Андреј Жерновски

Од Википедија — слободната енциклопедија
Прејди на прегледникот Прејди на пребарувањето
Андреј Жерновски
Andrejzernovski.JPG
Градоначалник на Општина Центар
На должноста
2013–2017
Претходник Владимир Тодоровиќ
Наследник Саша Богдановиќ
Лични податоци
Роден(а) 26 ноември 1968
Скопје
Националност Македонец
Партија ЛДП
СДСМ (2017-денес)
Сопружник Олгица Жерновска
Установа Универзитет „Св. Кирил и Методиј“
Професија Градежен инженер
Вероисповед Православен

Андреј Жерновски (роден на 26 ноември 1968 во Скопје) — македонски политичар и градоначалник на Општина Центар во периодот од 2013 до 2017 година.[1] Тој исто така ја извршувал и претседателската функција во неговата поранешна партија ЛДП, а пред тоа бил нејзин потпретседател.[2] Во септември 2017 преминал во СДСМ.[3]

Првото негово политичко искуство било како советник во Советот на Град Скопје (1996-2000). Следните две години бил советник на тогашниот градоначалник на Град Скопје, Ристо Пенов. Жерновски потоа бил пратеник во Собранието на Република Македонија во три мандати (2002-2006, 2006-2008, 2008-2011). По професија е дипломиран градежен инженер, а живее во Скопје. Оженет е и е татко на две деца.

Беше кандидат за градоначалник од опозицискиот „Сојуз за иднината“ на локалните избори 2013, каде бил прогласен за победник во Центар по четири изборни круга.[4] За противкандидат го имал Владимир Тодоровиќ, кој се тркал за втор градоначалнички мандат, а по прегласувањето Жерновски остварил победа со околу 3 илјади гласови разлика. Неговите симпатизери победата ја прославуваат со игра и со песна носејќи го на рамена до бараките на општината истата вечер.[5][6]

По преземањето на новата функција, Жерновски најавил ревизија на проектот „Скопје 2014“ со цел да се истражат финансиските детаљи и склучени договори на општината.[7]

Неговиот избор за градоначалник, по неколку повторувања на гласањето, не беше дочекан само како обична победа на градоначалник на локални избори. Не направи ревизија на проектот „Скопје 2014.“ Според неделникот Фокус до крајот на градоначалничкиот мандат тој станува близок со тогашната власт.[8]

Пред крајот на неговиот мандат како градоначалник партиите од коалицијата која го поддржуваше му замерува дека „нему поважно му е да реализира проекти, отколку да произведува политики.“[9]

Пред крајот на 2017 тој преминува во СДСМ[10] во надеж дека од оваа партија ќе биде кандидиран за градоначалник.[11] Истовремено Либерално-демократската партија го исклучува од нејзините редови.[11] Како член на СДСМ тој веднаш станува член и на Централниот одбор на партијата.[11][8] Оваa одлука предизвикува негативни реакции кај некои членови на СДСМ.[12] При правата реконструкција на Владата на Заев тој станува заменик министер за надворешни работи.[13]

Занимливости[уреди | уреди извор]

Во текот на локалните избори во 2013 година кога неколку пати се прегласуваше во општина Центар некогашниот портал Кирилица (kirilica.com.mk) објави дезинформации во кој тврдеше дека Жерновски прегазил човек.[14]

Наводи[уреди | уреди извор]

  1. „Андреј Жерновски го освои Центар“ (Македонски). МКД.mk. 23 април 2013 - 22:09. конс. 2013-04-23. 
  2. „Андреј Жерновски“ (Македонски). Мојот Избор.мк. конс. 2013-04-23. 
  3. ЛДП ќе настапи заедно со СДСМ на локалните избори, Макфакс, 14.09.2017
  4. „Жерновски победи во Центар, ВМРО-ДПМНЕ го призна поразот“ (Македонски). Радио Слободна Европа. вторник, април 23, 2013 Скопје 22:13. конс. 2013-04-23. 
  5. „Сојузот за иднината прослави со зурли и тапани“ (Македонски). А1он. 22-04-2013 12:29:54. конс. 2018-10-25. 
  6. „ДИК: Жерновски победник во Центар“ (Македонски). НОВА. 08-04-2013 12:29:54. конс. 2013-04-23. 
  7. „Жерновски објавува почеток на ревизијата на „Скопје 2014““ (Македонски). НОВА. 18-05-2013. конс. 21 мај 2013. 
  8. 8,0 8,1 {{цитирана мрежна страница|url=https://fokus.mk/arhiva-kako-zhernovski-potroshi-nad-milion-evra-za-hortikulturno-ureduvane-preku-tenderi-so-eden-ponuduvach/ |title=„АРХИВА Како Жерновски потроши над милион евра за хортикултурно уредување преку тендери со еден понудувач?“|date=24-05-2018|publisher=Фокус|language=Македонски|accessdate=25 октомври 2018}
  9. „„Што го поврзува Жерновски со Црвенковски и Мијалков?““ (Македонски). Фокус. 22-06-2018. конс. 25 октомври 2018. 
  10. „„Жерновски исклучен од ЛДП““ (Македонски). NOVATV. 14-09-2017. конс. 25 октомври 2018. 
  11. 11,0 11,1 11,2 „„Жерновски и Саздовски влегуваат во органите на СДСМ““ (Македонски). Фокус. 25-03-2018. конс. 25 октомври 2018. 
  12. 12,0 12,1 „„Очајнички потег на Заев: Членови и аналитичари вака го коментираат внесувањето на Саздовски и Жерновски во раководството на СДСМ““ (Македонски). Курир.мк. 26-03-2018. конс. 25 октомври 2018. 
  13. „„Денеска ќе се бираат новите министри: Ова се предлозите на Заев ““ (Македонски). Курир.мк. 01-06-2018. конс. 25 октомври 2018. 
  14. 14,0 14,1 Ексклузивно: Жерновски прегазил полицаец. https://a1on.mk/archives/131158

Надворешни врски[уреди | уреди извор]