 103 кг
Позиција крило
Информации за кариерата
Драфт 2011 / Рунда: 2 / Пик: 31
Избран од:
Мајами Мајами Хит
Проф. кариера 2004—
Моментален клуб
Клуб Детроит Детроит Пистонс
Број 44
Сениорски клубови
Години: Клубови:
2004–2005
2005–2009
2006–2008
2008–2009
2009
2009–2011
2011–2014
2014–2017
2017
2017–2019
2019–2022
2022–
Зрињски Мостар Зрињски Мостар
Реал Мадрид Реал Мадрид
Реал Мадрид Б Реал Мадрид Б
Мурсија Мурсија
Реал Мадрид Б Реал Мадрид Б
Цибона Цибона
Фенербахче Фенербахче
Бруклин Бруклин Нетс
Вашингтон Вашингтон Визардс
Индијана Индијана Пејсерс
Јута Јута Џез
Детроит Детроит Пистонс
Репрезентација
2010– Хрватска Хрватска


Бојан Богдановиќ (Мостар, 18 април 1989) e хрватски кошаркар, крило на Детроит Пистонс во НБА и на хрватската репрезентација.

Роден во Мостар, Босна и Херцеговина, во младоста Богдановиќ играл фудбал, но на возраст од 12 години се одлучил за кошарка и ја започнал својата кариера во екипата на Зрињски. Набргу потоа, заминал во шпанскиот великан Реал Мадрид, каде не успеал да се избори за поголема минутажа и по неколку сезони поминати на позајмици во 2009 година дошол во Цибона. И покрај финансиските проблеми во клубот, Богдановиќ ги предводел Цибосите во Евролигата, а во сезоната 2010-2011 бил најдобар стрелец во Јадранската лига. Во турскиот Фенербахче созреал како играч и освоил неколку трофеи како првенството и купот на Турција, а се истакнал и во европските натпреварувања.

Врвот на својата кариера, Богдановиќ го достигнал со влегувањето во НБА, каде играјќи за Бруклин Нетс соборил неколку рекорди на Дражен Петровиќ. Во неговата руки сезона, бил избран во втората идеална постава на новаците во НБА лигата за сезоната 2014-2015. Во долгата НБА кариера, покрај за Нетс играл уште и за Вашингтон Визардс, Индијана Пејсерс, Јута Џез и Детроит Пистонс.

Во периодот меѓу 2005 и 2009 година, тој ги претставувал младинските селекции на Хрватска под 16, 18 години и 20 години. Од 2010 година, ја претставува сениорската репрезентација: со селекцијата на Хрватска учествувал на 2 светски првенства (2010 и 2014), 5 европски првенства (2011, 2013, 2015 и 2017, 2022 година) и една Олимпијада (2016).

Клупска кариера[уреди | уреди извор]

Почетоци, Зрињски, Реал Мадрид и Мурсија[уреди | уреди извор]

Роден во Мостар во Босна и Херцеговина, Богдановиќ израснал играјќи фудбал до својата 15-та година,[1] возраст на која неговиот татко го убедил дека е подобро за него да игра кошарка иако Бојан бил убеден дека може да биде успешен во фудбалот со доаѓањето да игра за хрватската репрезентација.[1] Својата кошаркарска кариера ја започнал во локалниот тим Зрињски Мостар, истиот во кој претходно тренирал фудбал, правејќи го своето деби за првиот тим на многу рана возраст.[2] Тој бил забележан од Реал Мадрид, кој го купил во 2005 година, а потоа го оставил на уште една година (на позајмица) во Зрињски.[3][4]

По завршувањето на позајмицата, се вратил во Реал Мадрид каде одиграл неколку натпревари за првиот тим, но многу често бил испраќан во Б тимот со кој го поминал најголемиот дел од времето на својот престој во кралевскиот клуб.[3] Дебитирал во Евролигата во сезоната 2007-2008, играјќи две минути во победата со 104-73 на домашен терен над Роан.

Во 2008 година, тој бил позајмен на Мурсија со надеж дека ќе најде повеќе простор,[5] што не се случило бидејќи тој одиграл само 4 натпревари, враќајќи се по 6 месеци во Реал Мадрид во јануари 2009 година.[4][6] По враќањето во Реал Мадрид, под водството на новиот тренер Еторе Месина, Богдановиќ не бил сигурен дали ќе добие права шанса. Кон крајот на сезоната се споменувало негово заминување во Цибона,[7] но проблемот околу неговото доаѓање во хрватската метропола бил договорот со Реал.

Цибона[уреди | уреди извор]

Богдановиќ со Цибона во 2010 година.

