Прејди на содржината

Астрална проекција

Од Википедија — слободната енциклопедија

Астрална проекција или астрално патување — езотериско толкување на искуствата наречени „патувања надвор од телото“, при што астралното тело се одвојува од физичкото тело.[1][2] За разлика од сонувањето, астралната проекција може да се практикува намерно.

„Одвојување на духовното тело“ од „Тајната на златниот цвет“, прирачник за алхемија и медитација кинески

Идејата за астрално патување се заснова на општоприфатеното религиозно објаснување за задгробен живот,[3] а патувањето на душата е опишано со термини како „патување надвор од телото“ при што патувачот го напушта своето физичко тело и патува со суптилното тело (или сонувачкото тело или астралното тело) во `други` области“.[4]

Верувања

[уреди | уреди извор]

Астрална проекција или астрално патување се однесува на астралното тело или двојникот кое е дел од физичкото тело на човекот и кое може да патува низ астралот. Астралното тело во класичната средновековна и ренесансна неоплатонистичка филозофија, како и во подоцнежните објаснувања на теозофијата и розекрајцеризмот, е светлосно тело кое ги соединува душата и физичкото тело, а астралот е свет на светлина, кој се состои од сфери на планетите и ѕвездите, и претставува простор меѓу небото и физичкиот свет. Овие астрални сфери се смета дека ги населуваат боговите, ангелите, демоните и духовите.[5][6]

Идејата за астралното тело се појавува во трудовите на францускиот окултист од 19 век, Елифас Леви, а потоа е присвоен од теозофите и од херметичкиот ред Златна зора. Теозофите нашле поврзување на оваа идеја со некои древни текстови хинду.[7]

Терминот „астрална проекција“ се користи на два начина. Во редот „Златна зора“[8] и кај некои теозофи[9] се задржува класичното средновековно филозофско значење - патување во други светови,[10] но надвор од овие редови, терминот означува какво било нефизичко патување во рамките на физичкиот свет, а не само низ астралот.[11].

Етеричното тело, Непал, 1600-те години

Астрална проекција

[уреди | уреди извор]

Најчесто при астрална проекција, оној што ја прави опишува дека се наоѓа во сфера која нема допирни точки со физичкиот свет. Околината може да биде исполнета со ентитети, но и не мора, може да е вештачка или природна, а најчесто потполно апстрактна, пријатна или стравична. Општоприфатено е верувањето дека оној што влегува во астрална проекција има пристап до мистичното знаење наречено Акашки записи. Речиси во сите случаи на астрална проекција, се влегува во астрален свет кој е налик на сон.[12] Некои изјавуваат дека самото „заспивање“ означува влегување во проекција.[13]

Астралната околина се дели на „нивоа“ или „светови“. Постојат бројни различни толкувања на структурата на астралните светови во различните традиции.[12][13][14]

Етерична проекција

[уреди | уреди извор]

Спротивно од астралната проекција, таканаречената „етерична проекција“ се опишува како способност да се движиш низ материјалниот свет, но со етеричното тело, кое обично (но не секогаш) е невидливо за луѓето кои се во своето физичко тело. Роберт Брус, Њу ејџ писател од Австралија, оваа проекција ја опишува како нефизичко ниво кое е најблиско до физичкиот свет.[15]

Споре окултистот и мистикот Макс Хендел, етеричкото тело е медиум меѓу астралниот и физичкиот свет. Според него, етерот е прана, „животна сила“ која ги овозможува промените кај физичките форми. Од ова објаснување произлегува дека кога некој при своето искуство на проекција го гледа физичкиот свет, тој воопшто не е во астралниот свет.[16]

Во книгите на Карлос Кастанеда проекцијата која е наречена „сонувачко тело“ е токму оваа етерична проекција.

