Билјана Димовска

М-р Билјана Димовска
Роден(а)	Битола, СР Македонија во 1978
Потекло	Македонија
Жанрови	Класична музика
Занимања	пијанистка, музичар, педагог
Инструменти	пијано

М-р Билјана Димовска - музичар, пијанистка, педагог од Битола родена во .1978 година.

Животопис

М-р Билјана Димовска завршила Државно Музичко училиште – Битола.

Во 2000 год. дипломира, а во 2003 год. магистрира на Факултетот за музичка уметност во Скопје, во класата на професор м-р Тодор Светиев.

Музичка дејност

Настапува на солистички и на многубројни симфониски и камерни концерти.

• Настапувала како солист со Македонска филхармонија
• Настапувала како солист со Симфонискиот оркестар при Факултет за музичка уметност
• Настапувала како камерен музичар со саксофонистот Боби Коминовски во 2005 година, заедно снимиле и ЦД.
• Дел е од дуо пијано - Билјана Димовска –Татјана Божиновска, кое делува повеќе години. Како пијано дуо, Божиновска и Димовска делуваат од 2009 година, изведувајќи репертоар што се движи од барок до современа музика. Дуото има одржано бројни рецитали низ Македонија и на меѓународни фестивали, а во 2021 година освои I награда на Интернационалниот натпревар „Соправиста “ во Италија. Нивната концертна активност вклучува настапи на престижни фестивали. Во 2013 година го снимаат и своето прво ЦД.
• Настапувала на повеќе значајни манифестации во нашата земја: “Денови на македонската музика”, “Скопско лето”, “Битолско културно лето” „Хераклејски вечери “, “Прилепско лето”, “Денови на полската култура во Македонија”, „Музички вторник “, “Златна лира” и „Интерфест “ Битола.

Нејзиното пијано музицирање, како солист е со најппозитивно апсолвирано влијание од нејзиниот професор, истакнатиот македонски пијанист Тодор Светиев: со чиста тонска градација, точна и хармонска „полифоничност“, лирско ненаметлива, емотивно истакната. Во состав на камерно или оркестрирано музицирање се истакнува со изнивелирано, прецизно тонскорисуство со кое инспиративно ја комплетира цевкупната музичка структура.

Педагошката дејност

Педагошката дејност ја започнува од 2000 год. во Државното Музичко училиште – Битола, а нејзините ученици се добитници на бројни државни и меѓународни награди. Учествувала на повеќе семинари и мастеркласи кај еминентни светски пијанисти.

Награди

Добитник е на повеќе државни и меѓународни награди. Добитник е на I награда на Интернационалниот натпревар во Бугарија „Нашите деца го свират Бах” и Специјалната награда „ Стефан Трајанов” на истиот натпревар.