Бања Косоврасти
Бања Косоврасти (позната и под имињата: Косоврашка бања, Дебарска бања-Косоврасти) ― едната од двете бањи во состав на Дебарските бањи во подножјето на планината Крчин, на надморска височина од 590 метри. Сместено е во истоименото село, на 5 километри северно од градот Дебар, на самиот брег на Дебарското Езеро.[1]
Местоположба[уреди | уреди извор]
До бањата, како и до самото село Долно Косоврасти, води асфалтен пат, кој се двои од регионалниот пат 1202 и преку мост води до бањата.[1]
Историја[уреди | уреди извор]
Здравствениот туризам во бањата започнал да се развива во периодот меѓу двете светски војни, кога биле изградени два хотела од по 50 легла (1931 и 1933). Денес, бањата располага со современ хотел од 120 легла, а годишно во неа престојуваат по повеќе од 5.000 посетители.[1]
Извори[уреди | уреди извор]
Термоминералниот извор е предиспониран со длабински расед. Теренот е изграден од флишни седименти што содржат гипс. Изворот дава 68,8 л/сек вода, која има температура од 48°C и радиоактивност од 34 м.е.. Во себе содржи калциум, магнезиум, натриум и калиум, како и сулфати.[1]
Многу е присутен сулфурводородот, а од ретките елементи литиумот и флуорот. По количеството сулфур во еден литар вода, Косоврашката бања се наоѓа на трето место во Европа и е многу слична со водата од Ахенските извори.[1]
Во бањата со успех се лекуваат ревматични, гинеколошки и кожни заболувања, како и болести на жолчните и бубрежните патишта.[1]
Галерија[уреди | уреди извор]
Поглед на сместувачките капацитети на Дебарските Бањи
Поглед на изворите на бањите
Поглед на хотелот на бањата
Наводи[уреди | уреди извор]
- ↑ 1,0 1,1 1,2 1,3 1,4 1,5 Ристовски, Блаже, уред. (2009). „Косовската“. Македонска енциклопедија. , книга I (А-Љ). Скопје: МАНУ. стр. 741. Text "series " ignored (help)
Надворешни врски[уреди | уреди извор]
Бања Косоврасти на Ризницата ?
Координати: 41°31′56″N 20°34′39″E / 41.53222° СГШ; 20.57750° ИГД