Белата Земја (Пепелиште)

Белата Земја или Трнче — археолошко наоѓалиште во неготинското село Пепелиште. Наоѓалиштето претставува населба од неолитското, населба со некропола од римското време и средновековна некропола. На 2 км југозападно од селото, непосредно до коритото на реката Вардар, од двете страни на каналот за наводнување, во нивите на ЗИК „Повардарје“ има фрагменти од неолитска керамика, куќен лепеж и орудија од камен и кремен. Во истиот комплекс, во нивата на еден жител се пронајдени гробови со конструкции од камени плочи - тип циста, а по површината фрагменти од керамички садови премачкани со убав фирнајс, фрагменти од питоси, разновиден градежен материјал и делови од архитектонска пластика. На микролокацијата Стреа во 1980/90 година Народниот музеј од Неготино и Институтот за истражување на старословенската култура од Прилеп извршиле ископување при што се истражиле и документирале 100 гроба од типот циста, со мошне гробен инвентар. Некрополата егзистирала од крајот на X до крајот на XI век.

Поврзано

• Пепелиште;
• Список на археолошки наоѓалишта во Неготинско;
• Список на средновековни некрополи во Македонија.