Безглава пирамида
Безглава пирамида – староегипетска пирамида во Сакара. Најверојатно била изградена од фараонот од Петтата династија, Менкаухор.
Археологија[уреди | уреди извор]
Карл Рихард Лепсиус, кој го посетил Египет во 1843 година, го дал првиот опис на пирамидата и ја каталогизирал како број XXIX (29) во својот список на пирамиди. Гастон Масперо во 1881 година влегол во подземните простории. Првото, многу кратко, несистематско ископување на урнатините го извршил Сесил М. Фирт во 1930 година. Потоа урнатините повторно биле покриени со песок.
Во 1994 година, Јаромир Малек пласирал мислење дека Безглавата пирамида е долгобараната Мерикареева пирамидаМерикареевата пирамида (фараон од Десеттата династија) бидејќи било познато дека оваа пирамида мора да биде некаде на север на Сакара, во близина на Тетиевата пирамида. Безглавата пирамида била совршен кандидат бидејќи во непосредна близина немало друга пирамида од Петтата династија[1]. Меѓутоа повеќето научници верувале дека сопственик на пирамидата бил Менкаухор, бидејќи свештениците назначени за погребниот ритуал на овој крал, во голема мера биле закопани на север од Сакара.
Систематското ископување на потструктурата под водство на Захи Хавас во 2008 година, ја потврдило припадноста на Петтата династија врз основа на структурата и материјалите кои биле типични за таа ера. Иако не биле најдени натписи со името на фараонот, Хавас му ја припишал на Менкаухор бидејќи тој бил единствениот фараон од Петтата династија чија пирамида не била идентификувана[2].
Пирамида[уреди | уреди извор]
Пирамидата е долга од околу 52 метри и веројатно била во линија со пирамидата на Тети. Практично ништо не е оставено од надградбата, па оттука и нејзиното име. На северната страна лежи влезот во подземниот систем на простории, кој бил запечатен со два гранитни портали. Скршен капак на погребниот саркофаг бил пронајден во погребната просторија.
Наводи[уреди | уреди извор]
- ↑ Jaromir Malek, King Merykare and his Pyramid, in Hommages à Jean Leclant, Vol. 4. Varia (=Bibliothèque d'étude 106/4), 1994, pp. 203–214.
- ↑ Reuters: Jonathan Wright: Eroded pyramid attributed to early pharaoh Архивирано на 12 јуни 2018 г., June 5, 2008
Литература[уреди | уреди извор]
- Mark Lehner: The Complete Pyramids. Thames & Hudson, London 1997, p. 165, ISBN 0-500-05084-8.
- Miroslav Werner: The Pyramids. 1998, ISBN 0-8021-3935-3
Надворешни врски[уреди | уреди извор]
- BBC News: Missing pyramid found, June 5, 2008
- Associated Press: Missing Pyramid Found in Egypt, June 5, 2008