Прејди на содржината

Антуан Семењо

Од Википедија — слободната енциклопедија
Антуан Семењо
Лични податоци
Полно име Антуан Серлом Семењо[1]
Роден на 7 јануари 2000(2000-01-07) (25 г.)
Роден во Челси, Англија
Држава Англија Англија
Гана Гана (од 2022)
Висина &100000000000001850000001,85 м
Позиција напаѓач
Клупски податоци
Сегашен клуб Борнмут Борнмут
Број 24
Младинска кариера
2017-2018 Бристол Сити Бристол Сити
Кариера*
Години Клуб Наст. (Гол.)
2018-2023 Бристол Сити Бристол Сити 112 (16)
2018 →Бат Сити Бат Сити 14 (3)
2018-2019 →Њупорт Каунти Њупорт Каунти 21 (3)
2020 →Сандерленд Сандерленд 7 (0)
2023- Борнмут Борнмут 60 (14)
Репрезентација
2022- Гана Гана 25 (2)

Антуан Серлом Семењо (роден на 7 јануари 2000 година, во Челси) — гански фудбалер, напаѓач на Борнмут и на репрезентацијата на Гана.

Биографија

[уреди | уреди извор]

Таткото на Семењо, Лери, е поранешен фудбалер, играјќи како играч од средниот ред за Окваву Јунајтед во Премиер лигата на Гана.[2]

Помладиот брат на Антуан Џаи Семењо е исто така професионален фудбалер. Моментално игра за Истли во Националната лига на Англија.[3]

Технички карактеристики

[уреди | уреди извор]

Напаѓач кој може да игра и како лево крило, десно крило или втор напаѓач. Поседува голема брзина, добра техника и шут.

Клупска кариера

[уреди | уреди извор]

Почетоци и рана кариера

[уреди | уреди извор]

Роден во Лондон, Семењо бил на проби во неколку клубови во својата рана кариера вклучувајќи го и Кристал Палас.[4]

Во 2017 година, на 17 годишна возраст, Семењо потпишал за Бристол Сити, откако импресионирал на фудбалската академија на Колеџот Јужен Глостершир и Страуд.[5]

На 19 јануари 2018 година, дванаесет дена по неговиот 18-ти роденден, Бристол Сити го позајмил Семењо на Бат Сити во Националната лига југ, шесттото ниво на англискиот фудбал.[6] Своето деби го направил веќе следниот ден, играјќи во победата со 2-0 на домашен терен над Конкорд Ренџерс. На 2 април 2018, во победата со 5-1 над Глостер Сити, Семењо влегол како замена во првото полувреме и ги постигнал последните два гола за Бат Сити, што биле и неговите први во кариерата. Кон крајот на истиот месец, тој постигнал уште еден гол, во победата со 2-0 во гости над Велинг Јунајтед.[7]

Бристол Сити

[уреди | уреди извор]

По завршувањето на сезоната во Националната лига југ, во која забележал 14 настапи и 3 гола за Бат Сити, Семењо се вратил во Бристол Сити во мај 2018, што му овозможило да дебитира и за својот матичен клуб. Своето деби за Бристол Сити го имал во последното коло од Чемпионшип 2017–2018, второто ниво на англискиот фудбал, влегувајќи како замена во второто полувреме на местото на Лојд Кели во поразот со 3–2 од Шефилд Јунајтед на Ештон Гејт.[8]

На 18 јули 2018 година, Семењо бил позајмен на Њупорт Каунти во Лига Два до крајот на сезоната 2018-2019.[9] Тој го направил своето деби за Њупорт во поразот со 3–0 од Мансфилд Таун на 4 август 2018 година, влегувајќи како замена во второто полувреме.[10] На 14 август 2018 година, тој го постигнал својот прв гол за Њупорт во победата со 4–1 над Кембриџ Јунајтед во Лига купот.[11] На 13 октомври 2018, Семењо постигнал гол во осмата минута од судиското надополнување со кој му донел победа на својот тим од 2-1 над Стивениџ, што бил неговиот прв погодок во Лига Два. Тој постигнал уште два гола и имал уште две асистенции, пред неговата позајмица да биде прекината од Бристол Сити на 28 јануари 2019.[12]

