Борсалино и друштвото

„Борсалино и друштвото“ (Borsalino and Co.) — филм на режисерот Жак Дере (Jacques Deray) од 1974 година. Автори на сценариото се Дере и Паскал Жарден (Pascal Jardin) врз основа на романот „Бандити“ на Марсел Ежен Сакоман (Marseille Eugene Saccoman). Во главните улоги настапуваат: Ален Делон (Alain Delon), Рикардо Кучола (Ricardo Cucciola), Адолфо Ластрети (Adolfo Lastretti), Катрин Рувел (Catherine Rouvel), Рајнхард Колдехоф (Reinhard Kolldehoff), Андре Фалкон (Andre Falcon), Габриела Фаринон (Gabriella Farinon) и Даниел Ивернел (Daniel Ivernel). Филмот претставува продолжение на „Борсалино“ од 1970 година при што двата постигнале голем успех кај публиката. Филмот се одликува со возбудлива приказна и со одлична сценографија и костимографија кои совршено го отсликуваат периодот во кој се одвива дејствието.

Синопсис

Дејствието на филмот се одвива во 1930-тите. Рош Сифреди (го игра Делон) и Франсоа Капела се најдобри пријатели и шефови на организираниот криминал во Марсеј. Наскоро, Капела е убиен, а Сифреди дознава дека убиството го порачал бизнисменот Џовани Валпоне (го игра Кучола), кој сака да ги преземе сите законски и незаконски работи во градот. Сифреди го убива најблискиот соработник на Волпоне, кој исто така размислува на одмазда...