Ашуре

Од Википедија — слободната енциклопедија
Прејди на прегледникот Прејди на пребарувањето
Ашуре
Aşure (1).JPG
Ашуре
Дел од оброкотдесерт
Главни состојкипченица, ориз, наут, суво овошје, јаткасто овошје, вода
Варијантиповеќе

Ашуре – слатка варена пченица со ореви и други зрнести плодови[1].

Етимологија[уреди | уреди извор]

Зборото „ашуре“ доаѓа од арапскиот збор ашура (арапски: عاشوراء ʻĀshūrā’ ) кој значи десетти.[2] Во турската традиција, ова јадење најмногу се прави во десеттиот или после десеттиот месец од исламскиот лунарен календар.

Состојки[уреди | уреди извор]

За ашурето не постои единствен рецепт, рецептите варираат по региони и по семејства.[3]

Според некои традиции, ашурето треба да има најмалку седум состојки, додека според други најмалку десет (според значењето на зборот), додека Алевитите секогаш користат дванаесет состојки. Како состојки се користат пченица, ориз, наут, шеќер (или друг засладувач), суво овошје, јаткасто овошје, па има многу варијанти. Според некои рецепти се додава и кора од портокал или лимон. За гарнирање се користи сусам, зрна од калинка и цимет, а во некои варијанти се ароматизира со розова вода.

Во повеќето случаи, ашурето е веганско, и тоа е еден од најпопуларните десерти на турската кујна.

Легенди[уреди | уреди извор]

Легендата за „ашурето“ е фасцинантна. Ноевата арка за време на врнежите што траеле 40 дена се засолнала на врвот на планината Арарат. На крајот на потопот спасените во бродот решаваат во чест на завршетокот на 40-дневните дождови да организираат прослава. По тој повод решаваат да направат јадење што ќе содржи 40 состојки. Но нивните резерви храна веќе биле при крај, па решиле секој да даде што има. Во зависност кој од каде бил, го давал она што го имало во неговата татковина. Некој дал суви плодови, друг житарки, шеќер, суво овошје, портокал, смокви, ориз, наут…

Наводи[уреди | уреди извор]

  1. „Ашуре“ — Дигитален речник на македонскиот јазик
  2. „aşure“. www.nisanyansozluk.com. 
  3. „Noah's Pudding. Rumi Club. University of Massachusetts.“ (PDF). 

Надворешни врски[уреди | уреди извор]