Борис Мисирков

Од Википедија — слободната енциклопедија
Прејди на: содржини, барај

Борис Мисирков е бугарски[1] уметник, фотограф, филмски снимател и продуцент со македонско потекло, правнук на Крсте Мисирков.

Биографија[уреди | уреди извор]

Борис Мисирков е роден на 8 февруари 1971 година во Софија[2] во фамилиjата на познатиот македонски филолог, лингвист, историчар, фолклорист, етнограф, публицист, политичар, револуционер и борец за македонската национална афирмација Крсте Мисирков.[3] Учи во Гимназијата за древни јазици и култури во истиот град, каде се сретнува со својот иден соработник, уметникот Георги Богданов. Во 1996 ја завршува театарската академија „Крсто Сарафов“ во Софија. Во 1996-1997 студира во центарот за уметност FABBRICA на Оливеро Тоскани во Тревизо, Италиjа. Во 1998 го создава уметничкото студио „Агитпроп“, во кое е водечки продуцент и до денес. Тој е еден од основачите на Бугарската фотографска асоцијациjа. Работи претежно во тандем со Георги Богданов.

Дела[уреди | уреди извор]

Заеднички со Георги Богданов во 1995 ја добиваат престижната награда за фотографиjа на фестивалот во градот Вевеен во Швајцарија. Нивни изложби, како „ID 2000“, „Ветерани на културата“, „Бугарската врска“, „Надвор од сезоната“, со успех се прикажани во многу држави, како во Русија, Словачка, САД, Италија, Австрија, Германија. Филмот „Георги и пеперутките“ од 2004 година добива награди на фестивали во Амстердам, Сараево, Краков. Филмот „Проблемот со комарците & други приказни“ ја добива главната награда „Златна потковица“ на фестивалот „Астерфест“ во Струмица во 2008 година[4], а исто така награди на филмови фестивали во Карлови Вари, Сараево, Лондон, Приштина, учества и во селекциjата на фестивалот во Кан.[5] Во 2008 филмот „Коридор #8“ jа добива наградата „Срцето на Сараево“ на филмскиот фестивал во Сараево за наjдобар документарен филм[6], учества во селекциjата на Берлинале, каде добива наградата на екуменистичкото жири.[7] Во септември 2009 уметничкиот проект „Со пријател блиску до тебе“, посветен на борбата со ракот на дојката, е претставен во зградата „Берлиамонт“ на Европската Комисија во Брисел.[8]

Извори[уреди | уреди извор]

  1. Страница на тандемот Мисирков и Богданов, CV. (англиски)
  2. CV од официјалната страница на тандемот Мисирков и Богданов www.missirkovbogdanov.com.
  3. „Борис Мисирков, правнук на Крсте Мисирков: Не е важно каде почива Мисирков, важно е неговото дело", весник „Време“, број 967, 27 jануари 2007.
  4. „Утрински весник“, 2 јуни 2008.
  5. „2007 - нови награди за бугарското кино“, 23 декември 2007, страница на Бугарското национално радио.
  6. Официјална страница на „Сараево филм фестивал".
  7. „Берлински дневник '08“, Божидар Манов, www.capital.bg.
  8. „Изложбата „С приятел до теб“ гостува в Брюксел“, „Дневник“, 24 септември 2009. (бугарски)

Надворешни врски[уреди | уреди извор]