Ајри Демировски
Ајри Демировски (турски: Hayri Önder; Битола, 1927 — Измир, Турција, 21 октомври 2009 ) — македонски музичар од турско потекло. Најпознат е како автор на песната „Битола, мој роден крај“.
Животопис
[уреди | уреди извор]Демировски е роден во 1927 година во Битола. Како млад го изучувал берберскиот занает кај Вангел Тодоровски - Мајорот, подоцнежен народен херој.[1] По ослободувањето бил првиот ученик од Битола испратен во Загреб во графичкото училиште да го изучува печатарскиот занает. Но, во Битола тој никогаш не работел како печатар. Се вработил како чувар во Радио Битола. Работејќи во радиото имал несекојдневна прилика редовно да ги слуша во живо најпопуларните битолски и македонски пејачи. Тоа го поттикнало да почне да размислува во насока на создавање на нова македонска музика.[2]
Демировски има компонирано над педесетина песни. Негови се популарните: „Мариче ле лично девојче“, „Таму ле мајко близу Битола“, „Само ти се чудам Цвето“, „Сношти те Маре сонував“, „За кого ти цути Дано лицето“, „Денот ми наближа на гурбет да заминам" и многу други, за кои се смета дека се народни, бидејќи се општоприфатени и пејани.
Најпопуларната меѓу нив е неговата антологиска песна „Битола, мој роден крај“, песна во која ја опеал својата огромна љубов кон родната Битола, песна која претставува неповторлив музички симбол и по која Битола ја препознаваат и распознаваат. Битолчани оваа песна ја прогласиле за песна на векот, а Демировски за почесен граѓанин на Битола во 2006 година.[1]
За Турција заминал во 1955 година.[3] Продукциската куќа ISR од Истанбул за Демировски подготвувала документарен филм во кој во финалната фаза се снимала во Битола кога екипата била затекната од тажната вест за смртта на Демировски.[4] Починал во Измир, Турција на 21 октомври 2009[4] каде што живеел 25 години.
„Каде и да заврши мојот живот, срцето секогаш ќе ми остане во Битола.“
Песни
[уреди | уреди извор]- Битола мој роден крај
- Таму ле мајко близу Битола
- Мариче ле, лично, девојче
- Само ти се чудам Цвето
- Сношти те Маре сонував
- За кого ти цути Дано лицето
- Денот ми наближа на гурбет да заминам
- Збогум мајко
- Сношти поминав заминав
- Чујте ме мили земјаци
- Доста, доста лична ле Стојне
- Саноќ ле Наде
- За кого ти цути Дано лицето
- Болен лежи млад Стојан
- Магдо мори Магдалено
- Не се фаќај Доне Донке
- Саноќ седам Трено
- Џема Џемила
- Мори моме малој моме
- Каде си тргнала Јано
- Гугутка гуга
Почести
[уреди | уреди извор]- 2006 - почесен граѓанин на Битола
Наводи
[уреди | уреди извор]- 1 2 „За Битола мој роден крај почесна титула“[мртва врска], „Вечер“, 27 октомври 2006.
- ↑ „Биографија“. Архивирано од изворникот на 2016-06-18. Посетено на 2016-09-04.
- ↑ „Земја од Битола на гробот на Ајри Демировски“[мртва врска], „Утрински Весник“, 23 јуни 2011.
- 1 2 Стефановски, Пеце (22 октомври 2009). „Почина Ајри Демировски, автор на „Битола мој роден крај"“. А1. Посетено на 2010-01-10.
Надворешни врски
[уреди | уреди извор]- Демировски како почесен граѓанин на Битола
- Битола мој роден крај на Јутјуб
- Збогум мајко на Јутјуб
- Сношти поминав заминав на Јутјуб
- Чујте ме мили земјаци на Јутјуб
- Доста, доста лична ле Стојне на Јутјуб
- Саноќ ле Наде на Јутјуб
- За кого ти цути Дано лицето на Јутјуб
- Болен лежи млад Стојан на Јутјуб
- Магдо мори Магдалено на Јутјуб
- Таму ле мајко близу Битола на Јутјуб
- Не се фаќај Доне Донке на Јутјуб
- Саноќ седам Трено на Јутјуб
- Џема Џемила на Јутјуб
- Мори моме малој моме на Јутјуб
- Каде си тргнала Јано на Јутјуб
- Гугутка гуга на Јутјуб