Барограф

Од Википедија — слободната енциклопедија
Прејди на прегледникот Прејди на пребарувањето
Барограф во куќиште
Анероидни капсули поврзани со писалка
Барограф без куќиште

Барографметеоролошки инструмент за регистрација на промените на атмосферскиот притисок. Работи на принципот на барометар кому му е додаден уред за регистрација.

Видови барографи[уреди | уреди извор]

Како и барометрите, барографите се делат на метални и барометри со жива.

Метален барограф[уреди | уреди извор]

Металниот барограф според Ришар се состои од неколку споени анероидни капсули со кои е поврзана писалката. Промените на притисокот вршат промена на димензиите на капсулите и писалката ги бележи промените на хартиена лента обвиена околу валјак. Валјакот многу бавно ротира со помош на сатен механизам и на овој начин се добива постојан запис.

Валјакот се врти еднаш дневно или еднаш седмично, зависно од изведбата на уредот. Добиената крива се нарекува барограм.

Живин барограф[уреди | уреди извор]

Живините барографи се поточни. Тие имаат пливка на површината на живата споена со писалката. Површината на живата ја менува висината зависно од атмосферскиот притисок. Постојат и конструкции на живини барографи на принципот на вага, или отчитување на висината на живата на фотоелектричен или фотографски начин.

Употреба[уреди | уреди извор]

Барографот се користи во метеоролошки станици, а при аеролошки мерења тој е составен дел на метеорографот. Исто така се користи и во авионите за мерење на висината.

Поврзано[уреди | уреди извор]

Надворешни врски[уреди | уреди извор]

Литература[уреди | уреди извор]