Белски манастир
 Поглед на манастирот | |
| Информации | |
|---|---|
| Целосно име | Белски манастир манастир |
| Други имиња | Манастир „Свети Илија“ - Дабот |
| Манастир на: | МПЦ - ОА |
| Посветен на | Свети Илија |
| Епархија | Брегалничка |
| Цркви | Црква „Св. Илија“ |
| Личности | |
| Место | |
| Место | Бели, Општина Кочани  Македонија |
| Координати | 41°56′14″N 22°22′22″E / 41.93722° СГШ; 22.37278° ИГД |
| Видливи остатоци | една црква, помошни објект, летниковци, бунар, даб |
| Отворен за јавноста | да |
| Други информации | (Спанчевска парохија) |
Белски манастир — манастир во источниот дел на Македонија, на планината Осогово, во близина на селото Бели.
Историја[уреди | уреди извор]
Темелите за изградба на манастирот биле поставени во 1964 година, а се верува дека на тоа место имало манастир и во минатото.[1] Во 2011 година, до манастирот бил изграден асфалтен пат, а просторот бил уреден со клупи и други содржини.[2]
Градби и знаменитости[уреди | уреди извор]
Во склоп на манастирот влегуваат една црква, помошни објекти, летниковци, бунар и стар даб.
Црква „Свети Илија“[уреди | уреди извор]
Црквата има правоаголна основа со полукружна апсида на источната страна, а пред главниот влез од западната страна е доградена припрата. Внатрешноста на црквата не е зографисана.
Даб[уреди | уреди извор]
Во дворот на манастирот се наоѓа даб од видот на благуни (науч. Quercus pubescens) којшто се смета дека е стар околу 600 години, со што е еден од најстарите претставници од овој вид во регионот, а со закон е заштитен како споменик на природата.[2] Дабот е висок 19 м и има обем на стеблото од 5,9 м. Во октомври 2019 година, дабот бил прогласен за природна реткост.[3]
Галерија[уреди | уреди извор]
-
Влезната порта од дворот -
Манастирската црква -
Дабот -
Дворот на манастирот -
Бунар -
Помошен објект
Наводи[уреди | уреди извор]
- ↑ Ивица Милевски; Зоран Тунтев; Ирена Ружин; Виолета Јанкова; Јане Вртески; Звонко Наумоски (2016). „Студија за состојбата со потенцијалите за развој на туризмот во Источен плански регион“ (PDF). Центар за развој на Источен плански регион. стр. 103-104. Посетено на 16 февруари 2021.
- ↑ 2,0 2,1 Ивица Милевски; Зоран Тунтев; Ирена Ружин; Виолета Јанкова; Јане Вртески; Звонко Наумоски (2016). „Студија за состојбата со потенцијалите за развој на туризмот во Источен плански регион“ (PDF). Центар за развој на Источен плански регион. стр. 46. Посетено на 16 февруари 2021.
- ↑ „Службен весник на Република Македонија“ (PDF). 7 октомври 2019. стр. 2-3. Посетено на 16 февруари 2021.
Надворешни врски[уреди | уреди извор]
Белски манастир на Ризницата ?
