Бесијана Кадаре
| Бесиана Кадаре | |
|---|---|
.jpg)
| |
| Бесиана Кадаре во салата на Генералното собрание на ОН | |
| 13-ти Постојан претставник на Албанија во Обединетите нации | |
| На должноста | |
| Стапил 30 јуни 2016 | |
| Претседател | Бујар Нишани Илир Мета |
| Secretary-General | Бан Ки Мун Антонио Гутерес |
| Претходник | Ферит Хоџа |
| Потпретседател на Генералното собрание на Обединетите нации за нејзината 75-та сесија | |
| На должноста | |
| Стапил 2020 | |
| Претседател | Волкан Бозкир; претседател на Генералното собрание |
| Албански амбасадор во Куба | |
| На должноста | |
| Стапил 30 јуни 2016 | |
| Лични податоци | |
| Роден(а) | Тирана, Албанија |
| Установа | Универзитет Париз IV-Сорбона |
Бесиана Кадаре е албански дипломат. Таа служела како вонреден и ополномоштен постојан претставник на Албанија во Обединетите нации, потпретседател на Генералното собрание на Обединетите нации за нејзиното 75-то заседание и амбасадор на Албанија во Куба.[1] Албанија ќе заседава во Советот за безбедност на ОН со двегодишен мандат, во периодот 2022-2023 година. Таа во периодот од 2011 до 2016 година била вонреден и ополномоштен амбасадор и постојан делегат на Албанија во Организацијата за образование, наука и култура на Обединетите нации (УНЕСКО) во Париз. Таа е ќерка на писателите Хелена Кадаре и Исмаил Кадаре.
Ран живот и образование[уреди | уреди извор]
Кадаре е ќерка на писателите Хелена Кадаре и Исмаил Кадаре.[2][3][4]
Кадаре магистрирала по модерна и компаративна книжевност и има диплома за специјализирани високи студии по модерна специјализирана литература од Универзитетот Париз IV-Сорбона во Париз, Франција.[1]
Кариера[уреди | уреди извор]
Рани години[уреди | уреди извор]
Кадаре била прв секретар во Постојаната мисија на Албанија во Обединетите нации во Њујорк од 2002 до 2005 година.[1][5] Таа се вратила во Албанија во 2005 година за да работи со Агенцијата на САД за меѓународен развој (УСАИД).[1]
Во 2008 година, Кадаре служела во амбасадата на Албанија во Франција.[1]
Помеѓу 2011 и 2016 година, таа била вонреден и ополномоштен амбасадор и постојан делегат на Албанија во Организацијата за образование, наука и култура на Обединетите нации (УНЕСКО) во Париз.[1][2][6]
Постојан претставник на Албанија во Обединетите нации[уреди | уреди извор]
Кадаре ги предала акредитивните писма на генералниот секретар на ОН Бан Ки Мун на 30 јуни 2016 година и оттогаш е вонреден и ополномоштен постојан претставник на Албанија во Обединетите нации во Њујорк.[1][7] Таа е првата жена амбасадор на Албанија во ОН, во 65-годишното членство на земјата во ОН.[8] Таа била назначена истовремено да ја извршува функцијата амбасадор на Албанија во Куба.[1]
Во октомври 2017 година, на состанокот на Советот за безбедност на ОН, Кадаре изјавила дека значајното вклучување на жените во спречувањето конфликти и во мировните процеси останува занемарливо, при што жените биле настрана за време на мировните преговори дури и кога биле присутни, бидејќи секогаш мажите биле тие кои воделе и одлучувале кога и како да се постигне мир. Таа ги повикала земјите-членки да ја зголемат својата посветеност кон целосно интегрирање на жените во нивната агенда за мир и безбедност.[9]
Во 2018 година, Албанија како земја со мнозинско муслиманско население била водител на настан на Обединетите нации со Италија која има мнозинско католичко население и со Израел, прославувавјќи го првиот превод на Талмудот на италијански.[10] Амбасадорката Кадаре изјавила: „Проектите како Вавилонскиот Талмудски Превод отвораат нова патека во меѓукултурниот и меѓуверскиот дијалог, внесувајќи надеж и разбирање меѓу луѓето - вистинските алатки за борба против предрасудите, стереотипното размислување и дискриминацијата. Со тоа, ние сметаме дека ги зајакнуваме нашите социјални традиции, мирот, стабилноста - и исто така, се спротивставуваме на насилните екстремистички тенденции.“[11]