Во август 2009 година, тој го раскинал договорот со Реал Мадрид и потпишал четиригодишен договор со Цибона како слободен играч.[8] Во првата полусезона многу осцилира во својата игра. Така, во победата над Партизан во Белград ги промашил сите три шута од поле и не се запишал меѓу стрелците.[9] Од друга страна, во победата над Широки во АБА лигата два месеци подоцна, тој постигнал 16 поени.[10] На почетокот на декември 2009 година, ФИБА Европа го вклучил во кандидатурата за најдобар млад кошаркар на годината.[11] Две недели подоцна, во јануари 2010 година, тој постигнал 11 поени во победата на Цибона над АСВЕЛ на домашен терен, со што им помогнал да стигнат до најдобрите 16 тимови во Евролигата.[12] На почетокот на март 2010 година, во победата на Цибона против Химки, тој постигнал 22 поени (6 тројки од 6 обиди) со 9 скока и една асистенција, што му ја донела титулата за најкорисен играч на играта. Подоцна бил прогласен за најдобар поединец на 5. коло во Топ 16 фазата на Евролигата.[13] Веќе следниот месец, добил понуди од атинските гиганти Олимпијакос и Панатинаикос.[14] Истиот месец, Богдановиќ ја одбил понудата и се пријавил на НБА драфтот.[15] Два дена подоцна, тој бил вклучен на 5-тото место на најдобри кошаркари во Евролигата, додека титулата му припадна на плејмејкерот на Барселона Рики Рубио.[16] На крајот од сезоната добил понуда од италијанскиот клуб Виртус Рома, но ја одбил поради неизвесната минутажа и статусот на лидер во Цибона.[17]

Следната сезона, во натпреварот од првото коло на Евролигата, Богдановиќ ја предводел Цибона со 28 поени во поразот од Барселона. Благодарение на неговата игра, не се оствариле предвидувањата на јавноста дека Цибона, која тогаш била во хаос, ќе претрпи рекорден пораз од каталонците. Напротив, Цибона одолевала во поголемиот дел од натпреварот и на крајот изггубила со 14 разлика.[18] После натпреварот, Невен Спахија, тогашниот тренер на Фенербахче, го нарекол Богдановиќ еден од најдобрите играчи во Европа.[19] Иако истата есен добил неколку понуди од европските клубови, тој сите ги одбил изјавувајќи дека "од инат ќе игра за Цибона".[20] Сезоната ја завршил како најдобар стрелец во АБА лигата за сезоната 2010-2011 со просек од 22 поени по натпревар.[21]

И покрај новиот пораз од Барселона во Евролигата на домашен терен на крајот на ноември, Богдановиќ со 26 поени бил најдобар стрелец на натпреварот.[22] После поразот дошло до штрајк на целиот персонал на Цибона заради небрижноста на Градот Загреб и неодлучноста на градоначалникот Милан Бандиќ за решавање на финансиските проблеми на клубот.[23] Во деновите на крах на Цибона, Богдановиќ постигнал 27 поени во поразот од Будуќност во Подгорица.[24] Во наредните денови тој добил понуди од Макаби, Валенсија, Фенербахче и Бенетон.[25] Сите ги одбил и останал верен на волците. Иако првиот натпревар во 2011 година го одиграл под инекции, во победата на Цибона над Цедевита уфрлил 20 поени.[26]

Во наредните недели, Цибона започнала да се опоравува од колапсот, па благодарение на паричната интервенција на Здравко Мамиќ и е отблокирана сметката.[27] И покрај паричното опоравување, Цибона доживеала неколку порази во АБА лигата и во домашното првенството. Единствената светла точка за клубот била победата над Борик во домашното првенство, во која Богдановиќ покрај 28-те поени ја погодил и одлучувачката тројка за да и обезбеди пласман на Сибона во АБА лигата и останување во лигата за шампион.[28] На крајот од сезоната, Богдановиќ ја прифатил понудата на Фенербахче предводен од Невен Спахија.[29] Во сезоната 2010-2011, во Евролигата имал просек од 18 поени, а најефикасен бил во натпреварот против својот поранешен клуб Реал Мадрид со 28 поени.[30]

Фенербахче[уреди | уреди извор]

На 19 јуни 2011 година, потпишал тригодишен договор со турскиот Фенербахче Улкер.[31] Тој му се приклучил на клубот како трет Хрват, заедно со капитенот Роко Лени Укиќ, кој го предводел клубот до шампионската титула во претходната сезона, и поранешниот негов соиграч од Цибона, Марко Томас.[32] На НБА драфтот еден месец подоцна, тој бил избран за прв пик во вториот круг (вкупно 31-ви) од Мајами Хит, по што следела размена меѓу три клуба Мајами-Минесота-Њу Џерси, по што
Њу Џерси Нетс го добиле Богдановиќ.[33] Неколку дена подоцна, челниците на Нетс изјавиле дека се воодушевени од Бојан и дека го посакуваат во своите редови следното лето. Богдановиќ изјавил дека „ќе му биде чест да игра во клубот на Дражен“, но одлучил да ја помине сезоната во Турција.[34]

