Андон Шурков

Од Википедија — слободната енциклопедија
Прејди на прегледникот Прејди на пребарувањето
Андон Шурков
Роден Андон Шурков
1900
Велес, Отоманско Царство
Починал 1938
СССР СССР
Националност Македонец
Познат комунистички деец

Андон Шурков-Орлов (Велес, 19001938) — македонски работник и комунист, жртва на Сталиновите чистки.[1]

Животопис[уреди | уреди извор]

Се вклучува во комунистичкото движење во Велес. Во 1925 година растура леток испечатен од велешките комунисти во врска со убиството на Петар Чаулев. Полицијата дознава за тоа и Шурков, заедно со уште двајца свои сопартијци, бега преку грчката граница со план од Солун по морски пат да стигнат во СССР. Шурков е уапсен од грчката полиција и е затворен на некој грчки остров три месеци. Кога еден советски товарен брод доаѓа на тој остров, Шурков успева да се качи на него и да замине за СССР.

Во СССР доаѓа во втората половина на 1927 година. Го завршува Универзитетот за националните малцинства на Западот, по што е испратен како инструктор во Одеса и работи како функционер во синдикатот на пристанишните работници.

Осуден е на 16 ноември 1937 година, по што најверојатно е и стрелан.[2]

Посмртно е рехабилитиран со одлука на Воениот трибунал на Воениот суд во Одеса.

Наводи[уреди | уреди извор]

Литература[уреди | уреди извор]

  • Tодор Зографски и Димче Зографски „КПЈ и ВМРО (Обединета) во Вардарска Македонија во периодот 1920-1930”, ИНИ, Скопје, 1974, 122-123 стр.