Анијан Александриски
| Анијан Александриски | |
|---|---|
| Патријарх на Александрија | |
 | |
| Црква | Александриска црква |
| Ракоположен | 68 |
| Службата завршила | 82 |
| Претходник | Апостол Марко |
| Наследник | Авил |
| Лични податоци | |
| Занимање | Патријарх на Александрија |
Анијан Александриски бил Патријарх на Александрија во периодот од 68 до 82 година. Тој е признаен како папа на некогашната единствена Александриска црква, односно од страна на денешната Коптска православна црква и Грчка православна црква на Александија.
Според христијанската традиција, кога Апостол Марко стапнал од коработ на копното на Александрија, обувката на едната нога му се расцепила. Тогаш видел еден чевлар и му ја дал на поправка. Шиејќи чевларот си ја прободел со шилото левата рака и започнало да му тече крв, а тој јачел од болка. Тогаш апостол Марко замесил прав со својата плунка и ја намачкал ранетата рака на чевларот, која со ова веднаш станала здрава. Чевларот се восхитил од ова чудо и го поканил Марко во својот дом. Кога ја слушнал проповедта на апостолот, Анијан, се крстил тој и сиот негов дом. Свети Анијан покажувал толкаво благочестие и ревност за Божјото дело, што Св. Марко го определил за епископ.[1]