Борислав Благоев
Борислав Благоев (Скопје, 1912 - 23 јануари 2009[1]) — македонски интелектуалец, правник и статистичар. Тој бил првиот декан на Правниот факултет при Универзитетот Св. Кирил и Методиј[2], а бил и декан на Економскиот факултет при истоимениот универзитет (1953-1960) и претседател на Советот на факултетот (1965-1967).
Животопис[уреди | уреди извор]
Борислав Благоев се родил во Скопје во 1912. Основно и средно образование завршил во родниот град, а високо образование на Правниот факултет во Белград. Две години по дипломирањето, бил на специјализација на престижниот правен факултет во Париз, а работел и во Меѓународната организација на трудот во Женева. Докторирал во 1939 година, на Правниот факултет во Белград, со дисертација на тема „Меѓународното регулирање на трудовите односи“. До 1944 бил адвокат, а по војната станал службеник во Планската комисија на Македонија. Во 1947, станал наставник како доцент на Земјоделско-шумарскиот факултет во Скопје.
Во својот работен стаж, Благоев се занимавал со истражување и објавување трудови во две области: статистика и трудово право.
Тој станал прв декан на Правниот факултет во Скопје, а од 1953 до 1960 година, четири учебни години, бил декан на Економскиот факултет, a од 1965 до 1967 - претседател на Советот на Факултетот.[2]
Со своите објавени дела и научни достигнувања, Благоев учествувал на многу меѓународни конгреси во сите поголеми образовни центри во Европа.
Борислав Благоев почина во Скопје на 23 јануари 2009 година.
Дела[уреди | уреди извор]
Објавените дела на проф. Бориалав Благоев се следните:
- Основи на статистиката и статистика на населението, Скопје, учебник, 1975, 1980, 1985.
- Работни односи, Скопје, 1986.
- Основи на статистчката анализа, (соавтор), учебник, Скопје, 1993.
- Самоуправни радни односи, Београд, 1981.
- Статистика, Скопје, 1978.
- Меѓусебните работни односи на работниците во здружениот труд, Скопје, 1981.
Рефернци[уреди | уреди извор]
- ↑ Почина д-р Борислав Благоев, живата историја на Македонија[мртва врска]
- ↑ 2,0 2,1 „архивски примерок“. Архивирано од изворникот на 2010-09-06. Посетено на 2013-10-25.
Надворешни врски[уреди | уреди извор]
- Биографија на проф. д-р Борислав Благоев Архивирано на 6 септември 2010 г.