Веќе во првите натпревари во редовите на турскиот клуб во Евролигата постигнал по 19 поени против Билбао[35] и Канту.[36] Откако за време на Фајнал Форот во мај 2012 во Истанбул се сретнал со Богдановиќ, главниот менаџер на Њу Џерси Нетс изразил желба за доведување на хрватскиот кошаркар, по што тој побарал раскинување на договорот со турскиот клуб после една сезона бидејќи се чувствувал подготвен да оди во НБА.[37]

Богдановиќ со Фенербахче во 2013 година.

И во втората негова сезона во Фенербахче, Богдановиќ имал впечтливи партии во Евролигата. Во првиот натпревар во ова натпреварување за 2013 година против Макаби, тој постигнал 15 поени вклучувајќи и една незаборавна тројка од половината на теренот.[38] Во следните месеци, тој бил единствената светла точка во клубот кој бил далеку од најдобрата форма редејќи пораз за пораз во Евролигата. Во натпреварот против Сиена постигнал 22 поени,[39] а просекот во Top16 фазата на Евролигата му изнесувал 21,8 поени по натпревар,[40] што го направило најдобар стрелец.[41] Како резултат на таквиот просек, Нетси најавиле дека сакаат да го видат Богдановиќ во своите редови веќе следната сезона, а за тоа пишувале бројни странски медиуми, како Marca[42] и Yahoo Sports.[43] Во февруари 2013 година, го освоил својот прв трофеј со Фенербахче откако клубот триумфирал во Купот на Турција, совладувајќи го Галатасарај во финалето.

Брилијантните игри на Евробаскетот во Словенија ги пренел и во Фенербахче па во првото коло на Евролигата за сезоната 2013-2014, го предводел својот клуб до победата против украинскиот Будивељник со 21 кош.[44] Во четвртото коло го срушил Партизан во Пионир со 26 поени[45] а недела дена подоцна уфрлил 20 поени против Нантер, баш колку што му изнесувал и просекот во Евролигата во тој момент.[46] Одличните игри довеле до тоа ФИБА Европа да го предложи за најдобар играч за 2013 година.[47] Иако добил најмногу гласови меѓу љубителите на кошарката во Европа (28.370), стручното оценувачко жири на ФИБА му дале предност на французинот Тони Паркер (Паркер од навивачите добил 24.976 гласови).[48]

Ниту 24 поени на Богдановиќ не му помогнале на Фенербахче да го совлада Армани, со што пласманот во четвртфиналето на Евролигата останал под знак прашање.[49] После поразот од Басконија, во кој Богдановиќ дал 14 поени, Фенербахче испаднал од Евролигата, но го освоил турското првенство на крајот од сезоната.[50] Во јули 2014, турскиот прволигаш и Бруклин Нетс го договориле преминувањето на Богдановиќ во НБА. Со тоа Богдановиќ станал првиот хрват после пет години, кој заиграл во НБА и 14-ти во новата историја на Хрватска после осамостојувањето.[51]

Бруклин Нетс[уреди | уреди извор]

На 20 јули 2014 година, Богдановиќ потпишал тригодишен договор вреден 10 милиони американски долари со Бруклин Нетс.[52][53] Така, тој станал третиот хрват кој го облекол дресот на Нетс по Дражен Петровиќ и Зоран Планиниќ.[54] Своето деби во НБА лигата го направил на 29 октомври 2014, во поразот со 121-105 од Бостон Селтикс, во кој за својот тим имал учинок од 7 поени и 2 асистенции.[55] На 9 ноември 2014, во својот шестти НБА натпревар во кариерата Богдановиќ имал забележителна партија со 22 поени и 6 скока во победата со 104-96 против Орландо Меџик. На 13 февруари 2015, Богдановиќ бил избран да игра на Ол-стар викендот во натпреварот на ѕвездите во подем за екипата на "Светот" против американците, со што станал првиот хрват кој настапил во овој натпревар по Гордан Гиричек во 2003 година.[56] Во победата на тимот на "Светот", тој поминал на паркетот 17 минути и постигнал 16 поени за победничката екипа.[57]

Во последниот натпрервар од регуларниот дел на сезоната, одигран на 15 април 2015, повторно против Меџик Богдановиќ забележал највисоки за сезоната 28 поени со кои им помогнал на Нетс да го освојат осмото место во Источната конференција и да се пласираат во плејофот.[58] Во текот на својата прва НБА сезона, Богдановиќ одиграл 78 натпревари од кои 28 како стартер и имал просек од 9 поени и 2,7 скокови по натпревар. Во првата рунда на плејофот Нетс биле поразени од Атланта Хокс со 4-2. Богдановиќ играл во сите 6 натпревари, забележувајќи просеци од 10,3 поени, 3,8 скокови и 1,7 асистенции по натпревар.

