Битка кај Текоа

Битка кај Текоа (1138)
Дел од Крстоносни војни
Датум 1138 година Место Туку, Ерусалимско Кралство Исход Фатимидска победа
Завојувани страни
Ерусалимско Кралство Темплари	Фатимидски Калифат
Команданти и водачи
Робер де Краон

Текоа, каде што се случила битката.

Битка кај Текоа — воен судир помеѓу крстоносците и турските напаѓачи од Аскалон во градот Текоа. Турците им нанеле пораз на крстоносците. Тоа била првата запишана битка на витешкиот ред Темплари.

Битка

Во 1138 година, турските напаѓачи од Аскалон, кој бил под фатимидска контрола, започнале да ја напаѓаат територијата на Ерусалимското Кралство. Турците го нападнале градот Текоа, кој бил сметан за роден град на пророкот Амос. Поголемиот дел од жителите избегале од градот кога дознале за овој напад. Фатимидските напаѓачи влегле во Текоа и го ограбиле. Веста за нападот стигнала до Ерусалим. Големиот мајстор на витешкиот ред Темплари, Робер де Краон, ги собрал своите темпларски витези и пешадија против мародерите. Фатимидците дознале за помошните сили и се повлекле кон Хеврон. Крстоносците успеале лесно да го вратат градот. Наместо да ги бркаат, крстоносците почнале да ги ограбуваат Турците што останале, оставајќи ги расфрлани.

Фатимидите, гледајќи го своето распаѓање, се вратиле и почнале да ги напаѓаат крстоносците еден по еден. Крстоносците се обиделе да се прегрупираат, но Турците ги совладале. Темпларите се обиделе да го свртат текот со коњски напад, но не успеале. Крстоносците се повлекле низ суровиот предел, оставајќи ги зад себе своите оклопи и мечеви. Турците ги масакрирале со своите стрели. На крајот од денот, рамнината помеѓу Хеврон и Текоа била исполнета со тела. Многу Темплари биле убиени, вклучувајќи го и Ото фон Монфокон.

Извори

• Hosten, Jan (2006), The Templars, the Order of the Temple during the Crusades and in the Low Countries (In Dutch).
• Manglaviti, Luigi (2008), Dossier Templari Graal (In Italian).
• Pernoud, Regine (2002), The Templars: Knights of Christ.
• Wilken, Friedrich (1813), History of the Crusades according to Eastern and Western accounts, Vol II (In German).