Откако Семењо се вратил во Бристол Сити, веднаш бил приклучен во првиот тим и му бил доделен дресот со број 18. Првиот повик за настап го добил на 9 февруари 2019 за натпреварот од Чемпионшип на гости против Блекбурн Роверс, останувајќи неискористена замена. Сепак, околу месец дена подоцна, на 2 март 2019, тој го имал својот прв настап за сезоната 2018-2019, заменувајќи го Калум О'Дауда во 53-тата минута од првенствениот натпревар на гости против Престон Норт Енд кој завршил нерешено 1-1. На 27 април 2019 година, Семењо го добил својот прв црвен картон во кариерата за старт над Том Хадлстоун во натпреварот против Дарби Каунти,[13] поради што добил суспензија од три натпревари и не можел да учествува во последните два натпревари од сезоната, завршувајќи ја истата со само 4 одиграни натпревари.

Во јуни 2019, тој потпишал нов четиригодишен договор со клубот.[14] Во првата половина од сезоната 2019-2020, тој редовно добива повик за натпреварите на Бристол Сити, но со скромна минутажа: одиграл само 11 натпревари во сите натпреварувања, од кои само во 4 бил стартер и дури во 19 останал на клупата како неискористена замена. Поради оваа причина во последниот ден од јануарскиот трансферен прозорец на 2020 година, Семењо се приклучил на Сандерленд во Лига Еден на шестмесечен договор за заем до крајот на сезоната 2019–2020.[15] Сепак, ниту таму не се наиграл, забележувајќи само 7 настапи (само еднаш од почетокот) за црните мачки без ниту еден постигнат гол.

Во сезоната 2020-2021, под водството најпрво на менаџерот Дин Холден, а потоа и на Најџел Пирсон (кој го заменил отпуштениот Холден), Семењо го направил својот пробив во Бристол Сити, станувајќи стандарден првотимец во текот на сезоната која ја завршил со 44 настапи и два гола во Чемпионшип. На 5 септември 2020, тој го постигнал својот прв гол за Бристол Сити во победата со 2-0 против Ексетер Сити во Лига купот.[16] Својот прв гол во Чемпионшип го постигнал на 27 февруари 2021, гол со кој ја заверил победата на гостувањето кај Свонзи Сити (3-1) во последните секунди од натпреварот. Заедно со куповите, Семењо се појавил во игра во 50 натпревари на Бристол Сити за сезоната и постигнал 5 гола.[17]

На 15 јануари 2022, тој постигнал два гола на еден натпревар - за првпат како играч на Бристол Сити - во поразот со 6-2 на гостувањето кај Фулам. Подоцна, тој бил избран за играч на месецот јануари во Чемпионшип, откако забележал 3 гола и 3 асистенции.[18] Сезоната 2021-2022 ја завршил со 32 настапи и 8 гола, а само Андреас Вајман (22) и Крис Мартин (12) постигнале повеќе голови за клубот во оваа сезона.[19]

Во сезоната 2022-2023, Семењо постигнал 8 гола на 27 натпревари, по што го напуштил Бристол Сити во јануари 2023. Вкупно за клубот одиграл 125 натпревари и постигнал 21 гол.

На 27 јануари 2023 година, Борнмут го купил Семењо за 10 милиони фунти, потпишувајќи четири и пол годишен договор со играчот.[20] Своето деби за клубот, а воедно и во Премиер лигата на Англија, Семењо го направил на 4 февруари 2023, во поразот со 1-0 на гостувањето кај Брајтон енд Хоув Албион. Тој го започнал и го одиграл целиот натпревар на позицијата централен напаѓач.[21] Својот прв првенствен гол го постигнал на 30 април 2023 година во победата со 4–1 на домашен терен над Лидс.[22] Првата сезона со црешите ја завршил со 11 настапи (сите во Премиер лигата) и еден постигнат гол.