На почетокот на неговата втора сезона со Нетс, Богдановиќ постигнал 22 поени во победата со 106-98 на гостувањето кај Хјустон Рокетс, помагајќи клубот од Њујорк да ја прекине серијата од 7 порази по ред.[59] 4 јануари 2016 година, Богдановиќ го забележал својот прв дабл-дабл во НБА лигата, остварувајќи учинок од 12 поени и 12 скокови во поразот на домашен терен од Бостон Селтикс со 94-103.[60] Во текот на неговата втора сезона тој започнал да игра многу подобро во одбрана и потврдил дека работел доста на физички план, но поради тоа настрадал напаѓачкиот дел од неговата игра. Како потврда за неговиот лош почеток на 2016 година, дошле два последователни натпревари без постигнат кош во кои играл преку дваесет минути на паркетот.[61] И по тренерската смена во Бруклин, тој продолжил со своите бледи изданија забележувајќи го својот трет натпревар по ред без учинок.[62] Конечно, два дена подоцна, тој ја прекинал црната серија и го предводел тимот со 14 поени до долгоочекуваната победа на домашен терен во градското дерби против Њујорк Никс.[63]

Во февруари 2016, втора година по ред, Богдановиќ добил можност да игра на Ол-стар викендот во натпреварот на ѕвездите во подем, повторно бранејќи ги боите на екипата на "Светот", но овојпат заедно со својот сонародник Марио Хезоња.[64] За разлика од претходната година, овојпат во тесен натпревар победила екипата на "САД". Богдановиќ постигнал шест поени, а изненадување на натпреварот бил Хезоња кој блеснал со 19 поени.[65] Во победата над Филаделфија Севентисиксерс на 16 март 2016 година, Богдановиќ го одиграл натпреварот на кариерата постигнувајќи 44 поени за 37 минути на паркетот со 8 скока, израмнувајќи го рекордот на Дражен Петровиќ за најмногу постигнати поени од странски играч на Нетс.[66] Интересно е тоа што, додека играл за Нетс, Богдановиќ го носел токму дресот со број 44. Тој останал во добра форма и во следните натпревари до крајот на сезоната, но без разлика колку Богдановиќ бил добар Нетс воглавно ги губеле своите натпревари. Во последниот натпревар за регуларниот дел на сезоната, Богдановиќ постигнал 29 поени во поразот од Торонто Репторс.[67] Со скор 21 победа и 61 пораз, Нетси го освоиле претпоследното место на истокот и не избориле учество во плејофот. Сепак, за Богдановиќ ова била позитивна сезона бидејќи ги подобрил своите перформанси во однос на својата прва НБА сезона и во просек бележел по 11,2 поени и 3,2 скокови.

После солидните игри во претсезоната, новата НБА сезона ја отворил со 21 поен и 5 скока во поразот од Бостон, завршувајќи го натпреварот како најдобар стрелец.[68] Постигнувајќи три тројки во натпреварот, тој стигнал до бројката од 223 погодени тројки за клубот од доаѓањето во 2014 година, соборувајќи уште еден од рекордите на Дражен Петорвиќ.[69] Во февруари 2017, го напуштил Бруклин и се преселил во Вашингтон Визардс, иако за него владеел голем интерес и од други НБА екипи меѓу кои биле и актуелните шампиони Кливленд Кавалирс кои исто така биле во потрага за добар шутер, а Богдановиќ со просек од 14,2 поени по натпревар за време на сезоната 2016-2017 навистина бил тоа.[70]

Вашингтон Визардс[уреди | уреди извор]

Богдановиќ играјќи за Визардс во НБА плејофот 2017 против Бостон Селтикс.

На 22 февруари 2017 година, Богдановиќ бил разменет, заедно со Крис Мекалох во Вашингтон Визардс во замена за Ендрју Николсон, Маркус Торнтон и пик од првиот круг на НБА драфтот во 2017 година.[71] На 1 март 2017, тој постигнал 27 поени во победата со 105–96 над Торонто Репторс.[72] Четири дена подоцна, тој постигнал 15 од своите 27 поени и пет од своите рекордни осум тројки во еден натпревар во НБА кариерата, вклучувајќи ја и победничката, за време на четвртата четвртина од победата на Визардс со 115–114 над Орландо Меџик.[73] На 7 март, тој постигнал 29 поени и постави рекорд на франшизата за слободни фрлања, реализирајќи 16 од 16 во победата од 131–127 над Финикс Санс.[74]

Тој одиграл 26 НБА натпревари за Визардс за време на неговите пет месеци во Вашингтон и имал просек од 12,7 поени по натпревар во регуларниот дел од сезоната и 8,8 поени во плејофот, каде неговите стигнале до полуфиналето на источната конференција во кое загубиле од Бостон во седум натпревари.

