Бабјачка Река

Од Википедија — слободната енциклопедија
Прејди на прегледникот Прејди на пребарувањето
Бабјачка Река
Бабяшка река
МестоРазлошко (Оп. Белица), Пиринска Македонија
Слив
Главен изворОрцев Врв (Кавунтепе), Западни Родопи
Устиер. Места, Ј од с. Краиште, Општина Белица
ТечениеМестаЕгејско Море
Сливна повр.31,2 км2
Физички особености
Должина16,9 км

Бабјачка Река (бугарски: Бабяшка река) — река Разлошко (Општина Белица), Пиринска Македонија која тече низ пределите на Велиичко-виденичкиот Дел на Западните Родопи. Во горното течение се нарекува Грбница, а главното име го добива откако ќе стаса во с. Бабјак[1]. Извира од југозападната страна на Орцев Врв (Кавунтепе, 1.703,3 м).[2]

Најпрвин реката тече на југозапад, а по с. Бабјак свртува на запад. Пред с. Лутово повторно свртува во југозападен правец. Завршува како лева притока на Места, јужно од с. Краиште. Долга е 16,9 км[1], а најголема притока е Чирек (десна). Долината на Бабјачка Река е сочинета од гранит, а поречието ѝ е покриено претежно со иглолисни шуми. Сливот зафаќа 31,2 км2, при средна надморска височина од 1.250 м.[3]

Реката тече крај селата Лутово, Бабјак и Хахњово (Горно Краиште), сите во Општина Белица. Водите се користат за наводнување.[3]

Поврзано[уреди | уреди извор]

Наводи[уреди | уреди извор]

  1. 1,0 1,1 Христова, Нели (2012). Речни води на България. София: „Тип-топ прес“. стр. 262. ISBN 978-954-723-080-4.
  2. Енциклопедия „Пирински край“, том I. Благоевград: Редакция „Енциклопедия“. 1995. стр. 51. ISBN 954-90006-1-3.
  3. 3,0 3,1 Пирински край, стр. 52