Практикување

[уреди | уреди извор]

Во окултните традиции, практикувањето вклучува разни состојби — од состојба на транс до состојба на визуализација и контролирано дишење. Во трудовите на Алистер Кроули, се употребува терминот „Тело од светлина“, а при неговата употреба се префрла свеста од физичкото тело во него, како чин на волја.[17]

Старите шамански традиции на Индијанците, етеричното тело односно „сонувачкото тело“ го користат во секојдневието за обавување на некоја работа на голема далечина, кога не е можно да се стигне со физичкото тело. Ова е посебно објаснето во книгите на Карлос Кастанеда.[18]

Наводи

[уреди | уреди извор]
  1. ↑ astral projection Архивирано на 18 септември 2015 г.. (n.d.). Webster's New Millennium™ Dictionary of English, Preview Edition (v 0.9.7). Retrieved 21 јуни, 2008, from Dictionary.com website
  2. ↑ Melton, J. G. (1996). Astral Projection. In Encyclopedia of Occultism & Parapsychology. Thomson Gale. ISBN 978-0810394872.
  3. ↑ Suki Miller, After Death: How People around the World Map the Journey after Death (1995)
  4. ↑ Dr. Roger J. Woolger, Beyond Death: Transition and the Afterlife, accessed online June 2008 at the website of the Royal College of Psychiatrists, http://www.rcpsych.ac.uk/PDF/RWoolgerTransition.pdf Архивирано на 26 март 2016 г..
  5. ↑ E. R. Dodds, Proclus: The Elements of Theology.
  6. ↑ Pagel Walter, William Harvey's Biological Ideas, Karger Publishers, 1967, p, 147-148, isbn 3805509626
  7. ↑ Melton, J. G. (1996). Out-of-the-body Travel. In Encyclopedia of Occultism & Parapsychology. Thomson Gale. ISBN 978-0810394872.
  8. ↑ Chic Cicero, Chic C, Sandra Tabatha Cicero The Essential Golden Dawn, Llewellyn Worldwide, 2003.
  9. ↑ Arthur A.Powell, THE ASTRAL BODY AND OTHER ASTRAL PHENOMENA, The Theosophical Publishing House, London, England; Wheaton,Ill, U.S.A.; Adyar, Chennai, India, 1927, reprinted in 1954 and 1965, page 7, online June 2008 at http://www.theosophical.ca/AstralBodyByPowell-A.htm
  10. ↑ Henri Corbin, Creative Imagination in the Sufism of Ibn Arabi, tr. Ralph Mannheim, Bollingen XCI, Princeton U.P., 1969
  11. ↑ William Judge, The Ocean of Theosophy 2nd Ed. TPH, 1893, Chapter 5, book online June 2008 at http://www.theosociety.org/pasadena/ocean/oce-hp.htm
  12. ↑ 12,0 12,1 Monroe, Robert. Far Journeys. ISBN 0-385-23182-2
  13. ↑ 13,0 13,1 Astral Dynamics by Robert Bruce. Hampton Roads Publishing Company, Inc, 1999 ISBN 1-57174-143-7
  14. ↑ Journeys Out of the Body by Robert A. Monroe, p 60. Anchor Press, 1977.
  15. ↑ Astral Dynamics by Robert Bruce Hampton Roads Publishing Company, Inc, 1999. p 25-27, 30-31
  16. ↑ Heindel, Max, The Rosicrucian Mysteries (Chapter IV, The Constitution of Man: Vital Body - Desire Body - Mind), 1911, ISBN 0-911274-86-3
  17. ↑ Greer, John (1967). Astral Projection. In The New Encyclopedia of the Occult. Llewellyn Worldwide. ISBN 1567183360.
  18. ↑ Carlos Castaneda, The Art of Dreaming, 1994, Published by HarperCollins, ISBN 0-06-092554-X

Поврзано

[уреди | уреди извор]

Надворешни врски

[уреди | уреди извор]
Преземено од „https://mk.wikipedia.org/w/index.php?title=Астрална_проекција&oldid=5143137“