Индијана Пејсерс[уреди | уреди извор]

На 10 јули 2017 година, Богдановиќ потпишал со Индијана Пејсерс.[75] Во своето деби за Пејсерси на отворањето на сезоната на 18 октомври 2017 година, Богдановиќ постигнал 14 поени во победата од 140–131 над неговиот поранешен клуб Бруклин Нетс.[76] На 5 февруари 2018 година, тој постигнал рекордни за сезоната 29 поени во поразот со 111–102 од уште една негова поранешна екипа Вашингтон Визардс.[77] На 5 март 2018 година, тој го израмнил својот најдобар резултат во сезоната со 29 поени во победата од 92–89 над Милвоки Бакс.[78] Во натпреварот број 3 од плејоф серијата на Пејсерс против Кливленд Кавалирс во првото коло на источната конференција, Богдановиќ постигнал највисоки во кариерата 30 поени во еден плејоф натпревар, од кои 19 во второто полувреме, придонесувајќи за победата со 92–90 со која неговиот тим повел со 2-1.[79] Сепак, Пејсерс ја загубиле серијата во седум натпревари.

На 1 декември 2018 година, Богдановиќ постигнал 27 поени во поразот со 111–110 од Сакраменто Кингс.[80] На 2 февруари 2019 година, тој постигнал највисоки за сезоната 31 поен во победата од 95–88 над Мајами Хит, со што Индијана ја прекинала серијата од 4 порази по ред.[81] На крајот на истиот месец, на 28 февруари, тој постигнал 37 поени во победата од 122–115 над Минесота Тимбервулфс.[82][83]

Јута Џез[уреди | уреди извор]

На 7 јули 2019 година, Богдановиќ потпишал четиригодишен договор вреден 73 милиони долари со Јута Џез,[84] што го прави најплатен хрватски спортист на сите времиња.[85] Тој погодил два шута за победа со звукот на сирената во првата сезона со Јута: на 8 ноември 2019 година, против Милвоки Бакс и на 9 февруари 2020 година против Хјустон Рокетс.

Детроит Пистонс[уреди | уреди извор]

На 26 септември 2022 година, Богдановиќ бил разменет во Детроит Пистонс во замена за Кели Олиник, Сејбен Ли и парични трошоци.[86]

Репрезентација[уреди | уреди извор]

Откако поминувал во сè помлади  селекции на Хрватска од 2010 година станал член на првиот тим. Со нив тој настапил на светското првенство 2010 година и 2014 година, Европското Првенство 2011 година, 2013. и 2015 година. и на Олимписките игри во Рио 2016 година.

Успех[уреди | уреди извор]

Клуб[уреди | уреди извор]

Посебна[уреди | уреди извор]

Наводи[уреди | уреди извор]