Во јануари 2019 година Кадаре во име на Албанија била водител заедно со Светскиот еврејски конгрес и Одделот за глобални комуникации на Обединетите нации на настан на тема „Приказна за човештвото: спасување на Евреите во Албанија“.[12] Таа дала забелешки во Обединетите нации на брифингот насловен „Сеќавање на холокаустот: барајте и бранете ги вашите човекови права“, по повод одбележувањето на Меѓународниот ден на сеќавање на холокаустот и размислување за геноцидот на шест милиони европски Евреи за време на Втората светска војна, и малку познатите записи за Албанците за време на холокаустот во Албанија, кои примиле илјадници Евреи кои инаку би завршиле во нацистичките логори на смртта.[13][14]
Кадаре во декември 2019 година ја нарекла „срамна“ одлуката да му се додели на австрискиот писател Петер Хандке, кој нашироко се смета за негирач на геноцидот, Нобеловата награда за литература за 2019 година, изјавувајќи дека оваа одлука засекогаш треба да ја прогонува Нобеловата фондација.[15]
Говорејќи во мај 2021 година на Генералното собрание на ОН и повикувајќи на прекин на огнот при избувнувањето на борбите меѓу Газа и Израел, Кадаре изјавила: „Недискриминираното истрелување ракети врз цивилни области од Хамас и други терористички групи е апсолутно неприфатливо. Ова мора веднаш да престане. Никогаш нема оправдување за неселективно таргетирање на цивили. Како и сите земји во светот, Израел има право да живее во мир и да ја гарантира безбедноста на своето цивилно население, кога е загрозен од насилни акции или напади. Како и сите земји во светот, императив е ова право на самоодбрана да се остварува пропорционално и во целосна согласност со меѓународното право.“[16]
На 11 јуни 2021 година Албанија била изгласана да стане членка на 15-члениот Совет за безбедност на ОН со двегодишен мандат траејќи од 2022 до 2023 година.[8][17] Кадаре изјавила дека приоритетите на Албанија во Советот за безбедност ќе вклучуваат фокус на жените, мирот и безбедноста, промовирање на човековите права и меѓународното право, спречување конфликти, заштита на цивилите, спротивставување на насилниот екстремизам, справување со климатските промени и нивните врски со безбедноста и зајакнување на мултилатерализмот и меѓународниот поредок заснован на правила.[8] Таа на Твитер им се заблагодарила на сите земји кои: „ни ја довериле оваа огромна одговорност“.[17]
Потпретседател на Генералното собрание на ОН[уреди | уреди извор]
Во јуни 2020 година, Кадаре била избрана за потпретседател на Генералното собрание на Обединетите нации на 75-тата сесија.[18][19][20]
Други активности[уреди | уреди извор]
- Канцеларија на Обединетите нации за проектни услуги (УНОПС), потпретседател на Извршниот одбор[21]
- Фонд за население на Обединетите нации (УНФПА), потпретседател на Извршниот одбор[22]
Наводи[уреди | уреди извор]
- ↑ 1,0 1,1 1,2 1,3 1,4 1,5 1,6 1,7 New Permanent Representative of Albania Presents Credentials United Nations, press release of 30 June 2016.
- ↑ 2,0 2,1 Matthias Bickert (2015). Welterbestädte Südosteuropas im Spannungsfeld von Cultural Governance und okaler Zivilgesellschaft: Untersucht am Beispiel. University of Bamberg Press. ISBN 9783863093006. Посетено на 2019-12-19.
- ↑ Héléna Kadaré (2010). Le temps qui manque: Mémoires. Fayard. ISBN 9782213661193. Посетено на 2019-12-19.
- ↑ Ismail Kadaré (2014). Le Printemps albanais. Fayard. ISBN 9782213659572. Посетено на 2019-12-19.
- ↑ „Permanent Missions to the United Nations“. United Nations. 2008. Посетено на 2019-12-19.
- ↑ „Permanent Delegate of Albania to UNESCO | United Nations Educational, Scientific and Cultural Organization“. UNESCO. 14 April 2011.
- ↑ „Permanent Missions to the United Nations, No. 307“. United Nations DGACM. 2019. ISBN 9789210479240. Посетено на 2019-12-19.
- ↑ 8,0 8,1 8,2 Rudina Hoxha (April 2021). „Albania Bids for a 2-year Mandate in the United Nations Security Council; Exclusive Interview with Besiana Kadare“. Trailblazing Magazine.
