Арнакија
| Арнакија | |
Поглед на Арнакија во 2008 г. | |
  Арнакија Местоположба на Арнакија во Македонија
Арнакија на карта
| |
| Координати 41°59′09″N 21°17′12″E / 41.98583°N 21.28667°E | |
| Општина |  Сарај
|
| Население | 1.163 жит. (поп. 2021)[1]
|
| Шифра на КО | 25004 |
| Надм. вис. | 486 м |
|
Арнакија на општинската карта  Атарот на Арнакија во рамките на општината | |
 Арнакија на Ризницата
| |
Арнакија — село во Општина Сарај, во околината на градот Скопје.
Географија и местоположба
[уреди | уреди извор]Арнакија се во Општина Сарај, во близина на Скопје. Селото лежи во западните предели на Скопската Котлина, во близина на автопатот Скопје - Тетово. Арнакија се наоѓа на десниот брег на Суводолица.
Селото традиционално се дели на маалата Горна и Долна Арнакија (или Горно и Долно Маало). Во 2014 г. Горна Арнакија е прогласена за самостојно село.[2]
Историја
[уреди | уреди извор]Во XIX век, селото е дел од нахијата Дервент во Скопската каза во Отоманското Царство.
Според опширните османлиски дефтери за населението на Скопската Каза од 1832/33 година, селото е заведено под името Анравуд и е муслиманско, со 15 муслимански домаќинства. На овој попис биле забележани 62 мажи муслимани, со 5 новороденчиња. Се проценува дека селото во тој период имало 134 жители.[3]
Според податоците на Леонард Шулце Јена од 1927 година, во селото живеело албанско население.[4]
Исто така, Афанасиј Селишчев во 1929 година наведува дека во селото живеело албанско население.[5]
Според германска карта издадена во 1941 година, а заснована на пописот на Кралството Југославија во 1931 година, селото имало 300 Албанци.[6]
Стопанство
[уреди | уреди извор]Атарот не е многу голем и зафаќа простор од 5,4 км2. На него пасиштата заземаат површина од 264,2 ха, на обработливото земјиште отпаѓаат 200,9 ха, а на шумите само 43,1 ха. Селото има полјоделско-сточарска функција.[7]
Население
[уреди | уреди извор]
|
| |||||||||||||||||||||||||||||||||
На пописот од 2002 година, селото имало 1.077 жители, од кои 4 Македонци, 1.063 Албанци, 1 Турчин, 9 Бошњаци и 4 останати.[8]
Според последниот попис од 2021 година, во селото живееле 1.163 жители, од кои 5 Македонци, 1.086 Албанци, 1 Турчин, 1 останат и 70 лица без податоци.[9]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | — | — | 358 | 348 | 385 | 517 | 699 | 4 | 935 | 1.077 | 1.163 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Родови
[уреди | уреди извор]Арнакија е албанско село.
Според истражувањата од 1949 година, родови во селото се:
- Доселеници: Кросе (9 к.) и Мирте (12 к.) доселени се од областа Љума во северна Албанија. Родот Кросе е во селото од почетокот на XIX век, и се најстар род во селото; Рамалар (6 к.) и Мусе (8 к.) доселени се однекаде од северна Албанија; Гоге (13 к.) и Пуре (5 к.) не знаат ништо за своето потекло. За родот Пуре некои тврдат дека потекнуваат од предок Ром.[14]
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ „Закон за изменување и дополнување на законот за територијалната организација на локалната самоуправа во Република Македонија“ (PDF). Сл. Весник на Р Македонија, бр.149 од 13.09.2014 година. Архивирано од изворникот (PDF) на 2020-10-28. Посетено на 2020-06-07.
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.
- ↑ Leonhard Schultze Jena. "Makedonien, Landschafts- und Kulturbilder", Jena, G. Fischer, 1927
- ↑ Афанасий Селищев. „Полог и его болгарское население. Исторические, этнографические и диалектологические очерки северо-западной Македонии“. - София, 1929.
- ↑ „200K Volkstumskarte Jugoslawien“.
- ↑ Панов, Митко (1998). Енциклопедија на селата во Република Македонија. Скопје: Патрија. стр. 14.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Трифуноски, Јован (1949). Скопски Дервен. САНУ.
Надворешни врски
[уреди | уреди извор]- Сателитска снимка на Арнакија на Карти на Гугл
| ||||||||||||
