Антитромбин III

Од Википедија — слободната енциклопедија
Антитромбин

Антитромбин III (AT III) или антитромбин (AT) — белковина и ензим од суперфамилијата на серпини. Антитромбин III еден од најважните природни инхибитори на згрутчувањето на крвта.

Дејство[уреди | уреди извор]

Антитромбин ги инхибира серинските протеази на плазматската коагулација, главно тромбин и фактор Xа, но и факторите IXa, XIa и XIIa, и ја активира синтезата на t-PA (плазминоген активатор од типот ткиво) на ендотелните клетки.

Хепаринот го зголемува афинитетот на антитромбин кон факторите на коагулација за околу 1000 пати. Недостатокот на антитромбин III [1] може да резултира со неефективност на хепаринот или потреба од поголема количина на хепарин во услови на администрација на хапарин.[2] По операцијата, антитромбинот редовно опаѓа,[3] и не е најсоодветен за докажување на потрошувачка коагулопатија.

Терапевтска употреба[уреди | уреди извор]

За супституција при недостаток на антитромбин, АТ III се аплицира и интравенски и постепено. AT III се со изолирање од крвта на дарители (антитромбин од човечка плазма, hpAT) или се изолира од млекото на генетски модифицирани цицачи (рекомбинантен хуман антитромбин, rhAT).

Антитромбин од човечка плазма[уреди | уреди извор]

Дозата од 1 IU/kg ги зголемува нивоата на AT III за околу 1-1,5 % (заштитни имиња на концентрати на антитромбин III: Anbinex, Kybernin, Atenativ).

Рекомбинантен човечки антитромбин[уреди | уреди извор]

Млекото од генетски модифицираните кози од фармите на американската компанија GTC Biotherapeutics содржи рекомбинантен хуман антитромбин, меѓународно познат како антитромбин алфа, во концентрации до 10 g на литар млеко.[4] Под трговското име ATryn, тој беше одобрен за европскиот [5] пазар во јули 2006 година и за американскиот пазар [6] во февруари 2009 година за спречување на венски тромбоемболизам при хируршки интервенции кај пациенти со наследен дефицит на антитромбин. Се прават напори да се прошири индикацијата за пациенти кај кои таквиот недостаток не е наследен.[7] Антитромбин алфа е првиот лек кој се произведува со помош на генетски модифицирани животни.[7] GTC Biotherapeutics избра кози за процесот бидејќи тие се размножуваат побрзо од говедата и произведуваат повеќе белковини од зајаците или глувците [8] и наведува дека една генетски модифицирана коза може да произведе иста количина на антитромбин годишно колку 90.000 дарувања на крв. Генетската манипулација се врши со микроинјектирање на човечки антитромбински гени во клеточното јадро на ембрионот на коза.

Одлики[уреди | уреди извор]

Слободниот тромбин (II) и фактор X брзо се деактивирани во крвотокот од страна на антикоагулантната белковина антитромбин (AT), поради што се редуцира формирањето на фибрин (I). Ефектот на Анитромбин III се засилува за илјада пати во присуство хепаринот од сопственото тело (H).

Антитромбин е гликобелковина чија белковинска компонента се состои од 432 аминокиселини и е идентична со антитромбинот добиен од човечка плазма (hpAT) и рекомбинантниот антитромбин (rhAT). Разлики постојат гликозилацијата, т.е. начинот и бројот на јаглехидратни молекули кои се прикачуваат за антитромбинот. Ова резултира со значително поголем сврзувачки афинитет за хепарин, кој е околу четири пати посилен за rhAT in vitro од афинитетот за hpAT.[9]

Инхибиторната активност за тромбин е приближно иста за rhAT и hpAT. Инхибиторната активност се заснова на формирање на комплекс помеѓу антитромбин и тромбинот. Формирањето на комплексите се одвива бавно, а нивната деградација се одвива во ретикулоендотелниот систем.[9] Хепаринот го забрзува формирањето на комплексот антитромбин-коагулациски ензим за фактор од околу 1000. Концентрацијата на антитромбин во човечката плазма е нормално 12,5–15 mg/dl. Антитромбинската активност на 1 ml нормална човечка плазма е дефинирана како 1 меѓународна единица (IU) на милилитар што одговара на 100%.

Литература[уреди | уреди извор]

  • Soler E, Thépot D, Rival-Gervier S, Jolivet G, Houdebine LM (2006). „Preparation of recombinant proteins in milk to improve human and animal health“. Reprod. Nutr. Dev. 46 (5): 579–88. doi:10.1051/rnd:2006029. PMID 17107647.CS1-одржување: повеќе имиња: список на автори (link)
  • Sabine Panzer-Heinig (2009-08-18). Das Antithrombin (III) – Referenzwerterstellung für das Kindesalter.

Наводи[уреди | уреди извор]

  1. ↑ Vgl. E. Thaler: Pathogenese und klinische Bedeutung des erworbenen Antithrombin III Mangels in der Inneren Medizin. In: Wiener klinische Wochenschrift. Band 93, 1981, S. 563–572.
  2. ↑ Vgl. auch W. Dietrich und andere: Antithrombin III Substitution zur Optimierung der Heparinwirkung während extrakorporaler Zirkulation in der Herzchirurgie. In: Der Anaesthesist. Band 33, 1984, S. 422–428.
  3. ↑ Abhängig auch von Art und Dauer des Eingriffs und dem Patientenzustand. Vgl. etwa H. Gombotz, H. Metzler, K. Hiotakis, P. Rehak: Antithrombin-III-Verhalten bei offenen Herzoperationen im Säuglings- und Kleinkindalter. In: Anästhesie Intensivtherapie Notfallmedizin. Band 21, Nr. 1, 1986, S. 9–12.
  4. ↑ Medikamente von Ziegen, Kühen und Hühnern. heise.de, 23. Juni 2008.
  5. ↑ ATryn: Öffentlicher Beurteilungsbericht und Produktinformation. Архивирано на 31 јули 2017 г. Europäische Arzneimittelagentur, 21. August 2009.
  6. ↑ Heavey, Susan (6. Februar 2009). „U.S. approves first drug from DNA-altered animals“. Reuters. Посетено на 7. Februar 2009. Проверете ги датумските вредности во: |access-date=, |date= (help)
  7. ↑ 7,0 7,1 Larkin, Catherine (6. Februar 2009). „GTC Drug Is First From Genetically Engineered Animals“. Bloomberg. Посетено на 7. Februar 2009. Проверете ги датумските вредности во: |access-date=, |date= (help)
  8. ↑ Stix, Gary (15. Januar 2009). „The Land of Milk and Money“. Scientific American. Посетено на 11. Februar 2009. Не се допушта закосување или задебелување во: |publisher= (help); Проверете ги датумските вредности во: |access-date=, |date= (help)
  9. ↑ 9,0 9,1 Scientific Discussion Архивирано на 14 јуни 2018 г. (PDF; 779 kB) Europäische Arzneimittelagentur, abgerufen 8. April 2010.
Преземено од „https://mk.wikipedia.org/w/index.php?title=Антитромбин_III&oldid=5147726“