- ↑ „Despite Growing Awareness of Urgent Need to End Sexual Violence, Empower Women in Conflict Zones, Real Progress Seriously Lagging, Security Council Told“. ReliefWeb. 27 October 2017. Посетено на 2019-12-19.
- ↑ Schwartz, Penny (29 October 2018). „A Muslim country, Catholic country and Jewish country celebrate the Talmud together. No joke“. Jewish Telegraphic Agency. Посетено на 2019-12-19.
- ↑ Oster, Marcy (30 September 2018). „Muslim country, Catholic country, Jewish country celebrate Talmud at UN. No joke“. The Times of Israel. Посетено на 2019-12-19.
- ↑ „Besiana Kadare: "A story of humanity: the rescue of Jews in Albania"“. Albspirit. 4 February 2019. Посетено на 2019-12-19.
- ↑ „'Leaders who sanction hate speech' encourage citizens to do likewise, UN communications chief tells Holocaust remembrance event“. UN News. 31 January 2019. Посетено на 2019-12-19.
- ↑ „WJC and Albanian Mission to UN Held Special Briefing on Rescue of Albanian Jews During Holocaust“. The Jewish Voice. 2019-02-04. Посетено на 2019-12-19.
- ↑ Alice Elizabeth Taylor (10 December 2019). "Widespread Outrage among Albanians as Genocide Denier Peter Handke Wins Nobel Prize in Literature," Архивирано на 25 октомври 2019 г. Exit News.
- ↑ „Statement by H.E. Ms. Besiana Kadare, Permanent Representative of the Republic of Albania to the UN at the UNGA formal plenary meeting on the question of Palestine“. Permanent Mission of the Republic of Albania to the United Nations.
- ↑ 17,0 17,1 „Brazil, UAE, Albania, Ghana and Gabon win UN council seats“. AP NEWS. 11 June 2021.
- ↑ Shkruar nga Anabel (1 July 2020). "Ismail Kadare's daughter is appointed vice president of the UN General Assembly," Anabel Magazine.
- ↑ E. Halili (1 July 2020). "Kadare's Daughter UN Vice President, Meta: Good Opportunity for Albania," Albanian Daily News.
- ↑ "Besiana Kadare elected Vice President of the UN General Assembly," Oculus News, 1 July 2020.
- ↑ 2018 Members of the Executive Board United Nations Office for Project Services (UNOPS).
- ↑ 2018 Members of the Executive Board United Nations Population Fund (UNFPA).
Надворешни врски[уреди | уреди извор]
- „Изјава на Н.Е. г-ѓа Бесиана Кадаре, постојан претставник на Република Албанија во ОН, на отворената дебата на Советот за безбедност на тема „Жените, мирот и безбедноста“, 8 ноември 2019 година.
- „Отворен говор на Н.Е. Амбасадорката Бесиана Кадаре на неформалната интеракција со тројцата известувачи за резолуцијата 38/18 на Советот за човекови права за „придонесот на Советот за човекови права во спречувањето на кршењето на човековите права“, 14 јуни 2019 година.
- „Интервенција на Н.Е. г-ѓа Бесиана Кадаре, постојан претставник на Република Албанија во ОН, на Годишната седница 2019 година на Извршниот одбор на УНДП/УНПФ/УНОПС, во својство на заменик претседател на Извршниот одбор. 14 јуни 2019 година.
- „Изјава на Н.Е. г-ѓа Бесиана Кадаре, постојан претставник на Република Албанија во ОН, на настанот „Здружено финансирање на ОН: трендови, иновации, резултати и патот напред““, 23 мај 2019 година.
- „Изјава на Н.Е. г-ѓа Бесиана Кадаре, постојан претставник на Република Албанија во ОН, на Сегментот за оперативни активности на ЕКОСОК за 2019 година“, 23 мај 2019 година.
- „Изјава на Н.Е. г-ѓа Бесиана Кадаре, постојан претставник на Република Албанија во ОН, на отворената дебата на Советот за безбедност на тема „Жените и мирот и безбедноста: сексуално насилство во конфликт““, 23 април 2019 година.
- „Изјава на Н.Е. г-ѓа Бесиана Кадаре, постојан претставник на Република Албанија во ОН, на првата редовна седница 2019 година на Извршниот одбор на УНДП/УНФПА/УНОПС, во својство на потпретседател на Извршниот одбор, „ 21 јануари 2019 година.