Аминта III
| Аминта III | |
|---|---|
 Сребрен статер на Аминта III | |
| Претходник | Архелај I |
| Наследник | Александар II Филип II |
| Сопружник | Евридика I |
| Деца | Филип II Александар II |
| Родители | Аридеј |
| Роднини | Александар III Македонски |
Аминта III — крал на Македонија од 393/392 г.п.н.е. до 370/369 п.н.е. Бил син на Аридеј татко на Филип II, односно дедо на Александар III Македонски.[1]
Аминта дошол на престолот по десет години проблеми со наследството по убиството на Архелај I. Но тој имал многу непријатели во самата Македонија; во 393 п.н.е. бил истеран од страна на Аргеј II и Илирците, но следната година си го повратил кралството со помош на Тесалија.
По заземањето на власта успеал да ги совлада внатрешните тешкотии, настанати како последица од претходните судири околу престолот и да и обезбеди внатрешна стабилност на македонската држава. Потоа се свртел против неприајтелите што ја загрозувале Македонија однадвор.[1][2]
Склучил договор со Спарта, кои му помагале да го ликвидира Сојузот на халкидиските градови на чело со Олинт (379 п.н.е.). Аминта III успеал да ги неутрализира и нападите на Илирите, што ја загрозувале македонската држава од запад. Со постојани борби успеал да ги одбрани македонските територии од нападите на надворешните непријатели, да го рашири македонското влијание и да ја афирмира македонската држава како централен балкански фактор.[1][2] Исто така, влегол во сојуз со Јасон Ферски и предано одржувал пријателство со Атина.
Од неговата жена, Евридика II имал три сина, од кои сите подоцна станаа македонски кралеви: Александар II, Пердика III и Филип II Македонски.
Чествување
[уреди | уреди извор]Името на овој крал го носи популарна улица центарот на Скопје, чиј пораншен назив гласел „Ленинова“.[3]
Наводи
[уреди | уреди извор]- 1 2 3 Македонски историски речник. Скопје: ИНИ. 2000. стр. 25. ISBN 9989-624-46-1. На
|first=му недостасува|last=(help) - 1 2 Личности од Македонија. Скопје: МИ-АН. 2002. стр. 18. ISBN 9989-613-28-1. На
|first=му недостасува|last=(help) - ↑ „документ од Совет на Град Скопје“. Архивирано од изворникот на 2016-03-04. Посетено на 2014-03-11.
 |
Аргеади | Каран • Коин • Тирима • Пердика I • Аргеј I • Филип I • Аероп I • Алкет I • Аминта I • Александар I • Алкет II • Пердика II • Архелај I • Кратер • Орест • Аероп II • Архелај II • Аминта II • Павзаниј • Аминта III • Аргеј II • Аминта III • Александар II • Пердика III • Аминта IV • Филип II • Александар III Македонски • Филип III Аридеј • Александар IV |
| Намесници | Антипатар • Пердика • Полиперхон • Касандар | |
| Антипатриди | Касандар • Филип IV • Александар V • Антипатар II • Состен | |
| Антигониди | Деметриј I Опсадникот • Антипатар II • Антигон II Гонат • Деметриј II • Антигон III Досон • Филип V • Персеј | |
| Птолемаиди | Птоломеј II Керавн • Мелегар | |
| Други | Лизимах • Пир Епирски |
|