Ана Јовковска

Од Википедија — слободната енциклопедија
Прејди на прегледникот Прејди на пребарувањето

Ана Јовковска (Скопје, 19 март 1982) е новинарка, водителка, продуцентка, активистка, хуманистка и креаторка на тв прoeктот “Пулс”.

Биографија[уреди | уреди извор]

Новинарство[уреди | уреди извор]

Нејзините почетоци како тв лице се од 1994 година и низ дваесет (20) години континуирана работа пред камерите во различни телевизиски проекти, направила преку 1000 интервјуа со личности од различни професии од јавниот живот. Во нејзината авторска тв емисија “Пулс”, која се емитува од 2007 година, го промислува и анализира духот на времето и ги артикулира критичките ставови и мислечките луѓе во општеството. Со “Пулс” Јовковска ги внесе важните културолошки, филозофски и политички теми во најгледаните (prime-time) термини на телевизија. Низ поинаква тв естетика и специфичен режисерски потпис, го крши класичниот новинарски израз и нуди подлабока тв поетика. Неколку пати е наградувана за најдобар тв проект во Македонија.

Авторка е на повеќе текстови од областа на медиумите, културните идентитети, креативните индустрии, родовите студии, филмот и друго, а како магистрант по комуникации, учествувала и во неколку научни истражувања од областа на комуникологијата и културните студии.

Активизам[уреди | уреди извор]

Во полето на активизмот е иницијаторка и учесничка во различни граѓански иницијативи, социјални движења и протести за човекови права, екологија, анти-национализам, социјална правда, права на маргинализирани групи, права на животните и др. Организирала и поддржала голем број хуманитарни настани. Учествувала на различни фестивали и многу пати била панелистка и модераторка на трибини и јавни собири.

Во 2013 година со група од 15 ентузијасти/ки го отвораат првиот Автономен културен социјален центар во Скопје - АКСЦ, како слободна зона за независна уметност и активизам, каде волонтерски промислува и организира различни настани од областа на уметноста и општествениот живот и се обидува да спроведе алтернативни начини и модели на дејствување за покреативно и похумано општество.

ТВ проекти[уреди | уреди извор]

  • 2007 - 2013 - “Пулс” - ТВ Алфа
  • 2005 до 2007 - Уредничка на утринска програма “Журнал” - ТВ Сител.
  • 2003 - 2005 - “Без алиби - ТВ Сител
  • 2001-2003 - “Фикс-идеја” - ТВ Сител
  • 2000- 2001 - “Итар Пејо” - Македонска Радио Телевизија
  • 1994 - 1999 - “Пулси-квиз/Пулсирање ” - Македонската Радио Телевизија