Беноа Пер

Од Википедија — слободната енциклопедија
Прејди на прегледникот Прејди на пребарувањето
Беноа Пер
Paire WM13-013 (9465750925).jpg
Беноа Пер на Вимблдон 2013
Земја  Франција
Место на живеење Авињон, Франција
Роден на 8 мај 1989 (1989-05-08) (29 г.)
Роден во Авињон, Франција
Спорт Tennis pictogram.svg Тенис
Висина &100000000000001960000001,96 м
Професионалец 2007
Игра со • десна рака
• дворак бекхенд
Заработка $1,832,652
Поединечно
Победи-порази 65–71
Титули 0
Највисок пласман Бр. 24 (12 август, 2013)
Моментално место Бр. 28 (6 јануари, 2014)
Резултати на Гренд Слемови
Австралијан Опен 2R (2011)
Ролан Гарос 3R (2013)
Вимблдон 3R (2012, 2013)
УС Опен 2R (2010, 2012)
Во двојки
Победи-порази 14–35
Титули 1
Највисок пласман Бр. 84 (5 август, 2013)
Моментално место Бр. 121 (6 јануари, 2014)
Резултати на Гренд Слемови
Австралијан Опен QF (2013)
Ролан Гарос 1R (2009, 2010, 2011, 2012)
Вимблдон 1R (2012)
УС Опен 2R (2012)
Ажурирано на: 10 јануари 2014.

Беноа Пер (роден 8 мај, 1989) е француски професионален тенисер. Негово највисоко место на АТП листата е 24-то место кое го постигнал на 12 август, 2013 година.[1]

Кариера[уреди | уреди извор]

2007–2009: Почетоци[уреди | уреди извор]

Пер ја започнал својата професионална кариера играјќи на фјучерс турнири во Франција, и во својата прва сезона тој успеал да освои една фјучерс титула.

Во 2008, Пер продолжил да игра главно на фјучерс турнири, но исто така тој забележал и настапи на турнири од повисоко ниво, загубувајќи во квалификациите на турнирите во Марсеј и Лион кои се дел од АТП 250 Серијата. Пер успеал да добие вајлд карта за настап на својот прв Гренд слем турнир, на Ролан Гарос, но доживеал пораз уште во првото квалификациско коло.

Во 2009, Пер бил дел од повеќе челинџер турнири, но сепак бил многу поуспешен на фјучерс турнирите, освојувајќи една титула во четири финалиња во период од три месеци. Французинот повторно добил вајлд карта за учество во квалификациите на Ролан Гарос, и овојпат успеал да стигне до третото и последно квалификациско коло во кое бил поразен од италијанецот Фабио Фоњини.

2010[уреди | уреди извор]

Пер ја започнал 2010 со победа на фјучерс турнирот во Плентејшон, Флорида. Два месеци подоцна, во период од три недели, тој успеал да освои две фјучерс титули во Португалија. Последна проверка за Пер пред вториот Гренд слем, бил челинџер турнирот во Бордо, каде тој стигнал до четвртфиналето во кое бил поразен од Микаел Лодра. На Ролан Гарос, Пер конечно успеал да ги помине квалификациите на еден Гренд слем и се пласирал во првото коло, во кое и покрај тоа што го добил првиот сет, сепак бил поразен од Оливие Рохус. Еден месец подоцна, французинот за прв пат заиграл на Вимблдон, но завршил неславно со пораз уште во првото квалификациско коло.

Следен турнир за Пер бил челинчер турнирот во Арад каде тој за прв пат стигнал до финалето на еден челинџер турнир, но сепак не успеал да ја освои титулата и бил поразен од својот сонародник Давид Гуез во три сета. За неполни два месеца, Пер повторно заиграл финале на челинџер турнир, овојпат во Сан Себастијан, но повторно бил поразен, овојпат од шпанецот Алберт Рамос. Следен турнир за Беноа бил последниот Гренд слем во годината, Отвореното првенство на САД, каде тој успешно ги поминал квалификациите и во првото коло забележал тешка победа над германецот Рајнер Шутлер, со што за прв пат во својата кариера заиграл во второ коло на еден Гренд слем турнир. Сепак во второто коло, тој бил поразен од Фелисијано Лопез во пет сета.

Кон крајот на годината, Пер добил вајлд карта за турнирот во Монпелје, и во првото коло загубил од Џон Иснер. Една недела подоцна, Пер успешно ги поминал квалификациите на турнирот во Валенсија, но сепак во првото коло бил поразен од Марсел Гранољерс. Пер годината ја завршил на 152-то место на АТП листата со пораз во првото квалификациско коло на Мастерсот во Париз од украинецот Иља Марченко.

