Бано Кушев

Бано Кушев
Роден	1863 г. Велес, Отоманско Царство
Починал	17 ноември 1910 г. Велес, Отоманско Царство

Бано Михајлов Кушев бил учител во Отоманското Царство и деец на Внатрешната македонска револуционерна организација.

Биографија

Првата генерација на воспитаници во Солунската гимназија во учебната 1885/86 год.
Прв ред (учители): Г. Миндов, А. Кулев, Х. Димитров, К. Стателов, Ф. Сплитек, Г. Прличев, Г. Кандиларов, архимандрит К. Пречистански, ѓакон И. Пенчев, Г. Попов, П. Драганов, А. Дојкин, Ј. Буфети
Втор ред (воспитаници): Х. Нечев, Ј. Читкушев, Ј. Мирчев, И. Липошлиев, Д. Изов, Б. Кушев, Л. Тодев, Ј. Бомболов, Г. Стрезов, П. Мавродиев, А. Кожухарски

Бано Михајлов Кушев е роден на 22.07.1863 во семејството на трговецот Михаил Јанков Кушев. Тој е еден од учениците на првата генерација што ја завршува прочутата Солунска Гимназија “ Св. Св. Кирил и Методи“ во 1886-та година. Започнува работа како учител во Сер, Солун, Воден, Тетово, Дедеагач и дурги места. Во учебната 1893/94 година работи како замесник директор на училиште во родниот Велес. Иван Крајничанец, учител во истото училиште каде што Кушев бил директор, го нарекува “добар управник и добар другар на учителите“. Во учебната 1897/98 учителствува во Одрин. За време на бранот од апсења по Солунските атентати Бано Кушев (по тоа време главен учител во Велес) е уапсен и одведен во Скопје. По крајот на учебната 1906-1907-ма година, поради сомнежи на властите за учество во револуционерното движење, Кушев е отстранет од Егзархијата како учител во Скопското девическо училиште. Покасно станува училиштен инспектор. Влегува во ВМРО и станува легален деец во Велес. По Младотурската револуција од 1908-ма година е учител во родниот град. Избран е за делегат од Велес на основачкиот конгрес на СБКК (Сојуз на Бугарски Конституциони Клубови) во Солун. На Вториот Конгрес на СБКК е избран за член на ревизионата комисија. Работи активно против режимот на Младотурците. Убиен е на 14.11.1910 година при обезоружителната акција (акција на Младотурскиот режим за собирање на оружјето на четите на ВМРО). Негов брат е Петар Михајлов Кушев (Велес, 24.03.1870-Софија, 12.05.1939), лекар, деец на ВМРО и пратеник од Македонската парламентарна група во 23-тото Народно Собрание на Царство Бугарија од Неврокопскиот реон. Бано Кушев има три сина - Илија Кушев (Велес, 24.03.1896 - с. 'Рлевци (Острилци), Велешко, 29.11.1922), војвода на ВМРО и член на студентското друштво “Вардар“, Тодор Кушев (Велес, 15.02.1901 - Гевгелија, 19.09.1925) - четник на ВМРО, убиен од српска потера и Михаил Кушев (Велес, 15.03.1905 - Велес, 05.11.1992), инженер архитект, член на ММТРО (Македонска Младежка Тајна Револуционерна Организација), раководител на групата во Грац, Австрија, го зачувал тајниот архив на ММТРО.