Барбуда

Од Википедија — слободната енциклопедија
Прејди на прегледникот Прејди на пребарувањето

Барбуда е остров во Малите Анрили, односно припаѓа на Заветрените Острови. Тој, заедно со Антигва, ја формираат островската држава Антигва и Барбуда. Антигва и Барбуда стана суверена на 1 ноември 1981 година, но остана дел од Британскиот Комонвелт. Островот е популарна туристичка дестинација заради неговата умерена клима и крајбрежје.

Во септември 2017 година, Ураган Ирма оштети и уништи 95% од зградите и инфраструктурата на островот и заради него мораа да бидат евакуирани сите жители.


Историја[уреди | уреди извор]

Сибонеи народот го има населено островот уште од Камената доба. Кога Кристофер Колумбо пристигнал до осторовот во 1493, популацијата на островот се состоела од Арава и Карибски Индијанци. Следувајќи обиди за колонизација од страна на Шпанија и Франција, Барбуда е колонизирана од страна на Велика Британија во 1666 година.

Кристофер Кодрингтон го воспоставил првиот значаен имот за култивирање шеќер во Антигва во 1674 година и ја ставил Барбуда на заем за да подигне провизии за неговите плантажи. Административниот град на Барбуда, Кодрингтон, е крстен по него.

Ропство[уреди | уреди извор]

Проценка од 1977 година од Ловентхал и Кларк наведува дека помеѓу 1779 година и 1834 година, 172 робови биле ивезени од островот. Повеќето биле транспортирани до Антигва, но 37 биле транспортирани до Заветрените и Приветрените Острови и некои до јужниот дел на САД.

Британија ги ослободи робовите од повеќето свои колонии во 1834 година, но тука не беше вклучена Барбуда. Жителите на островот сами ги ослободиле робовите. Откако стекнале слобода, робовите немале поволни услови за живеење па морале да продолжат да работат на плантажите, заработувајќи ниски плати.

Географија[уреди | уреди извор]

Барбуда има површина од 160.56 квадратни километри. Главниот и најголемиот град на Барбуда, Кордингтон, има приближно 100 жители. Повеќето жители на Антигва и Барбуда со Барбудско потекло живеат на Антигва.

Островот е подложен на урагани помеѓу август и октомври.