2011[уреди | уреди извор]

Новата сезона Беноа ја започнал со првиот Гренд слем во годината, Отвореното првенство на Австралија каде со помош на вајлд карта бил дел од главниот ждреб. Тој во првото коло бил подобар од Флавио Ципола, но во второто коло бил поразен од 17-от носител, Иван Љубичиќ во четири сета. Еден месец подоцна, на турнирот во Ротердам, Пер повторно доживеал пораз од Љубичиќ во второто коло, откако претходно во првото коло забележал победа над Жил Симон.

Кон крајот на март, Пер успеал да стигне до своето трето челинџер финале во кариерата, во Сен Брие, но повторно не успеал да ја освои титулата и бил поразен од својот сонародник Максим Теишеира. Две недели подоцна, Пер успешно ги поминал квалификациите на Отвореното првенство на Барселона и се пласирал во главниот ждреб. Тој во првото коло бил подобар од шпанецот Пабло Карењо Буста, но во второто коло бил поразен од Алберт Монтањес.

Пер, со помош на вајлд карта бил повторно дел од главниот ждреб на Ролан Гарос, но турнирот го завршил уште во првото коло по поразот од Виктор Ханеску. На Вимблдон, Пер бил елиминиран уште во првото коло од седмиот носител, Давид Ферер.

Во средината на јули, Пер го потврдил учеството на турнирот во Штутгарт, и во првото коло бил подобар од квалификантот Евгениј Донској, за во второто коло да биде поразен од Марсел Гранољерс. Во следниот период, Пер играл главно на челинџер турнири и на двапати успеал да дојде до полуфиналето. На последниот Гренд слем во годината, на Отвореното првенство на САД, Пер бил разочарувачки поразен уште во првото квалификациско коло. Слабиот настап во Њујорк, Пер го засенил со освојувањето на својата прва челинџер титула, во Брашов, каде во финалето успеал да му се одмазди на сонародникот Максим Теишеира.

Кон крајот на сезоната, Беноа се појавил на Мастерсот во Париз, и во првото квалификациско коло забележал победа над Денис Истомин, а во второто коло бил поразен од Сантијаго Гиралдо. Беноа сезоната ја завршил со победата над Грега Жемља во финалето на челинџер турнирот во Салзбург, со што дошол до својата втора челинџер титула во кариерата. Тој годината ја завршил на 95-то место на АТП листата.

АТП финалиња во кариерата[уреди | уреди извор]

Поединечно: 2 (0-2)[уреди | уреди извор]

Легенда
Гренд Слем (0–0)
АТП World Tour Finals (0–0)
АТП World Tour Masters 1000 (0–0)
АТП World Tour 500 Series (0–0)
АТП World Tour 250 Series (0–2)
Финалиња по подлога
Тврда (0-1)
Земја (0–1)
Трева (0–0)
Исход Бр. Датум Турнир Подлога Противник Резултат
Финалист 1. 6 мај 2012 Белград, Србија Земја Италија Андреас Сепи 3–6, 2–6
Финалист 2. 10 февруари 2013 Монпелје, Франција Тврда Франција Ришар Гаске 2–6, 3–6

Во двојки: 1 (1–0)[уреди | уреди извор]

Легенда
Гренд Слем (0–0)
АТП World Tour Finals (0–0)
АТП World Tour Masters 1000 (0–0)
АТП World Tour 500 Series (0–0)
ATP World Tour 250 Series (1–0)
Титули по подлога
Тврда (1–0)
Земја (0–0)
Трева (0–0)
Исход Бр. Датум Турнир Подлога Партнер Противници Резултат
Победник 1. 6 јануари 2013 Ченај, Индија Тврда Швајцарија Станислас Вавринка Германија Андре Бегеман
Германија Мартин Емрих
6–2, 6–1

Челинџер финалиња во кариерата[уреди | уреди извор]

Поединечно: 6 (3-3)[уреди | уреди извор]

Исход Бр. Датум Турнир Подлога Противник Резултат
Финалист 1. 28 јуни 2010 Арад, Романија Земја Франција Давид Гуез 3–6, 6–1, 3–6
Финалист 2. 16 август 2010 Сан Себастијан, Шпанија Земја Шпанија Алберт Рамос 4–6, 2–6
Финалист 3. 28 март 2011 Сен Брие, Франција Земја Франција Максим Теишеира 3–6, 0–6
Победник 1. 5 септември 2011 Брашов, Романија Земја Франција Максим Теишеира 6–4, 3–0 пред.
Победник 2. 14 ноември 2011 Салзбург, Австрија Тврда Словенија Грега Жемља 6–7(6–8), 6–4, 6–4
Победник 3. 25 март 2013 Ле Госиер, Гвадалупе Тврда Украина Сергеј Стаховски 6–4, 5–7, 6–4

Наводи[уреди | уреди извор]

Надворешни врски[уреди | уреди извор]