  1. 1,0 1,1 „Nba, Bogdanovic: il calciatore mancato che rilancia Indiana“. Посетено на 22 април 2019.
  2. Dražen Brajdić. Bogdanović: Odlazak u Cibonu bio mi je možda najbolji potez u karijeri Večernji list, 27. kolovoza 2014. (pristupljeno 7. travnja 2018.)
  3. 3,0 3,1 „Leteći Mostarac: Sa 16 godina bez straha u paklu Tuzle i Trebinja“ (хрватски). 22 септември 2013. Посетено на 25 мај 2019.
  4. 4,0 4,1 „Cibona bags young forward Bojan Bogdanovic“ (англиски). Посетено на 7 февруари 2019.
  5. „Бојан Богдановић у Мурсији“. sportsport.ba. 18 август 2008. Посетено на 2 октомври 2014.
  6. „El CB Murcia anuncia la rescisión del contrato de Bojan Bogdanovic“ (шпански). Архивирано од изворникот на 22 ноември 2011. Посетено на 7 февруари 2019. Занемарен непознатиот параметар |dead-link= (help)
  7. „Bojan Bogdanović dolazi u Cibonu, Troha zatražio raskid ugovora!“. Архивирано од изворникот на 26. kolovoza 2009. Посетено на 23. srpnja 2009.. Проверете ги датумските вредности во: |access-date=, |archive-date= (help)
  8. „Bogdanović četiri godine u Ciboni“. Архивирано од изворникот на 13 февруари 2010. Посетено на 18 август 2009.
  9. Bruno Blumenschein. Cibona srušila Partizan u Beogradu! Večernji list, 14. listopada 2009. (pristupljeno 6. travnja 2018.)
  10. Totalsport. Cibona i Cedevita uspješni, Zadar ne Večernji list, 23. prosinca 2009. (pristupljeno 6. travnja 2018.)
  11. Totalsport. Bogdanović i Prostran kandidati za mladog košarkaša godine Večernji list, 1. prosinca 2009. (pristupljeno 6. travnja 2018.)
  12. Bruno Blumenschein. Cibona na krilima fantastične publike do Top 16! Večernji list, 14. siječnja 2010. (pristupljeno 6. travnja 2018.)
  13. Totalsport. Bogdanović najbolji pojedinac 5. kola Top 16 Večernji list, 5. ožujka 2010. (pristupljeno 6. travnja 2018.)
  14. Dražen Brajdić. Bogdanovića žele Pao i Olympiacos, Simon na meti Valencije Večernji list, 5. travnja 2010. (pristupljeno 6. travnja 2018.)
  15. Totalsport. Bojan Bogdanović prijavio se na NBA draft Večernji list, 20. travnja 2010. (pristupljeno 6. travnja 2018.)
  16. Valentin Nikolić. Rubio najbolji mladi košarkaš, Bogdanović peti Večernji list, 22. travnja 2018. (pristupljeno 6. travnja 2018.)
  17. Dražen Brajdić. Bojan Bogdanović: "Znam da će me čuvati Tomas, spreman sam za taj izazov" Večernji list, 26. listopada 2010. (pristupljeno 6. travnja 2018.)
  18. Dražen Brajdić. Bogdanović zabio 28 koševa, kao Rubio i Navarro zajedno Večernji list, 21. listopada 2010. (pristupljeno 6. travnja 2018.)
  19. Igor Flak. Spahija: Bojan je ponajbolji u Europi Večernji list, 28. listopada 2010. (pristupljeno 6. travnja 2018.)
  20. Igor Flak. Bogdanović: Znam da već sada imam ponude, ali iz inata igrat ću za Cibonu! Večernji list, 15. studenoga 2010. (pristupljeno 6. travnja 2018.)
  21. Jonathan Givony. European Roundup: Breakout Bogdanovic Draft Express, 17. studenog 2010. (pristupljeno 6. travnja 2018.)
  22. Dražen Brajdić. Virozna Cibona nije imala šanse Večernji list, 25. studenog 2010. (pristupljeno 6. travnja 2018.)
  23. Dražen Brajdić. Ne uđe li Grad sljedeći tjedan, mnogi će otići iz Cibone Večernji list, 18. prosinca 2010. (pristupljeno 6. travnja 2018.)
  24. Dražen Brajdić. Cibona opet izgubila, Zadar i Zagreb slavili Večernji list, 18. prosinca 2010. (pristupljeno 6. travnja 2018.)
  25. Dražen Brajdić. Bogdanovića mame bogati Večernji list, 19. prosinca 2010. (pristupljeno 6. travnja 2018.)
  26. Igor Flak. Bogdanović: Cedevitu je bilo slatko 'popiti'! Večernji list, 12. siječnja 2011. (pristupljeno 6. travnja 2018.)
  27. Sljedeći tjedan deblokada Cibonina računa Večernji list, 19. veljače 2011. (pristupljeno 6. travnja 2018.)
  28. Dražen Brajdić. Bogdanović protiv Borika spašavao Ciboninu sezonu Večernji list, 23. travnja 2011. (pristupljeno 6. travnja 2018.)
  29. Dražen Brajdić. Bojan odlazi, Radošević i Zubčić ostaju stane li klub na svoje noge Večernji list, 26. svibnja 2011. (pristupljeno 6. travnja 2018.)
