Атанас Великов Атанасов

Од Википедија — слободната енциклопедија
Прејди на прегледникот Прејди на пребарувањето
Атанас Великов Атанасов
Роден 1921
Петрич, Бугарија
Починал 10 мај 1975
Петрич, Бугарија

Атанас Великов Атанасов-Божанин (Тачо), (Петрич 1921 - Петрич, 1975) беше македонски борец, учесник во партизанското антифашистичко движење во Пиринска, во Егејска и во Вардарска Македонија. Бил партизан од јануари 1944 година во ЕЛАС, потоа во Петричкиот партизански одред „Антон Попов“, а накрај заменик командант на бригада во НОВ.[1] Со наредба на ГШ на НОВ и ПОМ од 17 септември 1944 година во близина на селото Митрашинци - Беровско, на планината Плачковица е формирана 50та Македонско Народно Ослободителна Дивизија на НОВЈ во чиј состав влегле 4та, 13та и 14та МНОУБ. На истиот ден е формирана и 14та Македонска народноослободителна ударна бригада „Димитар Влахов“, а во неа на позиција заменик командант од 23 април 1945 до крајот на војната, бил токму Атанас Атанасов.[2]

Учествувал на сите три заседанија на АСНОМ. На Второто заседание ги пренел желбите на македонскиот народ од Пиринскиот дел на Македонија за обединување во една македонска национална држава. 1949 година е уапсен од „Државна безбедност“ во Петрич по што поради своите македонски национални определби,[3][4] е обвинет дека бил агент на УДБА и агитирал за присоединувањето на Пиринска Македонија кон СР Македонија, односно кон тогашната федерација на СФРЈ.[1] Тој бил затворен и осуден од бугарските власти за време на Резолуцијата на Информбирото.[3][4]

Наводи[уреди | уреди извор]

  1. 1,0 1,1 Списък на арестувани агенти на УДБ от Пиринския край след реализацията на разработка „Изменник“ на ДС с кратка справка за извършваната от тях агентурна дейност и получените за нея възнаграждения, Горна Джумая, 14 януари 1949г, - ЦДА, ф.1б, оп.7, а.е.1560, л.5-10
  2. проф.д-р Марјан Димитријевски (декември 2011). „ТЕМЕЛИТЕ НА МАКЕДОНСКАТА ВОЈСКА ОД НОАВМ“ (PDF). Офицер: 9. Недостасува |author1= (help)
  3. 3,0 3,1 Македонски историски речник. Скопје: ИНИ. 2000. стр. 50. ISBN 9989-624-46-1. На |first= му недостасува |last= (help)
  4. 4,0 4,1 Личности од Македонија. Скопје: МИ-АН. 2002. стр. 32. ISBN 9989-613-28-1. На |first= му недостасува |last= (help)

Литература[уреди | уреди извор]

  • Политичкиот, националниот и социјалниот состав на народните претставници на Првото заседание на АСНОМ, „Гласник на ИНИ“, VIII/1, Скопје, 1964
  • АСНОМ. Документи од Првото и Второто заседание на АСНОМ, I, 2, Архив на Македонија, Скопје, 1984