Белиот Божиќ (филм)

„Белиот Божиќ“ (англиски: White Christmas) – филм на режисерот Мајкл Куртиз (Michael Curtiz) од 1954 година, снимен по сценариото на Мелвин Френк (Melvin Frank), Норман Красна (Norman Krasna) и Норман Панама (Norman Panama). Главните улоги ги играат: Бинг Крозби (Bing Crosby), Дени Кеј (Danny Kaye), Розмари Клуни (Rosemary Clooney) и Дин Џегер (Dean Jagger). Автор на песните во филмот е познатиот Ирвин Берлин при што песната „Број ги благословите наместо овци“ (англиски: Count Your Blessings Instead of Sheep) била номинирана за наградата „Оскар“.

Синопсис

На Бадник, 1944 година, водникот Боб Волас (го игра Крозби), кој пред војната бил успешен пеач и војникот Фил Дејвис (го игра Кеј) приредуваат скромна свеченост за своите војници. Кога на војниците ќе им се придружи и генералот Томас Вејверли (го игра Џегер), забавата се претвора во збогување со него, зашто тој заминува на ново командно место. Приредбата е прекината од непријателкиот напад во кој Фил му го спасува животот на Боб. По завршувањето на војната, тие настапуваат заедно како дуото Волас и Дејвис и стануваат популарни. На еден настап во Флорида, тие ги запознаваат сестрите Џуди и Бети Хејнс кои, исто така, се забавувачки...