Следната сезона Семењо одиграл 36 натпревари и постигнал 8 гола за Борнмут. Својот прв гол за сезоната го постигнал на 19 август 2023, во поразот со 3-1 од Ливерпул на Анфилд. На 13 март 2024, Семењо постигнал два гола во второто полувреме во натпреварот против Лутон Таун инспирирајќи го својот тим да стигне до победа од 4-3 и покрај негативата на полувремето од 0-3 во еден од најнезаборавливите пресврти во историјата на Премиер лигата.[23]

На 8 јули 2024 година, тој потпишал нов договор со клубот до 2029 година.[24] Сезоната 2024-2025, Семењо ја отворил со погодок во првиот натпревар за сезоната, ремито 1-1 на домашен терен против Нотингем Форест. На 31 август 2024, Семењо го постигнал првиот гол за Борнмут во 87-мата минута со кој го започнал пресвртот во последните минути од натпреварот против Евертон, помагајќи им на црешите да дојдат од негатива 2-0 до победа од 2-3. На 30 септември 2024, за време на неговиот 50-ти настап во Премиер лигата, тој постигнал гол во победата со 3-1 над Саутхемптон.[25][26] На 2 ноември 2024, Семењо ја затресол мрежата и на Манчестер Сити во изненадувачката победа над шампионот на Виталити со 2-1.[27] Својот петти гол за сезоната во Премиер лигата, го постигнал во уште една незаборавна победа на црешите со 3-0 над Манчестер Јунајтед на Олд Трафорд.[28]

Репрезентативна кариера

[уреди | уреди извор]

Иако е роден во Англија, Семењо има потекло од Гана, што го направило подобен да настапува и за оваа африканска земја.[29]

Во 2022 година, тој прифатил да ја престатвува Гана на репрезентативно ниво, правејќи го своето деби на 1 јуни во победата со 3-0 над Мадагаскар во квалификациите за Африканскиот куп на нации 2023.[30] Во својот четврти настап за репрезентацијата, Семењо го постигнал првиот гол, во победата со 2-0 над Швајцарија во пријателски натпревар одигран во Абу Даби на 17 ноември 2022.

Семењо бил вклучен во составот на Гана од 26 играчи за Светското првенство 2022 во Катар.[31] Своето деби на турнирот го имал на 24 ноември во поразот со 3-2 од Португалија во првиот натпревар од групната фаза, заменувајќи Салис Абдул Самед во судиското надполонување. Тој, играл и во последниот натпревар од групата против Уругвај, повторно влегувајќи од клупата, кој завршил со пораз на Гана од 2-0 што значел и крај на турнирот за нив.

Тој настапил и на Африканскиот куп на нации 2023, каде играл во сите три натпревари на Гана од групата, која не успеале да ја минат.

