Антре

Од Википедија — слободната енциклопедија
Прејди на прегледникот Прејди на пребарувањето
Антре
Наречен и: île d'Entrée
Ile d'entrée.JPG
Iles de la Madeleine.png
Географија
МестоположбаЗалив Сент Лоренс (Атлански Океан)
АрипелагОстрови Мадлен
Највисоко издигнување174 m
Управување
ПровинцијаКвебек
РегионГаспези–Острови Мадлен
Најголема ОпштинаОпштина Антикости
Демографија
Население70 (2017)
Јазицианглиски и француски
Дополнителни податоци
Часовен појас


Островот Антре (француски: île d'Entrée, со значење „Остров на влезот“) е единствениот населен остров на архипелагот на Мадленските Острови во Квебек кој не е поврзан со копнен пат со остатокот од архипелагот. Неговото име произлегува од неговата географска положба во однос на другите острови поради тоа што се наоѓа на влезот на Заливот Плезанс.

Антре е една од трите англофонски заедници на Мадленските Острови, а другите две се Грос-Ил и Стариот Хари.

Географија[уреди | уреди извор]

Ридови на островот покриени со снег

Површината на островот изнесува помалку од 3 километри во дијаметар. Најблиското копно, дината Бу ди Бан, со која завршува островот Авр Обер се наоѓа на околу 5 километри. Наспроти североисточниот врв на островот, на оддалеченост од неколку метри, карпата Корморандиер е дом на разновидни птици.

Работ на островот сочинува карпи со разни бои и форми. Во центарот има една мала пошумена област. Крави и коњи пасат слободно во преријата околу која има ридови. Единствен предатор тука е црвената лисица.

Неговите големи црвени карпи, видливи од централните острови, се дом на голем број гнезда за птици.

Биг Хил[уреди | уреди извор]

Преријата видена од ридот Биг Хил, највисока точка на архипелагот на Мадленските Острови

Највисоката точка на островот Антре, Биг Хил (170 метри) е и највисокиот врв на архипелагот. Тоа е рид со тркалезен рељеф, кој се издига во центарот на преријата.

Демографија[уреди | уреди извор]

Во моментов островот живеат околу 70 жители (според пописот во 2017, околу 95 во 1995 година) кои се главно од англофонско потекло, од шкотско и ирско потекло како и неколкумина франкофони.

Економија[уреди | уреди извор]

Локалната економија е базирана на риболов и мнозинство од жителите на островот своите приходи ги имаат првенствено од ловење морски видови, вклучително и јастог.

Транспорт[уреди | уреди извор]

Од април до декември, островот Антре е поврзан со Кап о Мел со траект на Транспортното претпријатие на Квебек кое врши по две тури на ден. Од 2008 година, нов брод, поголем (за 45 патници) и помодерен од стариот го обезбедува преминот заедно со други одредени услуги на населението: транспорт на тешки машини, транспорт наморска вода за борба против пожари, мразокршачи, услуги за хендикепираните и лицата со намалена подвижност. Во зима, островот е поврзан со остатокот од архипелагот со мал авион.

Услуги[уреди | уреди извор]

Зградата на термичката станица на островот Антре

Островот има две продавници, ресторан, црква, основно училиште и поштата. Туристичка ложа е отворена во текот на летото[1]. Генератори со моќност од 1200 киловати се управувани од Дистрибуција Хидро-Квебек ги снабдуваат жителите со електрична енергија.

Историја[уреди | уреди извор]

Личности[уреди | уреди извор]

  • Ајван Квин, поранешен кмет на селото, кантри музичар и пејач е најпозната личност на островот. Патеката што води кон Биг Хил е именуван во негова чест. Новиот траект исто така бил именуван во негова чест, Ivan Quinn. Музеј во негово име бил отворен на островот.

Поврзано[уреди | уреди извор]

Наводи[уреди | уреди извор]

  1. „Portail officiel des Îles de la Madeleine“. Portail officiel des Îles de la Madeleine (fr-FR). конс. 2018-12-29.