  30. Dražen Brajdić. Zovu ga Babo: Cro Killer s Bospora Večernji list, 20. studenog 2013. (pristupljeno 6. travnja 2018.)
  31. „Бојан Богдановић нови играч Фенербахчеа“. kosarka.org. 19 јуни 2011. Архивирано од изворникот на 2011-06-22. Посетено на 2 октомври 2014.CS1-одржување: бот: непознат статус на изворната URL (link)
  32. Ozren Maršić. Tri Hrvata u Fenerbahçeu: To je odlično, moramo na Final Four Večernji list, 28. lipnja 2011. (pristupljeno 6. travnja 2018.)
  33. Antonela Vukorepa. Bogdanovića kao prvog "picka" druge runde uzeli Netsi Večernji list, 24. lipnja 2011. (pristupljeno 6. travnja 2018.)
  34. Antonela Vukorepa. Oduševljeni Netsi: Želimo Bogdanovića već sljedećeg ljeta! Večernji list, 28. lipnja 2011. (pristupljeno 6. travnja 2018.)
  35. Dejan Šmehil. Hrvatski okršaj u Bilbau - Bogdanović zabio 19, Banić 17 Večernji list, 9. studenog 2011. (pristupljeno 6. travnja 2018.)
  36. Dejan Šmehil. Banić odveo Bilbao prvi put u TOP 16, briljirali i Ukić te Bogdanović! Večernji list, 22. prosinca 2011. (pristupljeno 6. travnja 2018.)
  37. Bogdanović zatražio raskid ugovora s Fenerbahčeom? Večernji list, 22. svibnja 2012. (pristupljeno 6. travnja 2018.)
  38. Kakav potez: Bogdanović postigao koš sa centra! Večernji list, 10. siječnja 2013. (pristupljeno 6. travnja 2018.)
  39. Dražen Brajdić. Tomić pobijedio Planinića, 22 koša Bogdanovića Večernji list, 1. ožujka 2013. (pristupljeno 6. travnja 2018.)
  40. Dražen Brajdić. Bogdanović: Želim u NBA, ali da ja ne platim odštetu Večernji list, 27. ožujka 2013. (pristupljeno 6. travnja 2018.)
  41. Dražen Brajdić. Bogdanović: NBA sam odgodio zbog Obradovića Večernji list, 20. kolovoza 2013. (pristupljeno 6. travnja 2018.)
  42. av. Marca tvrdi: Bogdanović od sljedeće sezone u Netsima Večernji list, 28. svibnja 2013. (pristupljeno 6. travnja 2018.)
  43. av. Bojan Bogdanović od sljedeće sezone u Brooklyn Netsima Večernji list, 6. srpnja 2013. (pristupljeno 6. travnja 2018.)
  44. db. Raspoloženi Bogdanović ubacio 21 koš, Ukić promašio za pobjedu Večernji list, 17. listopada 2013. (pristupljeno 6. travnja 2018.)
  45. Matija Majdak. Bogdanović srušio Partizan u Pioniru Večernji list, 8. studenog 2013. (pristupljeno 6. travnja 2018.)
  46. Dražen Brajdić. Bogdanović 20, Simon opet zabio tricu za pobjedu Večernji list, 15. studenoga 2013. (pristupljeno 6. travnja 2018.)
  47. Damir Mrvec. Bogdanović 'srušio' CSKA u Moskvi, poraz Planinića Večernji list, 6. prosinca 2013. (pristupljeno 6. travnja 2018.)
  48. Dražen Brajdić. Parker izabran za košarkaša godine, Bogdanović je najpopularniji Večernji list, 7. veljače 2014. (pristupljeno 6. travnja 2018.)
  49. Matija Majdak. Feneru nedovoljno 24 koša Bogdanovića; Ukić zabio više od Tomića, ali Ante slavio Večernji list, 28. ožujka 2014. (pristupljeno 6. travnja 2018.)
  50. Drago Hudika. Fenerbahçe pretrpio težak poraz i ispao iz Eurolige Večernji list, 3. travnja 2014. (pristupljeno 6. travnja 2018.)
  51. Vanja Deželić. Bojan Bogdanović putem Dražena Petrovića, odlazi u Netse! Večernji list, 8. srpnja 2014. (pristupljeno 6. travnja 2018.)
  52. Brooklyn Nets Sign Bojan Bogdanovic Архивирано на 23 јули 2014 г., nba.com; accessed 20 July 2016.
  53. Nets agree to sign Bojan Bogdanovic to 3-year deal, sbnation.com; accessed 20 July 2016.
  54. Dražen Brajdić. Bojan Bogdanović će biti treći Mostarac koji ide u Netse Večernji list, 24. srpnja 2014. (pristupljeno 7. travnja 2018.)
  55. „Bojan Bogdanović zabio 7 poena u porazu Netsa, Rudež bez koša u pobjedi Indiane“. sportske.jutarnji.hr. 30 октомври 2014. Посетено на 2 октомври 2022.
  56. Marko Pavić. Bojan Bogdanović igrat će na All-Staru protiv SAD-a Večernji list, 29. siječnja 2015. (pristupljeno 7. travnja 2018.)
  57. Hrvoje Delač. Svijet pobijedio SAD, Bogdanović briljirao na All-Star vikendu! Večernji list, 14. veljače 2015. (pristupljeno 7. travnja 2018.)
