Ана Окса

Од Википедија — слободната енциклопедија
Прејди на прегледникот Прејди на пребарувањето
Ана Окса
Биографски податоци
Родено имеАна Хоџа
Роден(а)април 28 1961 (1961-04-28) (60 г.)
Бари, Италија
Жанровипоп рок
Занимањапејачка
Период на активност1978–денес
ИздавачиRCA, CBS, Columbia, Sony Music, EMI

Илиријана Хоџа (Бари, Италија, 28 април 1961 година), позната под псевдонимот Ана Окса, италијанска пејачка од албанска националност.[1]

Двапати победила на музичкиот фестивал во Санремо: во 1999 година со песната „Без благодатта“ и во 1989 година со песната „Ќе те оставам“ во дует со Фаусто Леалијем. Со него во истата година учествувала на натпреварот за песна на Евровизија, со песната „Сакал/сакала“. Тие го освоиле деветтото место.

Во 1994 година била водителка на фестивалот во Санремо заедно со Пипа Бауда. На овој фестивал има настапувано како пејач вкупно 13 пати.

Во 1988 и 1989 година го водела популарното италијанско ТВ шоу „Фантастико“.

Станала позната како камелеон на италијанската естрадна сцена. Таа е пејачка со извонреден глас и провокативен феномен.

Кариера[уреди | уреди извор]

Како пејачка се појавила на 17 години. Во 1978 година за првпат зела учество на фестивалот во Санремо со песната „Малку емоции“ и го освоила второто место. Првпат го променила својот дотогашен имиџ во Санремо 1985 година со песната „Таа“, кога се појавила во проѕирен костим на „жена мачка“, и го освоила третото место. Дека со квалитетниот вокал мора да следи и препознатлив имиџ покажала и следната година на истиот фестивал кога ја изведувала песната „Сето тоа е момент“ шокирајќи ги гледачите со прекраткиот кожен фустан.

Песната „Жена со тебе“ многумина обожаватели ја сметаат за нејзиниот најголем хит во кариерата.

По две години пауза поради раѓањето на првото дете, Ана се вратила со албумот „На овој живот“, а потоа и со два албуми „Текстописци“ каде има преработка на песни од познатиот италијански текстописец Грегорија и со тоа уште еднаш го потврдила своето место меѓу најголемите италијански вокали.

Во 1996 година излегол албумот „Ана не си замина“, а две години подоцна го освоила второто место на фестивалот во Санремо со песната „Приказни“.

Албумот „Имам сон“ е необична комбинација на етнички мотиви и духовни пораки на тој начин јасно се дистанцира од поп музиката.

Во 2006 година нејзината натпреварувачка песна „Постапка за себе“ не влегла во финалето во Санремо, со оправдување дека трае подолго од предвидената фестивалска минутажа. Истата песна се наоѓала во новиот албум „Музиката е бесплатна ако не сте живееле“, кој иако е малку театрален и склон на експерименти, имал позитивни критики.

Изведби од страна на Ана Окса на Санремо[уреди | уреди извор]

  • 1978 Малку емоции - продадени преку 750.000 примероци
  • 1982 Не јас
  • 1984 Не оди
  • 1985 година Таа
  • 1986 Сето тоа е момент - година дена на италијанската топ листа
  • 1988 Кога ќе се роди љубовта
  • 1989 Ќе те оставам
  • 1990 Жена со тебе
  • 1997 Приказни
  • 1999 Без милост - продадени околу 100.000 примероци за 7 дена
  • 2001 Вечното движење
  • 2006 Постапка за себе

Наводи[уреди | уреди извор]

  1. „Madre Teresa, Anna Oxa e John Belushi: i piu' famosi dal Paese delle Aquile“. Corriere della Sera. Посетено на 11 October 2012.

Надворешни врски[уреди | уреди извор]