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Гана
Дата Град Домашни Резултат Гости Натпреварување Голови Инфо Детали
1-6-2022Кејп КоустГана Гана3 – 0Мадагаскар МадагаскарКвал. за АФКОН 2023-влегол во игра 76'
23-9-2022Ле АврБразил Бразил3 – 0Гана ГанаПријателска-влегол во игра 72'
27-9-2022ЛоркаНикарагва Никарагва0 – 1Гана ГанаПријателска-влегол во игра 86'
17-11-2022Абу ДабиГана Гана2 – 0Швајцарија ШвајцаријаПријателска1влегол во игра 68'
24-11-2022ДохаПортугалија Португалија3 – 2Гана ГанаСП 2022 - Прва фаза-влегол во игра 89'
2-12-2022Ал ВакраГана Гана0 – 2Уругвај УругвајСП 2022 - Прва фаза-влегол во игра 72'
23-3-2023КумасиГана Гана1 – 0Ангола АнголаКвал. за АФКОН 20231влегол во игра 69'
27-3-2023ЛуандаАнгола Ангола1 – 1Гана ГанаКвал. за АФКОН 2023-заменет 60'
7-9-2023КумасиГана Гана2 – 1Централноафриканска Реп. Централноафриканска Реп.Квал. за АФКОН 2023-влегол во игра 69'
12-9-2023АкраГана Гана3 – 1Либерија ЛиберијаПријателска-заменет 75'
14-10-2023ШарлотМексико Мексико2 – 0Гана ГанаПријателска-заменет 64'
17-10-2023НешвилСАД САД4 – 0Гана ГанаПријателска-влегол во игра 75'
17-11-2023КумасиГана Гана1 – 0Мадагаскар МадагаскарКвал. за СП 2026-заменет 73'
21-11-2023ИкониКомори Комори1 – 0Гана ГанаКвал. за СП 2026-заменет 65'
14-1-2024АбиџанГана Гана1 – 2Зелен ’Рт Зелен ’РтАФКОН 2023 - Прва фаза-заменет 62'
18-1-2024АбиџанЕгипет Египет2 – 2Гана ГанаАФКОН 2023 - Прва фаза-
22-1-2024АбиџанМозамбик Мозамбик2 – 2Гана ГанаАФКОН 2023 - Прва фаза-заменет 72'
22-3-2024МаракешГана Гана1 – 2Нигерија НигеријаПријателска-
26-3-2024МаракешУганда Уганда2 – 2Гана ГанаПријателска-
6-6-2024БамакоМали Мали1 – 2Гана ГанаКвал. за СП 2026-заменет 79'
10-6-2024КумасиГана Гана4 – 3Централноафриканска Реп. Централноафриканска Реп.Квал. за СП 2026-влегол во игра 64'
5-9-2024КумасиГана Гана0 – 1Ангола АнголаКвал. за АФКОН 2025-
9-9-2024БерканеНигер Нигер1 – 1Гана ГанаКвал. за АФКОН 2025-
10-10-2024АкраГана Гана0 – 0Судан СуданКвал. за АФКОН 2025-
15-10-2024БенгазиСудан Судан2 – 0Гана ГанаКвал. за АФКОН 2025-добил жолт картон во 24-тата минута 24' заменет 57'
Вкупно Настапи 25 Голови 2

Статистика

[уреди | уреди извор]

Клупска статистика

[уреди | уреди извор]

Статистиката е ажурирана на 28 декември 2024.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2017-2018 Англија Бат Сити НЛЈ143 ФАКуп00 ---ТФА00 143
мај. 2018 Англија Бристол Сити ФЛЧ10 ФАКуп+ЛК00 ------10
2018-јан. 2019 Англија Њупорт Каунти ФЛ2213 ФАКуп+ЛК5+20+1 ---ТФЛ42 326
јан.-јун. 2019 Англија Бристол Сити ФЛЧ40 ФАКуп+ЛК00 ------40
2019-2020 ФЛЧ90 ФАКуп+ЛК1+10 ------110
2019-2020 Англија Сандерленд ФЛ170 ФАКуп+ЛК00 ---ТФЛ00 70
2020-2021 Англија Бристол Сити ФЛЧ442 ФАКуп+ЛК3+31+2 ------505
2021-2022 ФЛЧ318 ФАКуп+ЛК1+00+0 ------328
2022-јан. 2023 ФЛЧ236 ФАКуп+ЛК2+21+1 ------278
Вкупно Бристол Сити11216135----12521
јан.-јун. 2023 Англија Борнмут ПЛ111 ФАКуп+ЛК0+00+0 ------111
2023-2024 ПЛ338 ФАКуп+ЛК1+20+0 ------368
Вкупно Борнмут44930----479
Вкупно во кариерата19831236--4222539

