Армутчи

Од Википедија — слободната енциклопедија
Прејди на прегледникот Прејди на пребарувањето
Армутчи
Μεγάλη Βρύση
Армутчи is located in Грција
Армутчи
Армутчи
Координати: 41°0′N 23°47′E / 41.000° СГШ; 23.783° ИГД / 41.000; 23.783Координати: 41°0′N 23°47′E / 41.000° СГШ; 23.783° ИГД / 41.000; 23.783
ЗемјаГрција
ОбластЦентрална Македонија
ОкругКукушки округ
ОпштинаКукуш
Општ. единицаКукуш
Надм. вис.&10000000000000121000000121 м
Население (2001)[1]
 • Вкупно520
Часовен појасEET (UTC+2)
 • Лете (DST)EEST (UTC+3)

Армутчи (грчки: Μεγάλη Βρύση, Мегали Вриси, до 1927 Αρμουτσή, Армутци)[2] — село во Општина Кукуш во Кукушки округ, Егејска Македонија, денес во областа Централна Македонија, Грција.

Географиja и местоположба[уреди | уреди извор]

Селото се наоѓа на 8 километри западно од градот Кукуш (Килкис), на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 121 метри.

Армутчи опфаќа површина од 34 квадратни метри[3].

Историја[уреди | уреди извор]

Во „Етнографија на Адријанопол, Монастир и Салоника“ , издадена во Цариград во 1878 година и статистиката на машкото население од 1873, Армутчи се состоело од 40 семејства и 105 жители муслимани[4]Според статистиката на Васил К’нчов („Македонија. Етнографија и статистика“) во 1900 година Армутчи имало 350 жители Македонци и 20 Роми[5].

По крајот на Балканските војни, селото било вклучено во составот на Грција. На пописот од 1913 година, во селото биле евидентирани 330 жители, додека во 1920 година 467 жители Турци. Според Лозанскиот договор, во селото било населено грчко население од Мала Азија, Источна Тракија и Понд, додека од селото се иселиле муслиманските жители[3]. Во 1926 година, селото било прекрстено во Мегали Вриси.[6]

Демографија[уреди | уреди извор]

Во 1928 година селото било чисто бегалско со 451 жител бегалци.[7], додека во 1940 година селото броело 732 жители. Селото во пописот од 1951 година броело 590 жители, на пописот од 1961 година, во селото живееле 527 жители, во 1971 година имало 474 жители, во 1981 година имало 468 жители, додека во 1991 година имало 497 жители[8]. Денеска, населението на селото е 520 жители според пописот од 2001 година.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 732 590 527 474 468 497 520 /
Извор за 1940-1991 г.: Т. Симовски, Населените места во Егејска Македонија

Наводи[уреди | уреди извор]