Арлбершки тунел

Арлбершкиот тунел (герм. Arlbergtunnel) е тунел долж Арлбершката железница во западниот дел на Австрија, помеѓу покраините Тирол и Предарлска. Има должина од 10,6 километри и минува низ венецот Арлберг на североисточниот крај на Ретските Алпи.

Изградбата траела од 1879 до 1884 г, изведена на „староавстриски начин“^[1]. Отпрвин имал една пруга, но се покажал толку прометен што наредната година е пуштена уште една. Тунелот започнува на 99,5 км, кај железничката станица Св. Антон на Арлберг, а завршува во Ланген на Арлберг.