Репрезентативна статистика

[уреди | уреди извор]
Обновено на 15 октомври 2024
РепрезентацијаГодинаНастапиГолови
Гана Гана 202261
202381
2024110
Вкупно252
  1. ↑ „2024/25 Premier League squad lists“. Premier League. 13 септември 2024. Посетено на 14 септември 2024.
  2. ↑ „PHOTOS: Antoine Semenyo models in Ghana kit to mark debut Black Stars call-up“. Footy Ghana. 26 May 2022. Архивирано од изворникот на 2022-11-24. Посетено на 24 November 2022.
  3. ↑ „Pride, Ghana, Jai and the rise of a Bristol City star: Interview with Antoine Semenyo's father“. bristolworld.com.
  4. ↑ „Antoine Semenyo: Bournemouth and Ghana forward motivated by trial rejections“. BBC Sport. 4 November 2024.
  5. ↑ „City sign SGS student Antoine Semenyo“. South Gloucestershire and Stroud College. Посетено на 24 November 2022.
  6. ↑ „Semenyo goes pro and heads to Bath - Bristol City FC“. Britol City FC. 19 јануари 2018. Посетено на 23 декември 2024.
  7. ↑ „Loan Watch: Semenyo on target for Bath City“. Bristol City FC. 25 април 2024. Посетено на 23 декември 2024.
  8. ↑ „Bristol City 2–3 Sheffield United“. BBC Football. 6 May 2018. Посетено на 10 May 2018.
  9. ↑ „Newport County sign Semenyo on loan from Bristol City“. BBC Sport. 18 July 2018. Посетено на 18 July 2018.
  10. ↑ „Mansfield Town 3–0 Newport County“. BBC Sport. 4 August 2018. Посетено на 4 August 2018.
  11. ↑ „Carabao Cup: Amond double helps Newport hammer Cambridge 4–1“. BBC Sport. 14 August 2018.
  12. ↑ „Bristol City recall Antoine Semenyo from Newport County loan“. BBC Sport. 28 January 2019. Посетено на 28 January 2019.
  13. ↑ „Bristol City 0–2 Derby County: Lawrence and Bogle boost Rams' play-off hopes“. BBC Sport. 27 April 2019.
  14. ↑ „Antoine Semenyo: Bristol City forward signs new four-year deal“. BBC Sport. 25 June 2019.
  15. ↑ Smith, Phil (31 January 2020). „Phil Parkinson and Antoine Semenyo react as youngster joins Sunderland and goes straight into squad for Portsmouth clash“. Sunderland Echo. Посетено на 1 February 2020.
  16. ↑ „Bristol City 2–0 Exeter“. BBC. 5 September 2020. Посетено на 5 September 2020.
  17. ↑ Holmes, Ned (22 July 2021). „What is the current situation with Antoine Semenyo at Bristol City? We take a look“. footballleagueworld.co.uk. Посетено на 9 October 2021.
  18. ↑ „🏆 Viva Semenyo – Player of the Month“. 11 February 2022.
  19. ↑ „Championship: 25 under 25“. Sky Sports.
  20. ↑ „Antoine Semenyo: Bournemouth sign Ghana forward from Bristol City“. BBC Sport. 27 January 2023.
  21. ↑ „Brighton 1-0 Bournemouth: Kaoru Mitoma heads late winner to send Brighton sixth“. skysports. 4 февруари 2023. Посетено на 24 декември 2024.
  22. ↑ Fisher, Ben (2023-04-30). „Leeds woes deepen as Jefferson Lerma takes Bournemouth away from danger“. The Guardian (англиски). ISSN 0261-3077. Посетено на 2023-04-30.
  23. ↑ „Меч за долго паметење: Борнмут губеше со 0-3 на полувреме и на крајот – победи (ВИДЕО)“. sport1.mk. 13 март 2024. Посетено на 24 декември 2024.
  24. ↑ „Semenyo sings new contract“. AFC Bournemouth. 8 July 2024.
  25. ↑ „Antoine Semenyo makes 50 EPL appearances for Bournemouth“. zedmultimedia.com. 3 октомври 2024. Посетено на 24 декември 2024.
  26. ↑ „Bournemouth 3-1 Southampton: Semenyo stars“. BBC. 30 септември 2024. Посетено на 24 декември 2024.
  27. ↑ „Bournemouth seal historic win against Man City“. BBC. 2 ноември 2024. Посетено на 24 декември 2024.
  28. ↑ „Soccer: Bournemouth climb to fifth with 3-0 rout at Man United“. 22 декември 2024. Посетено на 24 декември 2024.
  29. ↑ „Performance of Ghanaian Players Abroad: Yartey sparkles, Ache strikes as Antwi hits brace as 20 players score 23 goals abroad – Ghana Sports Online“. 12 August 2019. Архивирано од изворникот на 16 October 2022. Посетено на 7 May 2020.
  30. ↑ „Ghana vs. Madagascar – 1 June 2022 – Soccerway“.
  31. ↑ „World Cup 2022: Jojo Wollacott ruled out of Ghana squad after finger injury“. BBC Sport.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Антуан_Семењо&oldid=5322811“