  58. Nets clinch playoff spot after win, Pacers loss Архивирано на 21 септември 2017 г., nba.com; accessed 20 July 2016.
  59. Vanja Deželić. Bogdanović odigrao utakmicu sezone i donio prvu pobjedu Netsima! Večernji list, 12 ноември 2015 (пристапено 2 октомври 2022)
  60. Vanja Deželić. Bojan Bogdanović ostvario 'double double', ali Netsi su ponovno razočarali Večernji list, 5 јануари 2016 (пристапено 2 октомври 2022)
  61. Marko Pavić. Bogdanović drugu utakmicu zaredom sve promašio, sedam koševa Hezonje Večernji list, 10 јануари 2016 (пристапено 2 октомври 2022)
  62. Ivan Halar. Bojan Bogdanović 'upao' u crnu rupu, 36. pobjeda Golden Statea Večernji list, 12 јануари 2016 (пристапено 2 октомври 2022)
  63. Vanja Deželić. Bojan Bogdanović se 'probudio' i Netsi odmah pobijedili! Večernji list, 14 јануари 2016 (пристапено 2 октомври 2022)
  64. HINA. Bojan Bogdanović i Mario Hezonja igrat će na All-Star vikendu Večernji list, 29 јануари 2016 (пристапено 2 октомври 2022)
  65. Ivan Halar. SAD pobijedio momčad Svijeta: Pogledajte sjajne poteze Marija Hezonje Večernji list, 12 февруари 2016. (пристапено 2 октомври 2022)
  66. Ivan Halar. Bogdanović se izjednačio s Petrovićem: Ponosan sam, on je idol! Večernji list, 16 март 2016 (пристапено 2 октомври 2022)
  67. HINA. Bogdanović sezonu završio s 29 pogodaka, Hezonja s 10 Večernji list, 14 април 2016 (пристапено 2 октомври 2022)
  68. HINA. Bogdanović najbolji u porazu Netsa, Šarić i Bender debitirali Večernji list, 27 октомври 2016 (пристапено 8 април 2018)
  69. Hrvoje Delač. Bogdanović nadmašio Dražena Petrovića: Presretan sam, ne mogu vjerovati! Večernji list, 28 октомври 2016 (пристапено 8 април 2018)
  70. Dražen Brajdić. Bojan Bogdanović napustio Brooklyn, evo gdje će nastaviti karijeru! Večernji list, 22 февруари 2017 (простапено 10 април 2018)
  71. „Wizards Acquire Bojan Bogdanovic and Chris McCullough“. monumentalsportsnetwork.com. 22 February 2017. Архивирано од изворникот на 30 March 2017. Посетено на 22 February 2017.
  72. „Wizards snap 8-game skid against Raptors with 105-96 win“. ESPN.com. 1 March 2017. Посетено на 2 March 2017.
  73. „Bogdanovic hits 8 3-pointers, Wizards beat Magic 115-114“. ESPN.com. 5 March 2017. Посетено на 6 March 2017.
  74. „Bogdanovic, Beal, Wall lead Wizards past pesky Suns, 131-127“. ESPN.com. 7 March 2017. Посетено на 8 March 2017.
  75. „Pacers Sign Bojan Bogdanovic“. NBA.com. 10 July 2017. Посетено на 10 July 2017.
  76. „Revamped Pacers rely on new faces to cut down Nets 140-131“. ESPN.com. 18 October 2017. Посетено на 18 October 2017.
  77. „Wizards beat Pacers 111-102, win 5th straight without Wall“. ESPN.com. 5 February 2018. Посетено на 5 February 2018.
  78. „Bogdanovic leads Pacers over Bucks 92-89“. ESPN.com. 5 March 2018. Посетено на 5 March 2018.
  79. „Pacers erase 17-point deficit to take 2-1 lead over Cavs“. ESPN.com. 20 April 2018. Посетено на 20 April 2018.
  80. „Cauley-Stein's putback dunk lifts Kings past Pacers 111-110“. ESPN.com. 1 December 2018. Посетено на 2 December 2018.
  81. „Pacers top Heat 95-88, end 4-game winless streak“. ESPN.com. 2 February 2019. Посетено на 10 February 2019.
  82. Rappaport, Greg (28 February 2019). „Game Rewind: Pacers 122, Timberwolves 115“. NBA.com. Посетено на 28 February 2019.
  83. „Bogdanovic has season-high 35 points, Pacers top Wolves“. ESPN.com. 28 February 2019. Посетено на 28 February 2019.
  84. „Jazz Sign Forward Bojan Bogdanović“. NBA.com. 7 July 2019.
  85. 'SVE JE TO DIVNO I KRASNO, ALI TE PRIČE ME UMARAJU!' Najplaćeniji Hrvat u povijesti, koji zarađuje oko 120 milijuna kuna godišnje, progovorio o plaći“. Sportske novosti (хрватски). 11 July 2019. Посетено на 12 July 2019.
  86. Treasure, Angie (September 26, 2022). „Utah Jazz Acquire Kelly Olynyk, Saben Lee, and Cash Considerations“. NBA.com. Utah Jazz. Посетено на September 27, 2022.

 Надворешни врски[уреди | уреди извор]