Белвица

Од Википедија — слободната енциклопедија
Прејди на прегледникот Прејди на пребарувањето
Белвица
Научна класификација
Царство: Animalia
Колено: Chordata
Класа: Actinopterygii
Ред: Salmoniformes
Семејство: Salmonidae
Род: Salmo
Вид: S. ohridanus
Биномен назив
Salmo ohridanus
Франц Штајндахнер, 1892
Синоними

Acantholingua ohridana
Salmothymus ohridanus

Белвица (латински: Salmo ohridanus) – вид ситна слатководна риба со бели, седефести крлушки; ендемски вид локализиран во Охридското Езеро[2].[1][3][4]

Класификација[уреди | уреди извор]

Во постарата литература белвицата е определена дека им припаѓа на родовите Acantholingua и Salmothymus[4][5]. Генетските проучувања, сепак, покажуваат дека таа е член на родот Salmo и е најблиска до Salmo obtusirostris [6]. Сепак таа е доста различна од балканската пастрмка[4].

Распространетост[уреди | уреди извор]

Распространета е во Македонија и Албанија[1][3][4] во Охридското Езеро, каде заедно со летницата е еден од двата претставници на семејството Salmonidae и родот Salmo.

Се среќава на длабочина од 40 до 60 м.[7] Рибата е предмет на масовен риболов и се одгледува во фарми за риба од средината на дваесеттиот век.[1]

Фактори кои ја загрозуваат популацијата на овој вид се хибридизацијата и загадувањето на водите.[1]

Опис[уреди | уреди извор]

Белвицата е релативно мала риба, вообичаено помала од 30 см и полесна од 0,5 кг[3]. Може да достигне должина од 33,6 см и тежина од 685 грама[7].Охридската белвица е ендемски вид пастрмка со сребрена боја на телото и ретки бледи црни и црвени пеги, со поголемо око во однос на главата споредено со другите видови пастрмки како резултат на живот во подлабоките води на сублиторалот и профундалот на езерото. Има спор раст и потребно и е 12 години да достигне тежина од 1 кг. во природни услови. Се храни со зоопланктон и фауна на дно.

Полова зрелост достигнува во втората година, а мрести на два вида подлога и тоа во литоралниот регион на езерото во појасот на харата и во сублиторалниот регион на песочна подлога во појасот на живи и изумрени школки. Исто така се мрести и во близина на подводни извори на длабочини поголеми од 70 м. Најголемиот дел од популацијата се мрести во периодот од втората половина на ноември до крајот на декември, вториот пик на мрестење е во пролетниот период (март-април) и третиот во летниот период (јуни-август). [8]


Животниот век ѝ е околу 12 години[7].

Значење[уреди | уреди извор]

Охридската белвица има извонредно значење како објект како за рекреативен така и за стопански риболов. Поради квалитетот на нејзиното месо, а особено по намалувањето на популацијата на охридската пастрмка се зголеми притисокот врз неа, што води кон потреба од поголема заштита на видот.


Наводи[уреди | уреди извор]

  1. 1,0 1,1 1,2 1,3 1,4 Crivelli, A.J. 2006. Salmo ohridanus[мртва врска]. IUCN Red List of Threatened Species. Version 2010.1
  2. „Белвица“Дигитален речник на македонскиот јазик
  3. 3,0 3,1 3,2 Фрез, Рене и Поли, Даниел, уред. (2011). "Salmo ohridanus"FishBase. February 2011 г.
  4. 4,0 4,1 4,2 4,3 Lake Ohrid trouts Balkan trout restoration group
  5. Eschmeyer W (2007) Acantholingua Архивирано на 5 март 2012 г. Catalog of Fishes. California Academy of Sciences.
  6. Ales Snoj, Enver Melkic, Simona Susnik, Samir Muhamedagic et Peter Dovc (2002). DNA phylogeny supports revised classification of Salmothymus obtusirostris. In Biological Journal of the Linnean Society, 19 August 2002, 77, 399 – 411.
  7. 7,0 7,1 7,2 Salmo ohridanus на семрежната страница на Енциклопедија на животот
  8. Службен весник на Р.Македонија бр.145