Банскобистрички Крај (словачки: Banskobystrický kraj) ― еден од осумте краеви во Словачка. Тој е најголем од осумте краеви по површина и има помала густина на население од кој било друг крај. Банскобистричкиот Крај е основан во 1923 година, а сегашните граници биле воспоставени во 1996 година. Се состои од 13 окрузи и 514 општини, од кои 24 имаат градски статус. Неговото седиште е истоимениот град Банска Бистрица, кој е воедно и најголемиот град во крајот. Други важни градови се Зволен и Лученец.
